رواية الحب علي اوتار الموسيقي الفصل العاشر 10 بقلم اسراء خالد
رنيم نزلت لهادي وهي تتأفف
هادي لرنيم:اركبي يلا
رنيم:أنا هركب بس بشروط
هادي بتعجب:شروط؟
رنيم:اه…لازم تلازم بيها
هادي:اتفضلي قولي شروطك
رنيم:أول حاجة ماسمعش صوتك طول الطريق
تاني شرط…هركب ورا…ثالت طول ما أنا هناك مش عايزك تتكلم خالص ولا أنك تعرفني
هادي:حاضر…اي شروط تانية
رنيم:لا
هادي:طب افضلي…..وفتح لها باب السيارة
★************★
في الطريق
هادي وقف السيارة
هادي لرنيم:هروح أجيب حاجة
رنيم:ما سألتش علفكرة
هادي لم يرد عليها واغلق الباب بقوة
وبعد فترة قليلة عاد هادي ومعه جاكت
هادي فتح باب السيارة
رنيم لهادي:أنت هتعمل ايه
هادي علق الچاكت ولم يرد عليها
أيقنت رنيم بأنه تتضيق منها ولكنها لم تبالي لأمره واستمرت علي موقفها
★*************★
وقفت السيارة
هادي لرنيم:وصلنا…..وكانت تلك أول كلمة
نزلت رنيم من السيارة ودخلت إلي مدخل العمارة وقد سبقها هادي ولحقته…
وصلوا أمام الشقة وفتح هادي باب الشقة واتجه إلي غرفته وترك رنيم بمفردها فهي لا تعلم شئ ولا أين أمها….
سمعت صوت يناديها:رنيم..رنيم…..وكان صوت نرمين
ذهبت رنيم في اتجاه الصوت إلي البلكونة
نرمين لرنيم:سلمي علي طنط نادية
رنيم:ازيك يا طنط
نادية:ازيك يا حبيبتي…عارفة أنا أول حد شيلك بعد ما أمك ولادتك
رنيم:ماما قلتلي
نرمين لرنيم:سلمي علي طنط نسرين
رنيم:ازيك يا طنط
نسرين بحنده:ازيك
نادية لرنيم:ايه رأيك تروحي للعروسة
رنيم:ماشي
★***********★
في غرفة هدير
كان الفتاتان يستعدان لأن الساعة قربت علي الثانية عشر
إذ الباب يدق
هدير:ادخل
يدخلان نادية ورنيم
نادية لرانيا وهدير:سلموا علي رنيم بنت طنط نرمين
هدير:ازيك عاملة ايه؟
رنيم بإبتسامة:الحمد لله انتي هدير؟
هدير:اه أنا هدير العروسة….مشيرة إلي رانيا:وديه رانيا بنت طنط نسرين صحبتي وقدي
رانيا:أزيك
أثناء تبادل الحديث رنيم مع هدير
كانت تقف صامتة تنظر إلي رنيم بحقد فكانت رنيم رقيق الملامح ووجهها صافي خالي من أي مساحيق التجميل…علي عكسها فكان وجهها يغطي المساحيق التجميل تبدو كعروسة المولد
★*************★
أصوات الزغاريط تملئ المكان لتعلن عن وصول العريس وأهله….
نادية تدخل غرفة ابنتها علي عجلة:يلا يا بنتي العريس وصل
هدير لنادية:حاضر يا ماما
تخرج هدير العروس بصحبة رانيا ورنيم إلي غرفة المعيشة التي يجلس أهل العريس..
نادية بدروها تعرف هدير ورانيا ورنيم علي أهل العريس
نادية لأهل العريس:هدير بنتي العروسة…..وتنظر لرانيا:وديه رانيا بنت صحبتي نسرين متربية مع هدير….ثم نظرت إلي رنيم: البدر المنور ديه رنيم زي بنتي بالظبط
زينب أم عريس لرنيم: اسمك حلو يارنيم..تعالي اقعدي جانبي انتي وهدير
نادية لرنيم هدير:روحوا
جلست رنيم وهدير بجانب زينب
زينب لرنيم:عندك كام سنه؟
رنيم:16سنه
★**************★
في القاهرة في إحدي الكافيهات
كان يجلس محمد مع رامي مصمم عروض استعراضية
رامي لمحمد:أنت جاد في عايز تعمله دا
محمد:اقصدك علي ارتباطي برنيم
رامي:اه
محمد:ايوه أنا جاد
رامي بصدمة:ازاي يا بني البت اصغر منك بخمس تشر سنه دي تقولك يا أبيه
محمد:يعني اللي قدينا عملوا اي كلهم زبالة بتقضيها
رامي:بس أهلها هيرضوا بنتهم تمشي مع واحد أكبر منها ١٥سنه
محمد:عادي يا سيدي بعدين أهلها هم أمها بس
رامي بسخرية:يا عيني مقطوعة من شجرة
محمد بعصبية:بقولك اي لم نفسك
رامي:أنا نفسي اعرف اشمعنا هي
محمد:رنيم ديه مش عارف اقول عليها ايه دي عاملة زي ملاك كدا فيها كمية طيبة وبراءة مش موجودة في حد….أنت عارف النوع دا هتعرف تشكله علي مزاجك يعني يمين يمين..شمال شمال
★*******************★
رنيم كانت تجلس بجانب زينب وأنظارها متابعة هادي الذي يبدو عليه الضيق وتشعر بالذنب تجاه فهي سبب شعوره بالضيق…تريد أن تعتذر له ولكن هناك شي يوقفها يقول لها أنها علي حق
★****************★
هل سوف تتحدث رنيم مع هادي وتعتذر له أم لا؟
هل رانيا ستنفذ خطة أمها أم لا؟
