رواية كسر الروح الفصل الثالث 3 بقلم آلاء محمد – تحميل الرواية pdf

وفجاه الكل سكت وبص ع الباب بانبهار ، دخلت منه بنت ف العشرينات من عمرها ، اسمها سها ، جمالها ساحر ولبسها فخم وشيك..
عماد قام ومسك ايديها وباسها..
عماد: ازيك..
سهاا بغرور: تمام ، (وقعدت) سوري ي جماعه اتاخرت عليكوا..
مصطفي: ولا يهمك احنا بس قدمنا الديل بتاعنا..
سها: طيب كويس ،ازيك ي بشمهندش ياسر..
ياسر بالامبالاه: كويس
مصطفي مال عليه: ي ابني البنت عينها منك ، بتكلمها كده ليه..
ياسر: سيبك منها ، دي بت مش سالكه..
جاسر: طيب نبدأ ي جماعه..
ياسر: عشر دقائق بس..
شويه و ملك دخلت ، جمالها كان هادي وبسيط جدااا ، اصل الشكل مش دايما بيفرق ، ممكن ناخد نصينا من الحياه ف جمال قلبنا مش شكلنا بس ، كانت لابسه دريس اسود ع الركبه لايق مع بشرتها البيضا ، وعليه حزام كشمير و جزمه كشمير كعب ، وسايبه شعرها البني ، وميكب هادي جداااا..
ياسر قام: اوبااااااا ، اي الجمال ده ، آمال فين لوكا؟؟
لوكاا ضحكت: ماتت ، اتلم بقااا..
وراحوا قعدوا..
لوكاا: اسفه ع التاخير..
احمد بعين زايغه: ولا يهمك ، اي ي ياسر بيه مش هتعرفنا..
ياسر بلهجه تحزيرية: انسه ملك ، السكرتيره بتاعتنا وهتبقي معانا انهارده..
احمد: اهلا وسهلا ، تشرفت بمعرفتك
لوكاا: اهلا..
عماد: واناا عماد الالفي..
لوكاا: تشرفت بحضرتك..
احمد: وانا احمد المصري..
لوكاا: اهلاا..
سها بتناكه: وانا سهاا..
لوكا بالامبالاه: اهلا..
مصطفي طيب نبدأ يجماعه..
وقعدوا يتكلموا ويتناقشوا ف الثفقه ،لحد ما وصلوا لديل..
ياسر: تمام ، احناا كده ظبطنا كل حاجه..
مصطفى: ايوااا ومتنسوش عشان التوفيت هيفرق..
عماد: اكيد ، نطاب العشا بقااا..
وف نص العشا ، اشتغلت ميوزك هاديه جداااا..
احمد ل لوكاا: تسمحيلي..
لوكاا بابتسامه: اوك..
وقاموا رقصوا شويه ، وياسر كان قاعد بيغلي ، ومصطفي برضه كان مضايق..
ياسر ل مصطفى: مالك قاعد كده ليه..
مصطفى: مفيش ، انت اللي مش ع بعضك كده ، مالك..
ياسر: ابداا اصل شايف ملك واحمد اندمجوا اوووي..
مصطفي: فعلا ، مع ان يبان عليها انها محترمه وبنت ناس يعني..
ياسر بهجوم: لا طبعاا اللي انت افتكرته غلط ، ملك كده فعلا ، بنت محترمه واهلها ونعم الناس وكمان مبتعرفش تكدب ولا تتصنع..
مصطفي: وانت عرفتها منين..
ياسر: فاكر الجمعية الخيريه اللي انا وانت ساعدناها من كلم سنه..
مصطفي: ايواا..
ياسر: اهوو انا اتطوعت ف الجمعية دي فتره عشان عجبنني ، وهناك اتعرفت ع لوكاا ، بنت طيبه وذكيه وطموحه و محترمه ، وزي ما قولتلك مشاعري نحيتها ابتدت تتطور جدااا….
مصطفى: اهاا..
ياسر بعد اذنك بقااا…
وراح لساحه الرقص وقال لأحمد..
ياسر: تسمحلي..
احمد: اتفضل..
ورقص ياسر مع ملك..
لوكاا: ياسر هي الساعه كام معاك..
ياسر: 8 بالظبط..
لوكاا: طيب 10 دقائق ونمشي والنبي عشان نيموو هتقتلني لو اتاخرت..
ياسر: وانتي يفرق معاكي اووي..
لوكاا: قصدك ايه ، وبتتكلم معايا كده ليه؟!!!
ياسر: ابداا شايفك اندمجتي مع احمد وانتوا بترقصوا..
لوكاا: عادي يعني كنا بنتعرف ، وقالت بشك بعدين انت غيران ولا ايه..
ياسر: لا مش عادى واغير ليه..
لوكاا: يعني كصديق غرت عشان برقص معاه..
ياسر: ملك الناس دي غيرك ، اهم عندهم البيزنس يمشي ، معندوهمش رحمه خااااااالص بحد ولو اتحط امهم وابوهم قدام صفقه بملايين زي اللي انتي شفتيها دي يبقي بالنسبه ليهم ملعون الكل بس مصلحتهم تمشي……
ملك: للدرجادي؟!!!…
ياسر: ايوا يا ملك و متنسيش انا عارفهم اكتر منك…
ملك: ماشي يا ياسر…. نمشي بقاااا…
ياسر: نمشي….
وراحوا ع التربيزه عشان يستاذنوا ويمشوا بس فجاه فون ياسر رن….. و
ياسر: الووو…
الام: ايوه يا ياسر ، ألحقني يا ابني….
ياسر بخضه: ف ايه يا ماما…..
الام: ابوك تعبان اوووي…
ياسر: انا جاي ع طول…وقفل التليفون…
ياسر بتوتر: ملك انا اسف مش هقدر اوصلك ، مصطفي معلش ممكن انت توصل لوكاا…
مصطفي: ف إيه يا ابني…
ياسر: أبويا تعبان اووووي…
ملك: الف سلامه عليه….
مصطفي: طب استني هاجي معاك….
ياسر: لا خليك انت عشان توصل ملك وانا هطمنك ، سلام…..وجري ياسر بسرعه…..
ملك: طب انا همشي…
مصطفي: استني هوصلك…
ملك: لا شكرااا…
مصطفي: مش هينفع تروحي لوحدك دلوقتي ، أستني انا هوصلك…..
ملك: شكرا….سلام…..
ومشيت ملك من غير ما تديله فرصه حتي يتكلم……
وعند ياسر
الام وهي بتعيط: انا خايفه علي ابوك اووووي……
ياسر: متخافيش يا امي ان شاء الله خير..
الام: يارب يشفيه….
والدكتور خرج من عند ياسر..
ياسر: خير يا دكتور….
الدكتور: خير ، الحاج بس تقريبا تقل ف الاكل شويه والسكر علي ولولا ستر ربنا كانت جاتله غيبوبه سكر…….
الام: يا ساتر يارب غيبوبة سكر ، استرها يارب..
ياسر: طب وهو عامل ايه دلوقتي يا دكتور.
الدكتور: الحمد لله بقااا كويس بس يريت ياخد باله من نفسه ويظبط اكله ومواعيد الدواء تكون مظبوطه..
الام: حاضر يا دكتور ، بعد إذنك…
ياسر: اتفضل يا دكتور.
وام ياسر دخلت الاوضه لابو ياسر.
الام: الف سلامه عليك يا حبيبي ، كده يا ابو ياسر تخضني عليك.
الاب: انا كويس ، متخافيش….وبعدين ياسر دخل…..
ياسر: جرا إيه يا حاج ، انت عجزت ولا ايه…..
ابو ياسر: اخرس يلا ، انا اعجز فشر انا لسه في عز شبابي…….
ياسر بغمزه: شباب مين يا جدع ، انت بتسرح بيا…..
ابو ياسر: ياض اسكت ولم نفسك.
ام ياسر: بس يا زفت انت بقاااا وبلاش تنرفز ابوك..
ياسر: هي بقت كده ، يعني اطلع انا منها..
ابو ياسر: مظبوط..
ياسر: طب يا عم ، انا غلطان ، ربنا يهني سعيد بسعيدة.. انا طالع اوضتي انام..
ام ياسر: انت هتنام هنا؟!!
ياسر بحيره: امال هسيبكو لوحدكوا ، هو كده مش عاجب وكده مش عاجب……
ابو ياسر: ما خلاص يلا ، يلا غور….
ياسر بهمس: حاضر ، الف سلامه عليك يا معلم ، والمره الجايه ابقي قولي بقااا وخدني معاك ف اي مصلحه……
ابو ياسر: امشي يا يلا من هنااااا…
ياسر:هههههههههههه سلامووو عليكووو…
ام ياسر بعد ما ياسر مشي بضحك: مش معقوله الواد طلعلك في كل حاجه….
ابو ياسر: طالعلي انااا؟!! ، دا واد سافل…
ام ياسر: امممممممممم اهاا لا عندك حق…
أبو ياسر: خلاص بقااا يا قلبي…
ام ياسر: الله بقالي كتيررر مسمعتهاش….
ابو ياسر: من غير ما اقولها يعني انتي مش عارفه انك قلبي وروحي وحببتي وامي وكل حياتي…
ام ياسر: ربنا يخليك ليا ياااارب……

وفي مكان تاني في مدينة اسمها مارسين في تركيا ، كانت قاعدة واحده اية في الجمال في الاربعينات تقريبا علي البحر وسرحانة ، وعماله تفكر في حاجات كتيررر اوووي وفجأة دموعها نزلت…

وعند بيت لوكاا ، كان اخواتها ونيموو قاعدين مستنينها و اول ما دخلت البيت…
لولي: الحمد لله علي السلامه يا حبيبتي……
لوكاا: الله يسلمك….
نيموو: اتاخرتي ربع ساعه عن وقتك….
لوكاا: انا اسفه يا نيموو بس الطريق كان واقف وانتي عرفه زحمه المواصلات……
نيموو: زحمه المواصلات!!!!!!!!! انتي مش قلتي ان ياسر هيوصلك……
لوكاا: فعلا ، بس علي اخر لحظه مامته اتصلت بيه وقالت ان باباه تعبان ولازم يروح…….
نيموو: يا ساتر يارب ، طب وهو عامل ايه دلوقتي وكان تعبان ليه……
لوكاا: معرفش تفاصيل وحاولت اكلمه تليفونه مقفول…….
نيموو: طب انا هبقاا اكلمهم الصبح اعرف اللي حصل ، وانتوا يا بنات يلا علي النوم…….
لولي: حاضر تصبحي ع خير…..وباستها…..
نيموو: وانتي من أهله…..
شيري: وانا كمان هروح هنام ، تصبحو ع خير….
نيموو: وانتي بخير ، اتغطي كويس ومتشليش الغطا وانتي نايمه….
لوكاا: يلا وانا كمان جايه ، تصبحي ع خير يا قلبي…….
نيموو: وانتي بخير…..
وخلص اليوم علي كده عند لوكاا……
اما عند مصطفي ، بعد ما لوكاا مشيت قام استاذن وروح بيته واول ما روح دخل البيت و غير هدومه وهو بيكلم نفسه…….
مصطفي بحيره: ايه البت دي ، معرفش ليه بتتجاهلني كده هو انا عملتلها حاجة؟!!! ، يمكن عشان زعقت قبل كده ، ممكن تكون اضايقت ، بس برضه مش اوووووي كده ، بس ممكن تكون نفسها عزيزه عليها ، عموما انا هتصرف……
وانتهي اليوم علي كده عن مصطفي…..

وفي مكان تاني خاااالص ، وبالتحديد في فيلا صغيره ف القاهرة ، كان في شخص قاعد و بيلعب مع بنوته عندها 9 سنين و…..
لينا: عمو ، انا عايزه اجيب روج….
سامح بصدمه: ايه؟!! ، روج ايه يا بنت….
لينا وقفت وحطت ايديها ف وسطها: وايه يعني ما في بنات كتيرررر بيحطوه ولا انت شايفني مش بنت……
سامح بهدوء: حببتي انتي ست البنات واجملهم كمان ، بس الروج ده لسه شويه عليه ، اوعدك شويه بس واجبلك احسن حاجه ف الميكب وبعدين انتي حلوه من غيره أصلا…..
لينا بتساول: بجد انا حلوه؟؟
سامح: انتي اجمل بنوته ف الدنيا وشطوره كمان واستيل لبسك تحفه..
لينل بفرحه: امممممم طيب ماشي نستني شويه ع الروج…..
سامح: حبيبي يسلملي اللي بيفهم….
لينا: طب انا عايزه اروح دريم بارك ، اظن بقاا دي ينفع اروح….
سامح: ههههههههههه اهااا طبعا ، نروح الجمعة….
لينا: بس انا عايزه اخد بسنت صحبتي معايا…..
سامح: يا سلام ، هاتي صحبتك ، انا عندي كام لينا يعني….
لينا قامت حضنته: حبيبي يا قلبي يا عسل انت ، هو لسه ف حد حلو كده….
سامح: ههههه حببتي…..
وخلص اليوم علي كل ابطالنا….
…………………….
وعدي كام يوم ومفيش جديد ، كل حاجه زي ما هي ، ملك بتحاول تتجنب مصطفي ومتكلمهوش ، ومصطفي فهم غلطه وبيحاول يكون لطيف مع ملك بس هي بتصده ، نيموو بتحاول تلاقي دليل ع الناس اللي بتخالف القانون ، وياسر انشغل مع ابوه شويه ، وف يوم بالليل ف بيت ملك كانوا قاعدين ف اوضتهم…
شيري: بت ي لوكاا ، شوفي الفستان ده..
لوكاا خدت التليفون: واااااو اللي صممته مبدعه..
شيري: دي مصممه ازياء معروفه وعملته مخصوص لبنتها عشتان بتتخطب ونزلته one piece عشان محدش يبقي زي بنتها..
لوكا بحزن: ربنا يخليهالها..
شيري: امال فين لولي..
لوكاا: بتاخد شاور..
شيري: طيب انا هروح أشوفها..
وخلص اليوم ع كده ، شمس يوم جديد ، اليوم اللي كل ابطالنا مستنينه….عند لوكااا
شيري: لوكا معاكي ايلاينر ، عشان بتاعي خلص….
لوكا: ايوا خدي….
لولي: ياااااااااااااااه امتا بقاا اكبر واخش الجامعه عشان احط من الحاجات دي براحتي……
لوكاا: ههههههههههه دايما مستعجله…..
لولي: امال يا بنتي احنا جيل السرعه…..و دخلت نيموو و..
نيموو: متحلميش اما تبقي تخلصي الجامعة وتشتغلي….
لولي برجاء: طب وليه؟؟!!
نيموو بحزم: كده ، واللي بقوله يتسمع….
لولي: طيب ماشي…..
شيري: يلا انا جاهزه…
لوكاا: وانا كمان….يلا ننزل..
نيموو بحنيه: خلي بالكوا من نفسكوا…وخدوا دول….
لوكاا: حبيبي تسلم ، انا معايا فلوس…
شيري: حياتي ، وانا كمان معايا….
نيموو: معلش خدوها للظروف…..
لولي ووفعه حاجبها: وانا مليش…
نيموو بغمزه: اسكتي يا بت ، هنتحاسب انا وانتي…..
لولي: اشطاا…….
ومشيوا شيري ولوكا و في الطريق…
شيري: لوكاا عشان خاطري فكري تاني في موضوع الاستقاله ده……
لوكاا: انا فكرت كتيررر وقررت…
شيري: واضح انك مصممه ، براحتك….
لوكاا: ماشي ، سلام بقااا عشان هكمل من هناا…
شيري: سلام….
وعند سامح…
سامح: لينااااا ، يلا هنتاخر…
لينا: حاضر انا جايه…..
وبعد شويه كتيررر لان لينا زيها زي اي بنت بتحب تهتم بنفسها وغاويه شقاوه……..لينا: يلا انا جاهزة….
سامح: اوباااا ، عسل حتي بلبس المدرسة….
لينا بضحكه بريئه : انت اللي عسل….. يلا بينا…
سامح: يلا بس لينا عشان خاطري كلي اكلك كله وخدي بالك علي نفسك ومتجريش كتيرررر لحسن تقعي…….
لينا: حاضر…. يلا بقاااا
سامح: يلا…..

وعند مصطفي…..
صحي من نومه كالعادة وراح عشان يمارس رياضته الصباحيه ، بس اتفاجي باتصال حد مش ممكن يتوقعه ابدااااا…. وفتح التليفون و
مصطفي: الووو
عايده هانم: الووووو ، مصطفي ، ازيك يا حبيبي……
مصطفي: الحمد لله يا فندم ، حضرتك عامله ايه…..
عايده هانم: الحمد لله ، وقلنا بلاش افندم دي ، بص بقاااا يا سيدي انا اتصلت عشان اعزمك علي العشا ، انا عامله عشا كده لكل صحابي ومعارفي وعيزاك تيجي…..
مصطفي: ايه ده هو حضرتك ف القاهره؟!!
عايده هانم: لا في إسكندرية عادي ، تعالي واقعد كام يوم هناااا وبالمرة أعتبرها إجازة واقعد في الاوتيل بتاعي……
مصطفي: مش عارف والله ، بس بجد ورايا شغل كتيرررر اوووي هنااا…..
عايده هانم: مش عايزه اعزار ، اكيد هتيجي واذا كان ع الشغل مش هيطير يعني ، يلا جهز نفسك وتعالي….
مصطفي: حاضر ، بس العشا امتااا….
عايده هانم: بعد بكرااا الساعه 9 بالليل….
مصطفي: حاضر اوعدك هحاول اظبط أموري واجي…..
عايده هانم: تمام…….
وقفلوا علي كده ، بس مصطفي كان مستغرب اووووي من المكالمه دي عشان مكنش متوقع ابدااااا ان عايده هانم تكلمه لأنها مش قريبه منه ولا حتي شافته غير كام مره بس طول حياته بس بينه وبين نفسه كان عايز يروح عشان محتاج اجازة ، بس برضه مش عايز يسافر إسكندريه ابدااااا……..
ونروح ل لوكا اللي وصلت الشركة ، وقعدت بتخلص شغل وبعدين ياسر دخل و….
ياسر: لوكاا ، تحبي تاكلي؟؟..
لوكاا: يريت والله ، جعانه اوووووووي…..
ياسر: تمام ، بس هناكل ايه؟؟..
لوكاا: ممكن بيتزا…
ياسر: أوك ، اطلبها بأيه؟؟!
لوكاا: انا هاخدها مارجريتا….
ياسر: وانا كمان ، خلاص ماشي هطلب واول ما يجي الأكل هجيلك وناكل هناا…
لوكاا: اشطا….
وشويه وجه ياسر ومعاه البيتزا والبيبسي وقاعدو ياكلو و…
لوكا: ياسر صح باباك عامل ايه؟؟….
ياسر: الحمد لله ، بقا احسن…
لوكاا: كان عنده ايه صح؟؟
ياسر: السكر ارتفع شويه بس الحمد لله كله بقاا تمام……
لوكاا: طب انا عايزه اقولك ع حاجه بس متزعلش؟؟
ياسر: قولي..
لوكاا: انا هقدم استقالتي انهارده…
ياسر: نعم!!!!!!!!!!!!!!!!! ، ايه يا ملك إحنا مش قلنا الموضوع ده اتفقل…
لوكاا: لا مقلناش كده ، انت قلت فكري تاني وانا فكرت ولقيت اني لازم استقيل…
ياسر: طب ليه ، لو كان ع مصطفي انا اتكلمت معاه وشايفه خف عليكي الايام اللي فاتت..
لوكاا: الموضوع مش في مصطفي بيه وبس ، الموضوع اني حاسه اني مش مرتاحه ، في حاجه جوايا بتقولي لا ، ف عشان خاطري سبني براحتي…..
ياسر: طب لو حابه خدي أجازه ، مهما كانت مدتها ، واما تحسي انك كويسه ارجعي و مكانك هيفضل موجود….
لوكاا: معلش يا ياسر انا مش هرتاح الا لو مشيت ، وبجد بشكرك جدااااا علي كل اللي عملته معايا ، وتأكد اننا هنفضل اصدقاء علي طول….
ياسر: يا ملك انتي مسبتليش خيار ، عموما انا اللي يهمني راحتك…..
لوكاا بصوت كرتوني: شكرا يا صديق الصدوق ، تفضل وقع علي هذه الورقه لاتمكن من الاستقالة وشعارنا الفتره المقبله المخوفاتي المناسب ف المكان المناسب..
ياسر بضحك: حاضر ، روحي بقاا خدي توقيع مصطفي….
لوكاا: ما تروح انت بقاا وتكمل جميلك…
ياسر: لا مينفعش لازم تواجهي ي ملك..
لوكاا: ماشي….
وراحت لوكااا لمصطفي وهي بتقدم رجل وتاخر رجل و عماله تفكر تستقيل ولا لا ، يا ترا هي غلطانه عشان مفيش سبب مقنع ولا مش غلطانه عشان هي مش مرتاحه ، معركة كبيره اوووووي كانت جواهاا ، كانت فعلا تايهه ومش عارفه تتصرف ازاي ، قلبها كان واجعها اووووي وفجاه نزلت دمعه من عنيها غصب عنها ، كانت زي ما تكون بتتعذب ، في حاجة جواهااا بتوجعها بس مش عارفه ايه هي ، وهي ماشيه سرحانه خبطت في شخص والورقه وقعت..
الشخص وطي وجاب الورقه من الأرض: انا اسف جداااا…
لوكاا خدت الورقه: لا انا اللي اسفه ، عن اذنك….
ومشيت لوكاا لحد ما وصلت مكتب مصطفي ، كانت متردده جدا ، يا ترا تقدم الاستقاله ولا لا ، لحد ما اخدت قرار و خبطت علي الباب..