رواية وجمعتنا الغربة الفصل الثاني عشر 12 بقلم اماني عمر
قصر لويس الرابع عشر0قصر فرساي)
اخبرهم محمد ان هذا المكان شاهد على الأحداث التاريخية التى حدثت منذ عهد لويس الثالث عشر وحتى الثورة الفرنسية
ثم اشار الى حديقة القصرالتى تمتد فى مساحة واسعة لا تقل عن 80 هكتار
نظرت اليه مريم باعجاب وقد اكتشفت به مزايا متعددة فهو ليس فقط طبيب ناجح وفنان موهوب ولكنه ايضا مرشد سياحى رائع
سأله مروان
مش ده القصر الذى اشتراه الأمير محمد بن سلمان بمبلغ 301 مليون دولار
اشار محمد له بالإيجاب
شهقت ايمان بفزع
301 مليون دولار دول يطلعوا كام بالمصري دول يا محمد
ضحك عليها الجميع ثم رد عليها مروان
كتير اوى يا حياتي مبلغ عمرك ما تعرفي حتى تعديه
انبهر الجميع بالمبانى الضخمة والحديقة الواسعة وخاصة غرفة المرايا التى كان يستقبل بها الملك فيما مضى أقرانه من الملوك والرؤساء ودار الأوبرا الملكية التى بناها لويس الخامس عشر لتكون اجمل اضافة للمكان
8**********************
اوصل محمد مروان وايمان الى الفندق الذى يقيمان به وقد شكروه على هذه الليلة الرائعة
جلسا هو ومريم بالسيارة والصمت يخيم عليهم مع انهما كانا يسرقان النظرات أحيانا الى بعضهم البعض وفكرت مريم أن تنظر من النافذة لتجد شئ يلهيها عن التفكير به ثم أخيرا قطع محمد الصمت بينهم عندما تذكر نصيحة مروان فقرر أن يصارحها بمشاعره
مريم
نظرت اليه متلهفة عندما سمعت اسمها يخرج من فمه
ايوة يا محمد
تجمدت الكلمات فى حنجرته ولم يستطع قول شئ
وقد تعجب كثيرا من نفسه فهو عادة بمنتهى الجراءة ولا يخشى مواجهة المواقف الصعبة ولكن خوفه من أن يفقدها مرة أخرى بعد أن يبوح لها بمكنونات قلبه أفقدته القدرة على الكلام برغم من انه يشعرمن داخله انها تبادله نفس المشاعر ولكنه ليس متأكدا وتمنى ان تستطيع اعطائه اشارة او تلميح يتأكد بها من مشاعرها نحوه
هل هناك وجع أقسى من أن يقف الكلام بين فمك وحنجرتك
ان أظهرته ندمت وأن أبقيته تألمت
اقتباس
فى ايه يا محمد كنت عايز تقول ايه؟
لا بس كنت عايز أعتذر منك على أسلوبي معاكي اليومين اللي فاتوا
ولا يهمك أن عمرى ما زعلت منك على فكرة وبعدين بين الصحاب مفيش كلمة شكرا ولا كلمة أسف
*******************
خرجت ايمان من الحمام بعد أن أخذت حمام ساخن لتشعر بالراحة بعد هذا اليوم المرهق ثم توجهت الى المرآة لتجفف شعرها ومروان يتابعها بعينه
كان يوم مرهق بس حلو أوى
مش أحلى منك
خت بالك من نظرات مريم ومحمد الأتنين دول بيحبوا بعض أكيد
مش قد حبى ليكى
التفتت اليه ايمان وهى تبتسم
واضح انك مش معايا خالص
اقترب منها مروان وضمها اليه وهو ينظر اليها بحب
بالعكس أنا كلى معاكي وليكي ثم انحنى وطبع قبلة على رقبتها
وحشتينى0000
*****************
*
كان اياد ينتظر قدومهم بترقب ثم تنفس الصعداء عندما سمع صوت الباب يفتح فتحدث بحدة بدون أن يسيطر على نفسه
كنتوا فين ده كله وكمان قافلين موبايلتكم
نظرا اليه باستغراب ثم نهره محمد
هو فى ايه يا اياد يعنى كان لازم ناخد الاذن منك قبل ما نخرج
تدارك اياد نفسه وسيطر على انفعالاته
مش قصدى يا جماعة بس قلقت عليكم ولا مش من حقى وخصوصا ان النهاردة اجازة ومتعودين نقضيه كله مع بعض
اجابته مريم
لوكنت موجود فى البيت الصبح كنت عرفت احنا روحنا فين وكمان أنا مش قافلة موبايلى ولا حاجة هو بس فاصل شحن
روى له محمد بعد ذلك ما حدث
طب اوعوا تقولوا انكم اتعشيتوا انا مستنيكوا من الصبح ومرديتش أكل غير لما تيجوا
فى الحقيقة اتعشينا بس مفيش مانع ناكل معاك تانى ولا ايه يا مريم
طبعا هو أكل الشارع ده بيشبع أصلا
بعد قليل تثاءبت مريم وقد ظهر على وجهها التعب
بعد اذنكم انا عشان خلاص هموت من التعب ولسه بكرة كمان فى يوم شقى
ابتسم لها محمد
كنت فاكرك أجمد من كده
بينما اياد كان ينظر اليهم في غيظ
يعنى ايه مش هتر وحى الشغل بكرة
نظر اليها محمد برجاء وتمنى أن تقول انها لن تذهب ولكنها قالت
كلمت جاكلين وقلتلها تحل محلى وأنا بعد كده هبقى اعوضهالها ثم أردفت يله بقى تصبحوا على خير
نظر اليه اياد وهو يبتسم ابتسامة صفراء
واضح انكم تصالحتم وكل حاجة بقت تمام
انا بالغت شوية فى ردة فعلى وقتها لكن اعمل ايه بخاف عليها اوى وأكثر ما بخاف على نفسي كمان
نظر اليه اياد بغيظ
انت بتحبها اوى مش كده واوعى تقولي تانى انكم بس اصدقاء
تنهد محمد تنهيدة عميقة
كنت طول الوقت بكذب عليك وعلى نفسي والحقيقة انى ما حبتش ولا هحب حد غيرها
وصارحتها بمشاعرك ؟
لسه بس أكيد هقولها قريب وقريب أوى كمان ولو طلعت بتبادلنى نفس المشاعر هعرض عليها الجواز فورا وهروح معاها مصر واخطبها من اهلها
ضغط اياد على كاس الماء الذى كان يحمله بيده فانكسر وأصيبت يده فركض محمد الى غرفته وأحضر علبة الاسعافات الأولية وضمد له الجرح
مش تاخد بالك يا اياد
جلس اياد على الأرض ليجمع الزجاج المكسر فنهره محمد
سيب انت كل حاجة مطرحها وأنا هلمها
اليوم التالى
بدوؤا يومهم برحلة بحرية فى أحدى شواطئ الريفيرا الساحرة وتناولوا الغداء فى مطعم للمأكولات البحرية ثم أخذهم بعد ذلك الى مدينة كان أجمل مدن الريفيرا والتى صرخت ايمان عندما سمعت اسمها
يعنى هنروح مهرجان السينما
ابتسم لها محمد ضاحكا
للأسف مفيش مهرجانات دلوقتى بس كمان فيها أفضل شوارع التسوق فى فرنسا
ايوة كده خلينا نشوف ليه سموها بقى مدينة السحر والموضة
تنهدت مريم تنهيدة قصيرة
وكمان بيقولما عليها مدينة الحب
نظر اليها محمد بحب بينما ابتسم مروان وايمان كل منهما للاخر
*******************
مر ساعتان ولم تنتهى الفتاتان من التسوق وقد أحضرا ايمان ومروان هدايا للجميع بينما مريم اشترت فقط شال لوالدتها وزجاجة برفان لشقيقتها التى تمنت ان تستطيع اعطائها لها يوما ما ثم نظر مروان لمحمد وهو يمسك قدماه من التعب
الله يسامحك يا محمد
نظرت اليه ايمان معاتبة
يعنى لو متسوقناش من مدينة الموضة هنتسوق فين
كانت مريم تنظرالى أحد الفساتين بإعجاب ولكن عندما رأت كارت السعر صرفت نظرها عنه
اخذ مروان كارت الفيزا من ايمان
كفاية صرف بقى والا هنرجع على بلدنا مشى
اشارلهم محمد بعد ان خرجوا من المول الى احدى الكافتيريات
استنونى هناك وأنا شوية وهحصلكم
سأله مروان
وأنت رايح فين؟
نسيت نضارتي جوا وهدخل أجيبها
أخذهم محمد بعد ذلك على مدينة ديزني لاند الفرنسية وقد لعبوا ومرحوا كأنهم استعادوا أيام طفولتهم ثم ودعهم محمد ومريم كالعادة بعد ليلة مليئة بالمرح والتعب كذلك
*****
نظرت مريم الى محمد بامتنان وهما داخل السيارة
متشكره أوى يا محمد على اليومين دول كانوا من أحلى الأيام اللى عشتها فى حياتي وهيتحفروا فى ذاكرتي للأبد
وضع محمد يده على يدها بحنان وقد جعل ذلك قلب مريم يدق بقوة
لسه مستنينا ذكريات كتيراوى هنعبشها مع بعض
قالت بصوت خافت
محمد أتمنى متكنش لسه زعلان منى عشان موضوع الشغل
رد عليها معاتبا
يعنى همك زعلى أوى ما أنتى عملتي اللي في دماغك بردوا على فكرة أنتى أعند واحدة شوفتها فى حياتي
لا أبدا الموضوع مش عند والله بس أنا وعدت مدير الكافية انى هفضل معاهم لغاية ما الفيزا بتاعتى تخلص ويقدر يشوف واحدة غيرى ووعد الحر دين عليه
خلاص يا ستي أنا مش زعلان وحسيت أنى كنت ما زودها شوية بس انتى خالى بالك من نفسك وأوعى مرة تانية تقولي انك عملتي كده عشان تساعديني عشان ساعتها هزعل منك بجد
طب فيها ايه يا محمد لما اساعدك ما انت ساعدتني كتير
صدقينى لو فى يوم احتجت مساعدتك مش هتردد اطلبها منك زى ما ساعدتينى كده على الرسالة
كانا يعبران الكوبرى المقام على نهر السين فشهقت مريم باعجاب
واو المكان شكله تحفة اوى بالليل وبالذات عشان النهاردة القمر بدر
أوقف محمد السيارة ثم كشف سقفها
أظن كده هتشوفى أحسن؟
صرخت بجنون
أحسن أوى
انزل محمد كرسي السيارة لها لترتاح اكثر فى جلستها ثم فعل نفس الشئ بكرسيه
كان اياد يجوب الغرفة ذهابا وايابا
ثم نظر على ساعة الحائط ووجدها الثانية بعد منتصف الليل
لا كده كتير أوى وأنا مش هدنى حاطط ايدى على خدى لغاية ما يجولى وهما متجوزين
امسك هاتفه النقال
ايوة يا فيكتور عايزك تقابلنى بكرة في مقر المنظمة
تحت امرك يا كوماندا
******************
ايه رايكم فى الرحلة اتبسطوا ولا لأ؟ وياترى ايه اللى ناوى عليه اياد(الكوماندا) ؟
