جمانه السعيدي
اصيل…دخلنا للغرفه تعاي اكعدي هنا
منار…اجيت كعدت
اصيل… كلشي فات كان شقى حتى اضحكين
لان شفتج ضايجه على امج
بس بلحقيه اني حلفت مااقرب عليج ولا المسج
اله تكونين موافقه
من خطبتج وابوج وافق طرت من السعاده
حسيت حلمي راح يتحقق بعد كل هاي السنيين راح تصير عندي عائله
بعد كل سنيين الحرمان راح تصير عندي زوجه واطفال
وخاصه اني حيل تعلقت بيج
مو تكولين مره وحده شفتج
عبالك منتظرج من سنيين
اول مادخلت عليج وشفتج تبجين اتوقعت ضايجه على اهلج بس اكتشفت انتي رافضه هذا الزواج
اكيد انتي جنتي رافضه بسبب وجهي
اني مااكدر اللومج من حقج ترفضبن الله شاهد عليه
ماجنت اعرف انتي رافضه
قررت ارجعج الاهلج واوكف بوجه ابوج وافهمه هذا الزواج غلط هلكد مااحبيتج ماهان عليه زعلج
بس تفاجئت بابوج اني جنت متوقع كل الآباء مثل ابوي
حنيين وطيب ويتفهم
المهم من رجعنا للبيت قررت اخليج تشوفيني على حقيقتي وما تحكمين على شكلي
جمانه السعيدي
خليتج تقربين مني وتعرفيني زين بعمري مراح اجبرج
على هاي الزواجه لو جنت مو احبج لو اموت عليج
مراح اجبرج على هاي الزواجه انتي حره تريد تكملين وياي
على هذا وضعي وعلى هذا شكلي اهلا وسهلا
ماتردين انتي بكيفج اني هذا شكلي مااغيره
منار…بس اني احبك
اصيل…لا تستعجلين فكري زين واتاكدي من مشاعرج
منار…اني متأكده من مشاعري كلش زين
انت اجمل شخص شفته بحياتي فعلا اني حكمت عليك من شكلك بس العيشه وياك تخبل اني احبك
اصيل…انتي متأكده تحبين اصيل ابو وجه المحروك
منار…اني احب اصيل ابو كلب الطيب
اصيل….هاي اليله كانت ليلة زواجنا الحقيقي
ثاني يوم اجا عبدلله يدور على عمتي لان سائلين بيت اخوانها ماكوووو عمتي ولا عبالك وجها ازرك بس شافت عبدلله كالتله اروح وياك
منار…وين ترحين خليلج كرامه لا ترجعين
ام منار….يمه لحظة عصبيه
منار…ولو ما ترجعين
اصيل…منار أشرت العبدلله بلغة الاشاره امي ماترجع ليش
يضربها بعد ماترجع
راح عبدلله شويه واجا عمي
سلم علينا ودخل يم عمتي
منار…هسه يقشمرها بكلمتين
اصيل…واحنا شعلينا خليهم براحتهم
جمانه السعيدي
شويه وطلع عمي لازم عمتي من ايدها
التفت علينا وكال مع السلامه
اني ومنار واحد يباوع بوجه الثاني
منار…عرفته راح يقشمرها امي فطيره وتصدك بسرعه
اصيل…بابا الحب أعمى ابوج يحبها وهي تحبه
انتي ليش تدخلين
بعد زواجنا بشهرين سمعت عياط بيت اهلي
توقعت لمياء ماتت اوصار عليها شي لان صحتها حيل تعبانه
طلعت من الورشه اركض دخلت للبيت
لكيت لمياء تعيط
اصيل ….شكو خير
فاطمه…الشرطه لزمت امير
اصيل…ليش لزمته شكوووو
فاطمه….ايكولون هو وياا اربعه يشتغلون بعصابه تسليب
لمياء.. انجبي اخوج مو حرامي
اصيل…اخذت فاطمه وطلعت برا احجيلي شصاير
حتى اساعد امير
فاطمه…صار كم شهر كلما نتصل علي يكول مشغول
طلع يشتغل وياا عصابه تسليب
والشرطه ادور عليهم
لان الكامرات راصدتهم من كم مكان
اخير شي مسلبين واحد وقاتلي ودافني اهل الولد باقين يدورون علي لان عنده فلوس
الكاميرات جايبه صورة امير ويا جماعته وهمه يستدرجونه
بقو يدورون عليهم
امس لازمين واحد منهم ومعرف عليهم كلهم ومن ضمنهم امير
اليوم الشرطه ماخذه عنوان المكان الي يجمعون بي
ولا زمتهم كلهم
المصيبه طالعه عليهم هواي شكاوي مااضن امير بطلع من هاي المصيبه
اصيل…طلعت لمياء تبجي يمه اصيل فدوه
اريد محامي زين امير مستحيل يقتل احد
اصيل…اني اجببلج محامي بس مالي شغل بلاتعاب
انتي عندج اتعاب تنطين المحامي
لمياء…يااا صدك عود ما تساعدني اطلع امير
اصيل.. امير معترف هو قاتل و اكثر من شكوى ضده
يعني مايطلع من هاي القضايا
لو مو اجيبين محامي لو عشره
اذا عندج فلوس انتي خلي محامي
لمياء…يمه شلون بيه ضاع الولد مني
لمياء جبرت عمي يخلي محامي الامير بلكت يخفف الحكم عنه
اصيل…طلعت مصايب على امير كم عملية سرقه
وكاتلين بعد واحد بايع سيارته لا حكينه قاتلي وماخذين فلوس السياره
جمانه السعيدي
انحكمو اربعتهم اعدام
ولمياء انهارت تخبلت على امير
وهيج انطوت صفحة امير للابد اخذ جزاء اعماله
ولا تحسبن الله غافل عما يعمل الضالمون
اكبرسبب ورا إجرام امير امه الي كانت تشجعه على الغلط
وتبررله افعاله ضيعته من ايدها
اتخرجت فاطمه وصارت مسؤله عن امها ومرضها
بعد سنه من موت امير
تقدملها شاب جان يدرس وياها وازوجت
وزينب اتخرجت وخطبها عمي لا بنه مرتضى خريج صيدله
زينب كعدت بيت اهلها لان لمياء هي والميت سوا
من بعد وفاة امير
محتاجه احد يراعيها زينب وزوجها بقو وياها حتى ينتبهون الها
واني هم عيني عليها انكسرت خطيه
دائما اشتريلها علاج
واذكرها بمصرف بين فتره وفتره
بس بعد ماكو مصرف يومي مثل قبل زوج بتها تكفل بعيشها
منار طلعت حامل قدمتلها معهد صحه بفلوس
تدرس صحة مجتمع
اجانا حمودي يخبل يشبه منار
بفترة دراستها تخلي يم اهلها
بس كام يحجي كال اني احب عنونه
عنونه هاي بت خاله عبدلله اكبر منه بست اشهر
النوب هي تكول اني موافقه ازوج حمودي بس اريد بيت وحدي لان بيتكم قديم
ولله جيل الله يستر منه
سنتين وخلصت منار صح ما حققت حلمه تصير مهندسه بس صار عدها شهاده الحمد لله
من بعدها اجتنا ازل السانها شطوله
مخبلتني بسوالفها كلشي تفتهم عبالك جبيره
ولا جن خالها اخرس حجيها يطير العقل
واخيرا صارت عندي عائله
اشتريت بيت قديم بشارعنا فلشته وبنيت بمكانه بيت حديث والبيت القديم صار مخزن خشب
قبل سنتين رحت سويت عملية تجميل شالو جلد من الفخذ ورقعو وجهي
الدكتور أكد العمليه ناحجه ١٠٠/١٠٠
بعدها بسنه زرعت لحيه وشوارب بلجهه المحروكه
بلبدايه ضجت لان وجهي ورم
بس من طلع الشعر صار شكلي كلش حلوووو
صرت غير واحد شكلي كله تغير
عدلت شكلي الخاطر جهالي مااريدهم يتعيرون بشكلي
ولا واحد يكول عليهم ذوله جهال ابو وجه المحروك
انتهت قصتي العبره منها ابد لا تحكمون على شخص من شكله قبل لا تشوفون كلبه
ان الله لا ينظر إلى صوركم واموالكم ولكن ينظر إلى قلوبكم
عشنا وياا اصيل بلحزن والفرح وتعلمنا منه دروس مودرس واحد نتمناله السعاده
