رواية وجهي المسروق الفصل الخامس 5 بقلم مصطفي جابر
خلود مش موجوده يا فهد بايته عند صاحبتها من امبارح في حاجه ولا اي .. اي الروج اللي علي رقبتك ده يا فهد ؟
: هقولك انا.
بصوا لاقوها خلود جاية من ناحية شقة فهد..
خلود بابتسامة : أنا وفهد حبيبي اتجوزنا امبارح والنهارده صباحيتنا انا وهو.
تسنيم و سعاد وفهد بصدمة: ايهههه.
طلعت ورقه من جيبها و ادتها لتسنيم اللي واقفه بصمت.
تسنيم رمت الورقة: انا مستحيل اصدق التخاريف دي اكيد مزورين .. فهد حبيبي مستحيل يعمل كدا انتي فاهمه.
خلود بغضب: لا عمل انا دلوقتي مراته ودي امضته اهي
فهد بغضب: محصلش انتي كدابة .. أنا دخلت شقتي امبارح بعد ما جئت أنا ورهف ولقيتك في شقتي وكنت بتكلم معاكي وفجأه محستش بحاجه ومش فاكر اي اللي حصل والله ما عملت حاجه
خلود بخبث: انت لي بتنكر جوازنا يا فهد كل ده علشان متجرحش تسنيم ؟ أنطق واعترف انا خلاص بقيت مراتك و قريب هكون ام اولادك
تسنيم راحت جنب فهد ومسكت ايده بثقه: وانا واثقه في فهد وانه مستحيل اصلا يبص لك يا خلود.
خلود بسخرية: بتكدبي اختك تؤامك وتصدقيه مقبولة منك بس أنا كنت حاسه ان فهد هيعمل كده ويكدبني علشان كده عاوزاكي قبل ما تعملي فيها البنت اللي مفيش منها وواثقه في خطيبها عايزاكي تبصي بس علي حاجه.
طلعت صور ليها هيا وفهد و حدفتها علي تسنيم : اتفرجي وملي عينك يا حبيبتي وفهد معايا.
تسنيم بصت للصور وسابت ايد فهد وبعدت عنه
فهد بخوف: والله العظيم كدابة هي اللي جت لي متصدقهاش انا مش فاكر حاجه بس اللي واقف منه أن الصور دي اكيد متفبركه
كف قوي بينزل علي وش خلود..
سعاد بغضب: هيا وصلت بيكي القذاره انك تعملي كده . الظاهر فعلا اني معرفتش اربيكي وهربيكي من الاول.
خلود بعصبية: ماما.
سعاد بغضب وزعيق: بس اخرسي انا عارفاكي كويس وعارفه تفكيرك الشيطاني انا السبب من الاساس مش هلومك بس تعملي خطة قذرة زي دي في اختك لا يا خلود انا اللي هقف لك انتي فاهمه.
تسنيم مسكت الصور قطعتها: وانا واثقه في فهد.
خلود بغضب: بقولك جوزي بقا جوزي خلاص ميجوزش ليكي.
فهد ببرود: خلاص سهلة انتي طالق طالق طالق يا خلود دا لو انا اتجوزتك فعلا اصلا
خلود بصدمة: اييي طالق .. انت طلقتني يا فهد ؟
فهد بغضب: انتي مريضة والمفروض تتعالجي انا اصلا متجوزتكيش.
: عندك حق يا فهد انت متجوزتهاش هي اللي زورت كل دا وخدرتك.
بصوا للصوت لاقوا شاب ما..
خلود بتوتر: محمد ؟ انت اي اللي جابك هنا
محمد بهدؤء: فهد معملش حاجه هيا اللي دخلت شقته و عملت كل دا يا جماعه وانا ساعدتها بس مقدرتش اكمل في اللعبه القذره دي وضميري مسمحش ليا اكمل اكتر من كدا .. احنا خدرنا فهد وهيا عملت كل دا.
تسنيم ابتسمت بارتياح اكتر: كنت متاكدة… وعمر ثقتي في فهد ما هتبوظ
خلود بغل: كدب كل ده كدب وفهد هو اللي متفق معا الواد ده اكيد علشان يشوه سمعتي قدامكم ولو مش مصدقين استنوا كده خليكم واقفين هنا متتحركوش
تسنيم بصت ليها بدموع: لا متتحركوش انتي يا خلود .. أنا هكلم المصلحه تيجي تاخدك انتي المفروض تروحي تتعالجي لأنك مريضه بمرض الحقد والكره والغل والأنانية .
خلود بغل بتزقهم وبتدخل : قولتلكم هوريكم الدليل … بتدخل المطبخ بسرعه وتجيب سكينه وبتداريها ورا ضهرها وبتطلع ليهم بيها
تسنيم بجمود : ها فين الدليل ؟
خلود بغل : هوريهولك حالا .. لسه هتضرب بيها علي غفله فهد وقف قدمها وخد الضربه في كتفه..
تسنيم بصراخ: فهدددد.
فهد وقع عالارض وهو حاطت ايده بضعف علي كتفه وبيحاول يكتم الدم و سعاد صرخت : لييي كدا ليههه.
خلود رمت السكينه منها بخوف..
محمد بقلق: أنا هطلب الاسعاف حالا.
خلود بصت بصدمه للسكينه ولفهد اللي بينزف
تسنيم بدموع: فهد متسبنيش يا فهد لااااا
فهد بضحكه: الضربه في كتفي علي فكره مش في قلبي فا مش هموت اطمني
بعد شويه.. في المستشفى..
الدكتور: الحمدلله الاصابة سطحيه بس محتاجين نعمل بلاغ.
خلود خافت..
تسنيم بصت لاختها بحزن: مفيش داعي يا دكتور اتفضل انت.
الدكتور بجمود : مفيش حاجه اسمها مفيش داعي وده شروع في قتل .. النيابه شويه وهتوصل وهتستجوبكم
بيسيبهم ويمشي
تسنيم وقفت قدام اختها: كان نفسي تكوني اخت صالحه لكن شوفي كرهك و غيرتك والحقد اللي ماليكي وصلوكي ل اي ؟ خلوكي بينك وبين الحبس خطوة واحدة تخيلي تتسجني وتبقي معا المجرمين .. لي عملت لك اي يا خلود انا اختك اختك فاهمه يعني اي اختك ؟ يعني لو الدنيا كلها ضدك هكون أنا جمبك .. لو الدنيا كلها بتهاجمك هكون أنا درع حمايتك فا ليه تعملي فيا كده
خلود دموعها نازلة بحزن…
سعاد بجمود وقسوة: انا بنتي خلود ماتت امشي الحقي العربي واختفي ومشوفش وشك تاني.
خلود بخوف: لا لا يا ماما ارجوكي لا.
سعاد بجمود: انا مش امك انتي شيطانه
خلود بدموع: والله هتغير سامحوني ادوني بس فرصة.
: هيدوكي فرصة بس في عدم وجودنا انا حجزت اقرب طيارة وهاخد تسنيم وهسافر .
تسنيم بخضة: فهد.
كان ساند علي الحياطه جريت سندته..
سعاد بصدمة: هتسافروا ازاي وليه
فهد بهدؤء: مش هأمن علي تسنيم وهيا هنا معاكم انا هكتب عليها و نتجوز برا وهتبقا تيجي تزورك وانا معاها دا الحل … ولأجل تسنيم بس لما النيابه تيجي مش هبلغ عن خلود وهعرف اتصرف معاه النيابه
سعاد بصت ليهم بحزن
فهد بحنان: وكمان السفر ده عشان عملية تسنيم .
سعاد بفرحه: تسنيم هتعمل عمليه ؟ عملية اي
فهد بابتسامة: ايوا يا مرات عمي .. عملية هترجع وش تسنيم زي مكان واخلي .. هنسافر نعملها وبعدين نروح لأهلي ونستقر هناك.
سعاد بابتسامة: المهم راحتكم اي رايك يا تسنيم.
تسنيم بابتسامة: اكيد موافقه
باس راسها بحنان…
بليل..
فهد رفض يكتب الكتاب في بيت سعاد خوفا من أن اي حاجه تحصل وطلع من المستشفي عالمأذون . كتب كتابه علي تسنيم وخدها وطلع عالمطار وسافر تحت حزن امها و خلود اللي قاعده في اوضتها وقافله علي نفسها
بعد مرور شهرين…
تسنيم عملت العمليه ورجعت زي الاول و عاشت مع فهد في لندن…
دخل فهد وهو متعصب..
امه باستغراب: مالك يا فهد.
فهد بص لتسنيم بغضب: مفيش عن اذنكم.
صباح باستغراب: هو ماله جوزك متعصب كده ليه اطلعي شوفيه ماله لأحسن يكون اتخانق مع حد ف الشغل ولا حاجه يا تسنيم ربنا يستر.
تسنيم بابتسامة: حاضر يا ماما عن إذنك هطلع له.
طلعت له تسنيم وهيا خايفه انه يزعق ليها وهو متعصب..
دخلت تسنيم الشقه لاقته في الأوضه بيصلي دخلت تجهز الغدا علي مايخلص صلاه..
بعد شوي..
حطت الاكل ولاقيته ساب المصليه وقعد من غير مايتكلم.
تسنيم بتوتر: فيه اي مالك يا فهد انت حد مزعلك ولا حاجه.
فهد ساكت ومش راضي يرد..
تسنيم بهدؤء: فهد اتكلم فيك ايه متقلقنيش عليك.
فهد رد بهدوء : انتي طلبتي من مامتك فلوس يا تسنيم عاوزاها تبعت لك فلوس ؟
تسنيم بتوتر: مين قالك كدا.
فهد بعصبية مكتومة: ردي علياااا انتي عملتي كده صح.
تسنيم بتنهيدة: اه يا فهد فيها اي لما اطلب منها دي امي وهبقي اردهم ليها يعني وبعدين يا فهد محصلش حاجه ي
لكل ده
فهد بغضب: هو اي اللي محصلش حاجه يا تسنيم هو انا بشتغل ليه عشان مامتك تصرف عليكي شايفاني مش قادر اكفي مصاريف البيت يعني ازاي تعملي كدا.
تسنيم بحزن: يا حبيبي اهدا بس والله ابدا مش كده انا بس قولت لماما اني محتجاهم سلف عشان الحمل زاد عليك الفتره دي بعد ما بنت خالتك جت هنا هيا واختك وجوزها وانت مش بتتكلم ومحدش فيهم بيدفع حاجه فا كان لازم اتصرف وأسند معاك بأي حاجه
فهد بعصبية: دي مسئوليتي أنا وانتي وملكيش الحق انك تاخدي من اي حد فلوس وبعدين مين قالك ان حياتنا مش مستقره .. ما اهو الحمد لله ربنا رازقنا وكله تمام و هما مش حمل ولا حاجه انا مشتكتش يا تسنيم عشان تعملي كدا وتكلمي امك وتستلفي منها .. احنا الحمدلله مستورين والحمد لله.
سابها ودخل الأوضه دخلت وراه.
تسنيم بهدؤء: لا يا فهد حياتي مش مستقره ولا حاجه أنا مراتك وشايفه الحمل اللي عليك .. فيها اي يعني يا فهد لما اساعدك بقي مش انتا جوزي واحنا بنساعد بعضينا وبعدين انا بحب اساعدك واقف جمبك وف ضهرك حتي من غير ما تطلب
فهد بهدؤء: يارب الصبر … يا حبيبتي احنا مش محتاجين حاجه متشلنيش معاكي وتعملي تصرفات زي كدا تاني وبعدين من امتى بنستلف من حد من بكره اول ما تصحي تبعتيهم لمامتك تاني وترجعيهم علي طول وهزود لك عليهم كمان.
تسنيم بابتسامة: خلاص حقك عليا متزعلش نفسك بقا يا فهد انا اسفه والله انا فعلا غبيه.
فهد بجمود: تمام ولو هيا سألتك رجعتيهم ليه قوليلها خلاص انا دبرت نفسي واشكريها اتعودي يا تسنيم ماتستلفيش من حد طول ما ربنا رازقك وبعدين افردي الشخص اللي استلفتي منه ده دبرلك الفلوس دي بالعافيه وهو اصلا ظروفه وحشه وقتها هتعملي اي ؟ .
تسنيم بتوتر: احم خلاص يا فهد انا آسفه مش هعمل كده تاني وبعد كده هستأذنك ف اي حاجه هعملها ماتزعلش مني بقي خلاص
فهد ضمها في حضنه بحب: مش زعلان منك ماقدرش ازعل منك اصلا … قلبي مابيعرفش يقسي عليكي .. لما بقسي عليكي قلبي بيوجعني وبندم وبزعل ان قلبي قسي علي تسنيم قلبه وروحه..
تسنيم بكسوف: يوووه بقي دايمآ بتثبتني كده يا فهدي.
ضحك فهد: اي خدمه علشان تعرفي ان فهد جوزك حبيبك مدلعك.
تسنيم بحب: رخم بس بحبك اه صح يا فهد مامتك قلقانه عليك تحت لما طلعت متعصب ومسلمتش عليهم ينفع كده.
فهد بنسيان : اه صح .. بس كله بسببك انتي عصبتيني وكنت راجع مش شايف قدامي
تسنيم بحب: حقك عليا يلا بقي علشان تنزل تسلم عليها وتشوفها.
فهد بحب: حاضر هتغدي وانزل علطول …انتي عامله غدا اي بقا عشان انا واقع من الجوع.
تسنيم بحنان: عملالك الاكل اللي بتحبه.
فهد بمرح: بجد اممم طب ياترا اي بقا.
تسنيم بأبتسامه : عاملالك شوية كبده اسكندراني معا سجق
حجات كده من اللي قلبك يحبها .
فهد بحب: الله علي الجمال تسلم ايدك اللي عملتهم.
قعدوا كلوا وخلصوا وفهد نزل يشوف امه وهو ماسك ايد تسنيم بحب
بنت خالته بغيظ وهمس: ده ناقص يشيلها وهيا نازله ده اي الدلع ده.
امه بحنان: اي يا حبيبي كان مالك متعصب كده في اي
فهد بحنان باس ايديها: انا كويس يحبيبتي مفيش حاجه كانت مشكله بسيطه كده في الشغل والحمد لله اتحلت متقلقيش
امه بحنان: ربنا ييسر امرك ويبعد عنك المشاكل ويفرح قلبك يابني يارب .
فهد بابتسامة: امين يارب امال فين بابا
امه بهدؤء: ابوك نزل فيه ناس عايزينه.
بنت خالت فهد بخبث: الا قوليلي صح يا تسنيم عملتي اي مع الشخص اللي كان بينادي عليكي وعايزك ف كلمه ده ؟
تسنيم بخوف: لي بتسالي يعني السؤال ده ؟
فهد بغيره : مين الشخص ده ؟
تسنيم بهدؤء: هفهمك فوق يا فهد ف شقتنا
فهد بغضب : انطقي يا تسنيم مين ده وقابلتيه فين وعايزك ليه اصلا.
تسنيم بخوف: فهد ممكن تهدأ انا هفهمك والله بس متتعصبش وبلاش صوتك يعلي.
مي بخبث: يا جماعه اهدو ووحدو الله ده شيطان ودخل بينكم.
تسنيم بغضب :
السادس من هنا
