اللهم أحفظ مصر بحفظك وابعد عنها كل المكائد وكل من يحمل ذرة كره لها أشغله فى نفسه .. فانك تعلم يارب ان الوطن غالى على قلوبنا فا أحفظه بحفظك وأجعل كل من يدبر لمصر وشعبها وجيشها شرا .. اجعل تدبيرهم تدميرا عليهم .. اللهم اخمد نار الفتن بيننا .. اللهم أمين وصلى اللهم وسلم وبارك على سيدنا محمد وعلى اهله واصحابه أجمعين
سبحان الله وبحمده وسبحان الله العظيم ولا حول ولا قوة إلا بالله العلى العظيم
محمود قرب على هبه واتصنع الزعل وهو بيرقص من جووواه وكشر وشه : ايه الا جابك هنا
هبه بتبص حواليها لقتهم باصين ومركزين معاهم وبهمس قربت : انا عايزا اكلمك على انفراد
محمد براخمه : لاه عيب اجده
هبه داست على رجله جااامد : عيب فى عينك .. خلص
محمود بوجوع بسيط : اهدى يا هبوووش اوعى تدايجى ابو شكل الا يزعلك .. احممم وبيبص لامه .. حجه فاطمه وقرب على راسها باسها .. كيفك يا حجه
فاطمه : بخير يا ولادى طول ما انتو بخيررر
محمود : طيب بعد اذنك اصل فى كلام مهم يا أما .. ودخل الاوضه هو وهبه ووراه على وشمس
هبه ربعت ايديها وبتتكلم بحده : افهم ايه الا انت هبتته دا
محمود : عاتهب كيف وابور الداز
هبه : نعم .. وقربت عليه وبغل شدته من شعره جااامد .. انا ابعتلك 500 رساله ومش معبرنى
محمود مسك راسه بوجع : يابت انتى .. ما تجفليش معايااا وتتجلبى كيف الجطه
هبه : انت بتهزر انت عارف عملت ايه
محمود بأستعباط وبينطر ايده : عملت ايه انا .. الراجل جاعد فى حاله وانتى نازله ضرب وخرمشه فيه
شمس : من فضلكم انتو الاتنين . نأجل الكلام دا لحد ما نخرج من هنا
على : الا انتى عايزا تقوليه .. قوليه دلوقتى
شمس بتحدى : لا مفيش كلمه واحده ها تتقال هنا .. ها نطلع فى العربيه برا . وانتو تحصلونا . وسابته وخرجت ووراها هبه
محمود قرب عليه وبعصبيه : جولتلك روح فهمها جولتلك .. شكلهم ناوين على الشر يا ولد ياعمى .. هبوووش الرجيجه شدتنى من شعرى تخيل حلو إجده
على بيتنهد : ياله يا محمود شوف ها تقول ايه لاهلك واطلع ورايا .. وخرجو لشمس وهبه وعلى راح عند شمس .. انزلى عشان انا الا ها اسوق وارجعى انتى وهبه ورا
شمس من غير كلام نزلت وركبت هى وهبه ورا ومحمود وعلى قعدو قدام وطلعو بالعربيه ..
على بجمود : تحبى تروحى فين
شمس : نرجع القاهره
محمود : لايمكن دلوج .. الطريج واعررر وطويل
شمس : مش مهم
على : افتكر ان كلامه صح .. مش محتاجه عند باتو فى اى لوكانده والصبح سافرى
شمس بحده : وانت ها تفضل هنا مستخبى
على بأستهزاء : مستخبى .. ليه عامل عامله
شمس : اسئل نفسك يا حضرة المحامى المحترم .. على فرمل العربيه جااامد ووقف ونزل جمب مكان زراعى .. وشمس كمان نزلت وراه لف ورا العربيه وسند عليها بضهره وحط رجل على رجله وهو واقف
على : عايزا ايه يا شمس وايه الا جابك وبتريقه للمحامى المحترم
شمس : ليه .. هاااه قولى انت ليه
على : لو اجابة السؤال دا مش عندك انتى .. يبقى تركبى عربيتك وتمشى انا مش ها ادافع عن نفسى ولا ها ابرر حتى انا عملت كدا ليه واقف متهم قدامك
شمس ضربته فى كتفه بقوه : غبى . انت غبى ومجنون لو فاكر انى جايه طول الطريق دا وهاربنه من رجاله اد الحيطه عشان اجى اسئلك عملت اتفاق مع خالى عليا ليه
على بمهاجمه : امال انتى جايه ليه وتاعبه نفسك لو مش جايه تسألى
شمس : جايه اقولك ليه هربت منى .. للدرجه دى ماعندكش ثقه فيا وفى قرارتى تجاهك
على : مش مسئله ثقه .. مسئلة انى لازم اعرف واتاكد انا ماشى وها اكمل فى الطريق الصح والا الغلط .. ودا بيعتمد عليكى وعلى قرارك تجاهى .. حبيت تسمعى من خالك ويقول الا هو عايزه عشان اعرف بنيت ثقه جواكى والا بنيت وهم اى حد ممكن يهده حتى لو معاه دليل واثبات
شمس : وتفتكر دلوقتى بنيت ايه
على : على حسب تفكيرك انتى
شمس : على اوعى تفتكر ان الا بتعمله دا صح وانا ها اعديه كدا عااادى
على قرب عليها وبيقرب وبهمس : ايه الصح عرفينى
شمس بنفس الهمس : انى ها اطلع عينك ياعلى وها اسهرك واخليك تلف حوالين نفسك
على بثقه : وانا موافق لو تقدرى
شمس : اقدر يا ساذج .. واه مش تقولى انك حطيت الفلوس الا تخص الاتفاق وكمان اتعابك طول السنين دى بأسمى فى البنك
على ضحك جااامد : الا يستئل بيكى غبى رغم انى ما فتحتش بنفسى الحساب ولا بحولها عن طريقى
شمس بثقه : عرفت .. وعرفت انك مع خالى فى كل حاجه اصلكم مش بتاخدو بالكم من حاجات صغيره كدا .. وهى انى ذاكرتى فولازيه .. لما كلمتنى وقولتلى اتفقت مع ظابط امن دوله وهما الا ماسكين القضيه عشان نبقى فى السليم ومتأمنين … بمصادرى الخاصه عرفت مين الظابط قبل ما ارجع القاهره وطبعا مش ها انسى الصديق الوفى لخالى الا شوفته معاه اكتر من مره واعرفه واعرف اسمه .. فا اتاكدت ان كل حاجه بتم بعلم سالم باشا وانت معاااه
على بتاكيد : عارف وبلعب معاكى نفس لعبتك .. نبهتك لدخول امن الدوله فى الموضع عشان اكشف الورق قدامك لانى متاكد . انك ها تدورى ورايااا .. ودا عملته وانا متعمد عشان بردو اعرف رد فعلك فى الوقت دا لما تعرفى انى مع خالك ها تقربى والا تبعدى
شمس : ايه يا علوووشى كان رد فعلى هااا .. ايه قولى
على : ما انكرش انى كنت مبسوط لانك خلفتى ظنى فيكى واتجاوزتى اول مطب ممكن يقابلنا فى حياتنا . عشان لو قررتى واختارتينى ها تقابلى مطبات كتيررر فى حياتك
شمس بضحكه جاامده : والله انا مش عارفه مين فين الا معيش التانى فى مطبات
على : انا اختارتك انتى ومش مهم عندى اى حاجه تانيه مهما كانت .. عرفتى منين انى انا الا حاطت الفلوس فى البنك
شمس : محدش يعرف بيناتى غيرك وسالم .. وطبعا الا اكد ليا ان انت .. بعد اى قضيه تخص سالم باشا او شغل يخصه بيدخل مبلغ جديد فى الحساب بتاعى .. لان طبعا بعد ما عرفت انك معاااه .. اتاكدت كمان انك بتشتغل فى الشركه عنده بقالك 8 سنين .. وعرفت بكل الا تم بينكم لما قررت العب مع خالد شويه .. والصراحه خالد طلع جدع معااايا فا الموضوع بسيط بأختصار اكسب ثقة اهم ما عندهم
على بإعجاب : بحب فيكى انك بتشغلى دماغك حتى لو بعيده عن الاحداث
شمس قربت عليه قوووى : تربيتك ياعلى .. تربية ايدك .. عشت معاك وبيك كام شهر فى الشارع بتقابل دا وتحل لدا وانا قاعده على رجلك يا قاعده على كتفك .. بشوف وبتعلم منك بصمت لما شربته منك .. حبيتك وحبيت عيشتك .. سواء كان فى قصر او عشه .. انت بقى عملت ايه بعدت واستنيت انا اجى اهد المعبد على الا فيه بررررافوو يا على برافو
على : قولتلك وها اقولها تانى كان لازم افهمك اننا ها نتعرص فى حياتنا لكتيرر واولها الا خالك عمله بتلومينى عشان عايزك تبقى ليا وفى اى وقت عندك استعداد تغمضى عيونك وتقوليلى امسك ايدى وعدينى للبر التانى .. لو واثقه فيا ها تمشى وانتى مطمنه .. انما لو عكس كدا ها تخافى وتفكى الرباط وتسيبينى يا شمس .. ولسا القرار والاختيار فى ايدك وانتى حره .. انا مش ها افرض نفسى ولا وجودى فى حياتك لمجرد المساعده
شمس : اوكى يا على ها نشوووف .. اتفضل خلينا نمشى
على : مش ها اسافر من غير قرارك النهائى
شمس : انت عارف قرارى وجوابى كان اقوووى بكتير من الا انت عملته .. قرار الارتباط بيك انا مش ها اتراجع عنه .. بس مش قبل ما اخد حقى مظبوط منك
على ابتسم ومسك ايديها : تحت امرك اعملى الا انتى عايزاه
شمس شدت ايديها : دا اول الا ها اعمله مش تلمس شعره منى .. اتفضل عشان المجانين الا صوتهم جايب اخر الشارع
محمود : هبه كفايه خناق كان غصب عننا اعذورينى وانا شرحتلك كل الا حصل
هبه : كان لازم تقولى مش تسيب الدنيا تتطربق وتهرب
محمود : اسف .. بس ابوكى يا هبه … ابوكى ها اعمل معاه ايه تفتكرى ها يوافق
هبه بزعل وربعت ايديها : للاسف لاء
على دخل العربيه : صوتكم عالى ليه
شمس : اكيد بيتخانقو
هبه : ها اعمل ايه مع بابى يا شمس
شمس :فى ايه
محمود : انا عايز اتجوز هبه
شمس ابتسمت : هاتجيب وجع الدماغ لنفسك
هبه زقتها : شكلك فكيتى
شمس : انا فكيتى من زمان انتو الا معقدين الامور فا براحتكم
على بيبص لها فى مراية العربيه وبيغمز لها واتحرك بالعربيه .. راح على الشقه جابوو هدومهم وحاجتهم وسافرو مع بعص
************
حازم قاعد جمب فريده .. وبرا الباب حراسه على الاوضه
فريده بضعف : حازم
حازم : نعم يا فريده
فريده : هما ها يقبضو عليا
حازم : ها يتحقق معاكى اول ما حالتلك تستقر وما تقلقيش يا فريده شمس برئتك من اى تهمه .. بس لازم يتحقف معاكى لانك كنتى فى يوم من الايام واحده من العيله دى
فريده بوجع : اه كنت .. هو انا مش حاسه برجلى ليه
حازم بإرتباك : عشان المهدئ الا بتاخديه وبيحاوى يخبى عليها انها مش ها تقدر تمشى على رجلها تانى
فريده : كامل عامل ايه
حازم : الحمد لله يا فريده … وانسى انك ترجعيلو
فريده بتاكيد : عارفه بطمن بس .. وشمس فين عايزا اشوفها
حازم : ليه
فريده : ريحنى ارجوك
حازم : حاضر .. لما تكلمنى اكيد ها ابلغها ريحى انتى بس عشان ما تتعبيش اكتر
**************
سالم بجنون وبصوت عالى فى التليفون : عقل بنتك يا كامل .. انا مش عيل صغيرر .. والواد الا بتجرى وراه وهربت من الرجاله بسببه والله انا كفيل اخلص عليه وننتهى من القصه دى خالص
كامل : سالم ملكش دعوه بشمس .. مش بالعافيه كل حاجه
سالم : لا عافيه .. اذا كان ابوها ماقدرش يحمى امها .. قولتلك مش قدها سيبها .. فى الاخر اضحى بيها وهى كمان فى نفس مجال مليكا . اتجننت وعايز حد يفوقك
كامل : انت الا عايز تفوق من الا انت بتعمله مفيش فايده فيك وفى تفكيرك وقسما بالله ما حد ها يوقفلك غيرى يا سالم لو فيها موتى
سالم : ما انت ميت يا راجل بص لنفسك فى مرايه
.. حتى نفسك ماعرفتش تحميها
كامل : كتر خيرك يا سالم .. بس كامل الا تعرفه انساااه والا ها يمس شعره واحده من بنتى ها اقتله حتى لو انت .. وقفل فى وشه
سالم بغل : ها نشوووف .. مش سالم الا يقعد يتفرج ويتقاله اقعد على جمب .. انا ها اوريكم كلكم
**********
على بيتكلم وجمبه محمود عشان ما يناموش فى الطريق .. ومندمجين مع بعض وشمس وهبه راحووو فى النوم .. وبدون سابق انذار .. ضرب نااار من كل حته .
محمود بصريخ : حاسب يا على . اهرب . اهرب
على بيجرى بالعربيه وبيجى يمين وشمال وهبه وشمس قاامووو بفزع
*********
