رواية كبرياء ادم وانتقام حواء الفصل السابع والعشرين 27 بقلم شيماء فكري – تحميل الرواية pdf

في صباح جديد
في المديرية
اللواء: دلوقتي هتتعرفوا على زميلكوا الحداد
دخل مراد
اللواء: مراد الشربيني الجوكر
كان اسلام وندى في استغراب
اسلام: ازي لامواخذة
فيروز: وانا كمان عايزة افهم
اللواء: تاني عضو جديد
دخلت فتاة ترتدي بدلة سوداء وتاركة شعرها وترتدي ماسك اسود على وجهها
اللواء: الجوهرة
الجوهرة: هاي
فيروز : ودا من ايه ان شاء الله
الجوهرة: نعم
فيروز: أنعم الله عليكي هي المزة دي هتشتغل معانا
اسلام: يا دين النبي دا الشغلانة طلع فيها بنات بجد
نظرت فيروز وندى ورهف لاسلام
اسلام: اكدب
ندى: وانتي جايه داهنة جسمك ورنيش ليه يا اختي
الجوهرة: What
فيروز: ازغط بط يا اختي
الجوهرة: ايه
رهف: امباليا
اللواء: بسس هو لعب عيال
اللواء: الجوهرة والجوكر هيشاركوا معانا في المهمة طبعا الجوكر انتو عارفينه وهو عارفكوا
اللواء: الجوهرة زميلتكوا الجديدة دول فرقتك
الجوهرة: احم اهلا بيكوا
اسلام: حضن بقة
فيروز ضربته في دراعه
اللواء: هسبكوا تتعرفوا
وخرج
تقدم اسلام بانشكاحة : انا اسلام
الجوهرة: جوهرة
اسلام: دا اسمك الحقيقي
جوهرة: اه
فيروز: والحلوة لابسة ماسك ليه
جوهرة: مش شغلك
اسلام بتصفير: واحد صفر
امير: انا الرائد امير.
جوهرة: اهلا
فهد بابتسامة: المقدم فهد
جوهرة بنفس الابتسامة: تشرفنا
نظرت جوهرة لمراد اللي واقف ينظر لها بتمعن
جوهرة بابتسامة: معجب
مراد بابتسامة: ممكن
مراد: مراد الشربيني الجوكر
جوهرة: اعرف الجوكر لكن معرفش انه مراد الشربيني وأنه قمر.
مراد: دا انتي معجبة بقة
جوهرة بابتسامة: ممكن
فيروز بغيظ: على فكرة مراد متجوز
جوهرة بابتسامة: بجد
مراد: اه
جوهرة: يا خسارة
مراد : خسارة
جوهرة قربت ليه بغمزة: خسارة ليا ومكسب ليها
جوهرة: وانتي مين يا قمر
فيروز: اسمي فيروز المقدم فيروز مش بلعب معاكي في الشارع اللي انتي متربية فيه
جوهرة: عرفتي منين اكيد متربية معايا
اسلام:لا كده ا وووف يا فيروز 2 صفر
فيروز بغيظ: انتي ازاي تتكلمي معايا كده
جوهرة: زي ما انتي اتكلمتي معايا
فهد: خلاص يا فيروز انتي اللي بداتي
فيروز: انتي بتزعقلي عشانها
جوهرة: طب هنكمل ولا نتخانق
فيروز: انا المقدم فيروز ومرات فهد
وأكدت على الكلمة
جوهرة باستغراب: اعمل ايه يعني
ندى: انا الرائد ندى
جوهرة : مرات مين انتي كمان
ندى: لا انا سنجولة
جوهرة: زي بعني
رهف: وانا رهف تخصص هكر ولاسلكي
جوهرة: وانتي سنجولة برضو
رهف نظرت لأمير وصمتت
فيروز: وانتي مالك
جوهرة وجهت كلامها لمراد: انا كده تمام اتعرفت وعرفتوني تيكير
وخرجت
فيروز بتقليدها : انا كده اتعرفت وعرفتوني كتك نيلة وانتي شبه علبة الورنيش
فيروز لفهد: وانت بتبص على ايه
فهد بابتسامة: بتفرج
فيروز : على ايه دي عاملة زي السيجارة
اسلام: المحشية
فيروز بغيظ: سكتوا الواد دا
فيروز لمراد: وانت يا اخويا عاملة تبصبصلك وانت مستجيب والله لاقول لمراتك
مراد: انتي عارفة طريق البيت صح روحلها وابقي صوري البت ووريلها الصورة خليها تشوف البنات عاملة ازاي
فهد نظر لها بقرف: عندك حق والله
فيروز بصدمة : دا بيشتمني
فون مراد رن
مراد: ألو
اسيل ببكاء: مراد تعال بسرعة
مراد بفزع: اسيل مالك في ايه
اسيل: جاسر يا مراد اتخانق مع بابا وبابا طرده
مراد: اهدي بس انا جايلك اهو
وأغلق الخط
فهد: في ايه
مراد: جاسر اتخانق مع ابوه انا رايح دلوقتي سلام
وخرج
نظر فهد لفيروز: بومة
****************************
في شقة حمزة
حمزة : جايدا اصحي يلا
فتحت جايدا عينيها: سبني شوية انام
حمزة: قومي بقة عشان هروح اجيب النتيجة بتاعتي عايز افطر
جايدا: الفلبنية اللي جابهالك بابا
حمزة: الله يرحمه
جايدا: روح يا حبيبي افطر مع حبيبة القلب هناك اصل مش ناس تفطر وناس تحب
حمزة بابتسامة: في ناس بتغير هنا
جايدا: أغير على ايه بلا نيلة خليها تشبع بيك
اوعى من وشي
حمزة: البت دي لسانها طول اوي
****************************
في فيلا الشربيني
في غرفة ادم
استيقظ ادم على صوت فونه
ادم:الو يا سميح
سميح: بقولك ما تيجي تسهر معايا النهاردة
ادم: ماشي هشوف يومي كده وهقولك
سميح: ماشي يا اسطا سلام
واغلق ادم الهاتف
وجد رنا متكومة على الارض
ادم بفزع: رنا انتي لسة هنا من امبارح
وافتكر ان بعد ما اتخانقوا اغمى عليها ونايمها على الأريكة
ادم ذهب تجاها
ادم: رنا اصحي بسرعة
فتحت رنا عينيها المتورمة من كثرة البكاء
رنا: انتي ايه االي جابك اوضتي
ادم: انتي اللي لسة في اوضتي
رنا بفزع: نعم في أوضتك ازاي
ادم: مش وقته لازم تتطلعي قبل ما حد يلاحظ بسرعة
الباب طرق
رنا بخوف: الباب يا ادم
ادم: اهدي بس استخبي وانا هفتح مطلعيش صوت
وذهب ادم وفتح الباب
مازن: ايه ساعة على ما تفتح
ادم بتوتر: ك كنت نايم
مازن : مالك يلا
ادم: مافيش
مازن: ماشوفتش رنا اسر راح اوضتها مش لاقيها
ادم بتوتر: هعرف منين وتتكون راحت فين طالما مش بايته في الأوضة
مازن بشك: عرفت منين انها مش بايته في الأوضة
ادم : ها
مازن: عرفت منين
ادم: انا بخمن بس
مازن: ماشي
وذهب
أغلق ادم الباب
ادم: اووف
ودخل
ادم: رنا اطلعي
خرجت رنا من الدولاب
رنا: مشي
ادم: اه بس المشكلة أنهم لاحظوا انك مش في الأوضة
رنا بخوف: هعمل ايه دلوقتي هقولهم ايه
ادم: قوللهم انك كنتي مع جايدا
رنا: وهم هيسكتوا لما اخرج من غير اذنهم
ادم: أهون
رنا : انت السبب في اللي انا فيه دا
ادم: اه انا اللي حبيتك تيجي اوضتي صح
رنا: وجاية ليه مش عشان الورقة اللي حضرتك ذللني بيها وانا اصلا معرفش عنها حاجة
دخل مازن فجاءة
مازن: أمم هي دي اللي مش عندك صح
رنا بخوف: مازن هفهمك
مازن: هتفهميني ايه يا محترمة تحبي اروح اجيب اخوكي وابوكي يجوا يتفرجوا بس العيب مش عليكي العيب على عديم التربية
ادم: مازن انت فاهم غلط انا ورنا اتخانقنا امبارح فهي اغمى عليها وراحت عليها نومة هنا والله
مازن: وهي تجيلك ليه اصلا
رنا: انا اسفة اخر مرة والله بس متقولش لأسر بالله عليك
مازن مسك رنا من شعرها : مش هيبقى في جاية اصلا
ادم ابعد مازن عن رنا: مالكش دعوة بيها يا مازن كلمني انا هي ملهاش دعوة
مازن بسخرية: لا راجل يلا
ثم أعطه بوكس
مازن: لو راجل مكنتش هتعمل كده
ادم نظر للأرض هو رنا
مازن: قسما بالله يا شوية مراهقين تحصل تاني ساعتها انا الي هروح اقول لجدك وانتي يا هانم اتفضلي شوفي هتقولي لاخوكي ايه
وسحبها من ذراعها
رنا نظرت لآدم بدمع وغضب
وخرجت
زفر ادم بغضب
**************************
في منزل أشرف
وفاء: انا عايزة ابني يا أشرف
اشرف:لما يبقى يحترمني ويتكلم معايا بأدب ابقى قولي ابنك
وفاء: دا كلوا عشان العريس اللي متقدم باسيل
فهو رافضه
اشرف: اسكتي عشان انتي متعرفيش هو عايز ايه ولو عرفتي انتي اول واحدة هتطرديها وتبري منه
سامح: طب هو عمل ايه
اشرف: هقولك بعدين يا سامح
هند: وهو سر يعني
اشرف: اه سر يا هند
خرجت اسيل ببكاء: دا كلوا عشان عريس الغفلة انا برضو مش هوافق عليه
أشرف: احترمي نفسك متنسيش انك بتكلمي مع ابوكي
اسيل: وياريت حضرتك متنساش انك ابويا يعني المفروض متجبرنيش على حاجة
اشرف: انا مش هجبرك على حاجة بس دا ابني وانا هدبه لأنك متعرفيش حاجة
اسيل: معرفش ايه قولي
دخل مراد
مراد: في ايه يا جماعة
اسيل: مراد عشان خاطري وديني وجاسر
اشرف: لو روحتي ليه يا اسيل هتبقي لا بنتي ولا اعرفك
وقام دخل وسامح خلفه
مراد: في ايه فهميني ايه حصل
اسيل: امبارح بعد الفرح واحد جيه اتقدم ليا وبابا موافق عليه وانا مش موافقة جاسر عرف اتخانق هو وبابا الصبح كانوا قاعدين مع بعض في الأوضة فجاءة لقيت جاسر بيزعق وبابا بيقوله انا معرفتش اربيك وبقوله لو مشلتش اللي في دماغك يبقى انت لا ابني ولا اعرفك
وطرده
أغمض مراد عينيه فقد علم ماذا قال صديقه لأبيه
دخلت اسيا بكوب ليمون
اسيا: اشربي بس الكوبية دي هدي نفسك
زفر مراد وأرجع خصلات شعره للخلف
وذهب لغرفته
وأخرج سيجارة واشعلها
وأمسك الهاتف
مراد: انت فين
جاسر: في شقتنا
مراد: طب انا جايلك
جاسر: متجيش دلوقتي يا مراد
مراد: ليه
جاسر:عايز اقعد لوحدي سلام
وأغلق الخط
مراد: غبي
ودخلت اسيا
مراد: انتي سيبتي اسيل ليه
اسيا: هي عايزة تنام
مراد: هو ايه اللي حصل بالظبط
اسيا: معرفش انا نزلت اجيب حاجات من السوق امك عايزها واخدت إذن من المستشفى وجيت لقيت الدنيا والعة
مراد: طيب
اسيا: انت هتمشي تاني
مراد: هروح الشركة
اسيا: عملت ايه في المديرية
مراد: اتعرفت عليهم ولسه هنبدا بكرة
اسيا: هتعمل ايه مع جاسر
مراد:معرفش لسع
************************
على السطوح
سيف: ما خلاص يا اختي يعني هو هاجر كندا طب ما انا كل يوم مطرود
همسة ببكاء: ما انت مشوفتش بابا زعقله ازاي واول مره يضربه
سيف : هو ضربه
همسة: اه ضربه بالقلم وقاله ازاي تفكر كده
سيف: ليه كان بيفكر في حاجات سيكس
همسة: تصدق انك بارد انا قاعدة معاك ليه اصلا
سيف:عشان مش لاقية غيري
همسة: طب انا عايزة اطمن عليه
سيف: لما مراد يجي
همسة: انت مش هتجيب الشهادة بتاعتك
سيف: يعني شهادة الدكتورة ما حمزة هيشوف إذ كنت نجحت ولا لا
همسة: دا انت تلاجة
سيف: في واحدة تشتم جوزها دا احنالسه متجوزين امبارح
همسة: والنهاردة البيت ولع
سيف: فقر اوي مافيش فرح غير يختم بغم على طول
*************************
في غرفة هنا
هنا: البيت والع واسيل مش مبطلة عياط
مازن: أوفر اوي على فكرة اسيل دي يعني هو هتضيع ما يومين وهيرجع
هنا: لا دي خناقة جامدة أوي وخالو قاله لا انت ولا اعرفك لو فكرت كده تاني
مازن:ليه هو عايز ايه
هنا: ما انا هموت واعرف
مازن: بعد الشر عليكي
هنا: خايف عليا
مازن: اكيد طبعا اومال تخاف على ادم مثلا
هنا: هههه والله انتو ظالمين الواد دا معاكوا
مازن: اسكتي عشان انا مش طايقه اصلا
هنا: ليه عمل ايه
مازن: البيه مخلي رنا بايته عنده من امبارح
هنا: بايته فين
مازن:معه في الاوضة
هنا: يا نهار اسود دا انا لو عملته كان زمان راسي متعلقة على باب زويلة
مازن: والبجح يقولي اصل راحت عليها نومة
هنا: ههههه واسر عمل ايه
مازن: اسر معرفش ولا عمي لأنهم لو عرفوه كان زمان ادم ورنا متعلقين على بابا الفيلا
هنا: بش برضو يا مازن مينفعش متعملش ليعم حاجة لازم عقاب عشان يحرموا ورنا ازاي تعمل كده
مازن: انا هقعد اتكلم معاه
هنا:تكلم معاها مطولش ها
مازن: هههه انتي هتغيري من رنا يا عبيطة
هنا: اه يا اخويا البت شعر احمر وحاجة أجانب انا مش عارفة انت عايش معه في بيت واحد ازاي
مازن: يا بنتي انا عمري ما بصيت لرنا دي قد بنتي
هنا: شاطر بس تبص لاختها
مازن: ياااا يا عبد الصمد قلبك اسود اوي
هنا: دا انا قلبي مافيش اطيب منه
مازن: هو انا بعشق فيكي غير طيبتك
هنا: طيبتي بس
مازن: انا بعشقك كلك على بعضك
روما: وايه كمان يا اخويا اتاثرت والله جسمي قشعى
هنا بفزع: يا ماما
روما: ايه يا قطة اتخضتي
مازن: انتي نطالي في كل حتة انتي هنا من امتى
روما: من الأول خالص يا روحي من اول بعد الشر عليكي ان شاء الله ادم
هنا: دا انتي معانا من بدري بقة
روما: جدا
مازن: وانتي عندهم ليه
روما: المفروض اننا هنروح نجيب الشهادة وكده يعني وحمزة مستنينا
هنا: أه صح الشهادة
مازن: روحي انتي مع خطيبك هي مالها مش هتمشي مع حمزة
روما: انا مش عارفة كلكوا جاين على الواد ليه مع انه طيب
مازن: انا قولت هنا مش هتروح معه يعني مش هتروح
روما سندت على هنا بسهوكة: بموت في حمشنتك
هنا: ايه يا اما دا بتاعي انا
روما: يا اختي بلا نيلة اشبعي بيه ما قدامي من ساعة ما اتولدت هيحلو دلوقتي
مازن: انا طول عمري حلو يا اختي
روما: طب هتيجي ولا لا
مازن: انا قولت لا هجبلها انا النتيجة
روما: اه يا واطي مش انا بنت خالتك المتربية معاك طب اعزم عليا حتى عزومة مركبيه
مازن: هو فرح يا اما خلي اسر يجبهالك
روما: ههههه يجبهالك دا هو لو طال يولع فيا هيعملها
دخل اسر في الفيديو
اسر: اولع فيكي ليه يعني عادي الجواز قسمة ونصيب واحنا متربين مع بعض وهتفضلي زي اختي
روما: نعم يا روح امك
اسر: ايه
روما بغيظ: اقصد طبعا
اسر: وانا جبتلك شهادتك عشان اثبت دا
روما : جبتها بجد
اسر: اه ومبروك امتياز يا بش مهندسة طلعتي التانية على الدفعة
روما : انا بقيت مهندسة يا هنا بقيت مهندسة يا عالم
هنا: اسكتي هتفضحينا
مازن: مبروك يا اختي
اسر: وممكن تيجي تشتغلي معانا في الشركة
انتي زي اهتي ومصلحتك تهمني
روما نظرت له بغيظ
مازن: طب هقفل بقة اجبهالك يا هنا سلام
هنا: سلام
وقغل
روما بغيظ: ابن المضيقة بيقولي زي اختي
هنا:ههههه اهدي بس ليحصلك حاجة
روما: قال اختو قال
سمعوا صوت تصفير
خرجت روما من الشباك وجدت حمزة
حمزة: دا كلوا يلا
روما: لا خلاص روح انت
حمزة: مش هتجبيها
روما: جبتها
حمزة: ازاي
روما: هقولك بعدين
حمزة : ماشي وذهب
**************************
هشام: التنفيذ الليلة
الراجل: امين يا باشا
صافي: انت متاكد ان كده هتيجي
هشام: دي اخر فرصة ليا
هشام: البنت اللي بتديله المخدرات عملت ايه
صافي: لسه مش هارفة تقابله عشان كان بيتجوز
هشام: خليها تخلص .
هشام: عملتي ايه في موضوع بنتك
صافي: لسة مش لاقيها
هشام: دي لو لقيتها هتبقى ضربة معلم
***************************.في شقة حمزة
حمزة: جايدا انا نجحت يا جايدا
جايدا: بجد
حمزة: بقيت المهندس حمزة الراوي
جايدا: مبروك يا عم
حمزة: عايزة ايه بقة يا ستي حلوة نجاحي
جايدا: عايزة اتفسح
حمزة: بس كده عيوني
************************
في منزل سامح
سيف: انا نجحت يا بشر نجحت
مراد: ما خلاص يا ابو مقبول
سيف: ماله مقبول وحش اهم حاجة ان انا بقيت المهندس سيف الشربيني
وجد الشبشب في ضهره
هند: اقعد يا وكستي التقيلة
سيف: والله حرام عليكي ظلم
هنا بفرحة: ماما انا طلعت التالتة على الدفعة
اسيا: مبروك يا هنا
هنا: الله يبارك فيكي
مراد: مبروك يا هنا عايزة هدية ايه بقة
هنا: عايزة عربية
مراد: عيوني بس بتعرفي تسوقي
اسيا: انا هعملها
سيف:طب وانا
مراد: ابقى اركب جنبها
سيف نظر لهم ورفع يديه لفوق وأشار بالأخرى
سيف: اهم يارب الظالمة اهم خدلي حقي منهم وبذات الولية اللي اسمها امي دي كشفت راسي ودعيت عليكوا
*****************************
في المساء
المساء غرفة رنا
كانت تتحدث مع جايدا في الهاتف
جايدا: الحيوان يعمل فيكي كده
رنا: الخطة اللي احنا عملنها عشان يغير بهدلت الدنيا
جايدا: وهتعملي ايه دلوقتي
رنا: مش عارفة
جايدا:اقول لحمزة
رنا : لا بالله عليكي دا بالذات لا دا ادم ممكن يولع فيا
جايدا: طب هتعملي ايه
رنا: معرفش بس اوعي تقولي لحمزة باللع عليكي
جايدا: حاضر
رنا: سلام يلا
وأغلقت
الباب طرق
رنا: ادخل
دخل اسر
اسر: مالك قاعدة لوحدك ليه
رنا: مافيش حد اقعد معه من ساعة ما اسيا اتجوزت وروما مشيت وفيروز مع فهد في الشغل هقعد مع مين
اسر: وانا روحت فين
رنا: على طول في الشركة أو برا مش بشوفك
اسر: وانا جيت اقعد معاكي يا ستي
اسر: ها بقة هتتدخلي كلية ايه
رنا: لسة مش عارفة محتارة
اسر: رنا انتي مالك كده
رنا اترمت في حضن اسر وبكت
اسر: في ايه يا رنا متقلقنيش
رنا ببكاء اكتر
اسر: في حد زعلك او عملك حاجة
رنا: مافيش بس اسيا وحشتني
اسر: ما انتي كنتي معاها امبارح
رنا: نفسي تيجي تبات معايا
اسر: ابقى اقولها يا ستي تيجي يومين عشان خاطرك مبسوطة كده
هزت رأسها
اسر: طب قومي يلا البسي عشان اخرجك
رنا: بجد
اسر: ههزر معاكي يا بت قومي
رنا: فوريرة
وذهبت للحمام
وجلس اسر حزين فرنا الكل تركها لا أحد يهتم بها وهي في سن خطر
*************************
في عربية مراد
مراد: انا عارف هتشتم بسببك من جاسر وخالي
اسيل: مالكش دعوة انت انا المسئولة
مراد: لما نشوف اخرتها وصلنا
اسيل:طب روح انت
مراد: نعم
اسيل: روح انت هطلع انا لوحدي
مراد بسرعة: لا طبعا مينفعش
اسيل باستغراب: هو ايه اللي مينفعش
مراد: ترجعي لوحدك باليل
اسيل: هبقى اتصل بيك تيحي تاخدني امشي انت
وصعدت العمارة
ودقت على الباب
فتح جاسر
جاسر: اسيل انتي جاية لوحدك باليل
اترمت اسيل في حضن جاسر
اسيل ببكاء: كده تسيبني وتمشي
جاسر: احم اهدي بس
وابعدها عنه
وادخلها واغلق الباب
جاسر: مراد اللي جابك صح
اسيل: اه مكنتش عايزين اجي
جاسر: اكيد لا
اسيل: يلا عشان ترجع معايا
جاسر: اسيل أنسي مش هرجع
اسيل: خلاص انا كمان هقعد معاك
جاسر: أية حركات العيال الصغيرة دي
اسيل: ماليش دعوة مش هروح غير معاك
جاسر : خليكي قاعدة انا داخل اخد شاور
وتركها وذهب
اسيل قامت تتجول في الشقة
*********************
في شقة سميح
ادم: يا عم انا زهقت من اللعبة دي ومش قادر اشوفها كده
سميح: طب اضرب يا حنين
اخد ادم السيجارة منه
ادم: دا صنف جديد دا
سميح: اه بس عنب
ادم: انا خايف حد يقفشني والله
سميح: جمد قلبك
وسميح أخرج بودرة وقام بشدها
سميح بتوهان: دي بقة احلى دماغ
ادم: بودرة
سميح: تجرب
ادم: لا ياعم ماليش فيه دا ابويا يقتلني
سميح: هتفضل كده خايف دي بتعمل دماغ يا ابني ايه مقولكش
ادم شيطانه ابتدا يلعب بيه
سميح: جرب او معجبتكش خلاص
قام ادم بشد اول مرة
واتنفس وارجع رأسه للخلف
سميح: دماغ عالية
**********************
الراجل: هي طلعت عمارة يا باشا
هشام : خليكي وراها متغبش عن عينك
الراجل: حاضر يا باشا
*************************
دخلت الغرفة وأخذت تتجول بها
فتحت الدولاب وألقت نظرة على الملابس
لفت نظرها البوم صور
اخذته دي صور ليها
اخدت الألبوم وجلست على السرير وقعدت تتفرج عليه وقعت عنيها على مذكرة
باسم الحب المستحيل
فتحت المذكرة وأخذت تقرأ فيها لحد ما اخدت صدمة لا تتوقعها لا تصدق رجعت تقرأ تاني لا مستحيل
فجاءة باب الأوضة اتفتح
ووجدها تمسك بالمذكرة وعلى وجها علامات الصدمة
اسيل بصدمة: ايه دا دا مش حقيقي كدب صح
جاسر: اهدي وانا هفهمك كل حاجة
اسيل: تفهمني ايه أبعد عني انت مريض
انا اختك
جاسر بزعيق: لا مش اختي مش اختي انا مش اخوكي
اسيل بصدمة: ايه اللي انت بتقوله دا
************************
هشام : ملك ايمن الشربيني الضائعة تعود ههههه
*************************