رواية كسر الروح الفصل السابع 7 بقلم آلاء محمد
وصلت لولي مدرستها واول ما دخلت فصلها لقيت صحابها ف المدرسه عاملين ليها مفاجآه..
(بلالين كتير لونهاا احمر محطوطه ف الأرض وخصلات زرقا نازله من السقف ، ترابيزه صغيره عليها هدايا ، وصورهاا ف كل مكان ف الفصل ، وصوره كبيره ف الخلفيه بتجمعها هي واخواتها وجدتها ومتزين حواليها بالورد ومكتوب we all love you , الكل مبتسم) واول ما دخلت…
-surprised!!!!!! Happy Birthday to you, Happy Birthday to you , Happy Birthday to Layla , Happy Birthday to you , shtshtsha , Hhhhhhhhh..
لولي بفرحه: متشكره جداا يا جماعه..
هند صحبتها: كل سنه وانتي طيبه لولي ، عقبال مليون سنه..
وفاء صحبتها حضنتها: لولي ياارب اشوفك دايماا مبسوطه كل سنه وانتي طيبه يا صحبتي…
لولي بفرحه وحمااس: حبايبي ربنا يخليكوا لياا..
كل صحابها سلموا عليها وادوها هديا كتيرر و الكل فرحان بعدين جه حد مش من الفصل بتاعها بس معاها ف المدرسه..
اسر: ليلي ، كل سنه وانتي طيبه وعقبال ما تحققي حلمك يااارب و تبطلي عياط عشان مش بيليق عليكي..
لولي بكسوف: مرسي يا اسر وانت طيب ، بس ع فكره انا مش معيطه..
اسر قرب منها وهمس: لا معيطه ، عنيكي باينه ليلي لازم تعرفي ان اللي فات عدي ومش صح نفكر فيه كتير واللي هجر مبيرجعش تاني…
وسابها ومشي ، ولولي وافقه مصدمه من كلامه ، وهو ازاي عرف اللي بتفكر فيه بس صحبتها رانيا خرجتها من تفكيرها و جت شدتها وقعدوا يهزروا كتير…
اما نرمين ف نزلت تشتري لالبرتين شويه لبس ، لوكاا كانت ف اوضتها وقافله النور وباصه للسقف ، بعدين قامت مسكت الفون واتصلت ع رقم…
لوكاا: الو ، انا عايزه اشوفك..
شخص: انتي كويسه..
لوكاا: لا ، ساعه وهكون عندك..
لوكاا: طيب هستناكي..
بعد ساعه بالظبط ، كانت لوكاا واقفه قدام عماره وبتشاور عقلها تطلع ولا تغير رأيها ، بس اخدت قرار وطلعت..
شيري اتعمدت توصل الشركة بدري ساعتين ، ودخلت مكتبها وقعدت تظبط الشغل بتاعها ، بعد شويه جه سامح لقاها قاعده بتشتغل ومش دريانه بالدنيا ، خبط ع مكتبها ودخل…
سامح: صباح الخير ، ياااه اي النشاط ده كله ، جايه بدري لي..
شيري: صباح النور ، قلت اجي بدري عشان الحق اخلص الشغل اللي ورايا ، وهحاول اقعد ساعتين زياده برضه..
سامح: امممم ، واي سبب غيابك إمبارح..
شيري: ظرف عائلي..
سامح: اهاا ، طيب عايزين نشتغل ع اللي قولتلك عليه بقاا ، عشان منضيعش وقت..
شيري: انا اشتغلت عليه فعلا ، وعملت سيرش كتيرر ع النت ع الفنادق والقرى والخدمات اللي بتقدمها ، وعملت شويه اوفرز كده وبكمل اهوو..
سامح باستغراب: بس ع فكراا انا قولتلك اننا هنشتغل عليه مع بعض..
شيري: ايواا وانا قلت اعمل اطار واشوف الدنيا هتمشي أزاي ، وهقدم الشغل ده لحضرتك..
سامح: اظن ان كلامي واضح يا انسه شيرين ، لو سمحتي متتكررش ، نص ساعه وتكوني ف مكتبي عشان نبدأ.. وسابها وخرج وهي مستغربه ومخنوقه منه ونفسها تروح تشتمه..
شيري لنفسها: اما قليل الزوق صحيح..
اما مصطفي ، نزل وقعد ع البحر وقعد يفتكر كل زكرياته مع رضوي ، فلاااااش..
الساعة 9 ف العربية..
رضوي: إحنا جايين هناا لي؟؟!
مصطفي (مسك ايديها): ثواني وهتعرفي يا دودو..
اول ما نزلوا من العربيه رضوي بصت حواليها باستغراب..
رضوي: مصطفي اي المكان ده ، شكله مريب اوووي انا ابتديت اخاف و…
مصطفي قاطعها: مينفعش تخافي وانتي معايا ، رضوي اسمعيني ، انا قضيت كل عمري لوحدي ، تقريبا محدش كان معايا ، طفولتي ومراهقتي ، حتى سنين الجامعة كنت بخدم نفسي بنفسي وبعمل كل حاجه لوحدي ، واتمرمطت ف مليون شغلانه عشان محتجش لحد ، اشتغلت كل حاجه ممكن تتخيليها ، لحد ما جمعت فلوس واتفقت انا وياسر اننا نعمل مشروع ومضمنش هينجح ولا لا ، حتي العربيه دي جبتها بالقسط ولسه مش خلصته لدلوقتي ، بس انا بحبك ، مش قادر اتخيل الدنيا من غيرك هتكون عامله ازاي ، يا ترا لو اتقدمتلك وانا مش معايا غير 5 الف جنيه هترضي بيااا..
رضوي ابتسمت اووووي وعنيها دمعت..
مصطفى اسعمني ، انا عيشت حياه اصعب منك بكتير ، شفت ايام سوده عشان اوصل لمكاني حاليا ، كل اللي حواليا كانوا بيكسروني وبيحبطوني ، انت الوحيد اللي صدقتني وصدقت حلمي وكياني ، انا بحبك ، موافقه اكيد…
مصطفى ابتسم اووي ومسك ايديها ولبسها خاتم فضه رقيق جدااا وفيه فص فيروزي وفجأه المكان نور وظهر صحابهم من بعيد بيثقفوا ومبسوطين وجايين عليهم ، وكل اصحابهم هنوهم وقعدوا يرقصوا ويضحوا..
بااااك..
مصطفي: ااااه ي رضوي ، لو تعرفي انا بقيت اي من غيرك ، لو تعرفي اني عايش من غير روح ، بقيه اله حرفيا ، انا مخونتكيش ي رضوي ، انا شفتك فيها ، ضحكك وهزارك وشقاوتك وطموحك ووجعك وتمردك شفته ف عنيها ، حسيت انك هي ، انا والله مش حبتها ولا فكرت فيها أصلا ، بس حبيت صفاتك اللي لقيتها فيها ، حبيت الصفات دي لانها كانت فيكي ، يااارب ريح قلبي وصبرني علي فراقها..
ساعات بنخبي حاجات كتيرر عن اللي حوالينا وبنضطر نكذب عشان نحميهم ، مش شرط نحميهم من آذى او شر او مشكله ، اوقات كتير بنعمل كده عشان نحميهم من نفسهم ، أكبر خطر ع الإنسان هو الانسان نفسه ، وده اللي عمله ياسر..
ياسر قاعد لوحده بعد ما مصطفي نزل وبيكلم نفسه: سامحني يصحبي ، كان لازم اعمل كده عشان أساعدك وانا عارف انك متعلق بيها ، غصب عني والله ، كان لازم رضوي تختفي من حياتك للأبد وتعرف ان اللي انت فاكره عندها بس موجود عند كل الناس عادي…
بعد ساعتين نزلت ملك من العماره وهي حاسه براحه وسلام ومبتسمه ونزلت وسط البلد اشترت حاجات ورجعت البيت مسكت الفون..
لوكاا: شيري أنتي فين..
شيري: ف الشغل يا قلبي ، وانتي..
لوكاا: ف البيت ، نزلت اشتري حاجات عشان عيد ميلاد ميلاد لولي..
شيري ابتسمت: ياااه يا لوكاا ، أنتي فاكره عيد ميلادها ، انا افتكرتك نسيتي..
لوكاا بعتاب: مش انا اللي انسي عيد ميلاد أختي ، دي ليلي يا شيرين..
شيري: معاكي حق ، المهم اي الخطه..
لوكاا: هقولك..
عدي شويه وشيري قفلت مع لوكاا وهي مبسوطه ان اختها قدرت تستعيد نفسها بسرعه ، وبعدين مسكت الملفات وراحت لاوضه سامح وخبطت..
سامح: ادخل..
شيري فتحت الباب ودخلت..
سامح: اتفضلي يا انسه شيرين..
شيرين: متشكره ، ها هنبدا منين..
سامح: الأول هتشربي ايه..
شيرين: شكراا لسه شاربه..
سامح: تمام( وطلب قهوه ليه) ، هنبدا من أول الشركات المنافسه ، هنشوف الاوفرز بتاعتهم اي نظامهاا مبدئيا و نقرر بعد كده..
شيرين: اوك.. شويه تليفونها رن ، قفلت قعد يرن تاني..
سامح: ردي يا انسه شيرين..
شيرين: سوري معلش ، الوو يا حبيبي ، اهاا شويه بس ، حاضر اوك ، بااااي.. وقفلت الفون..
سامح باصص ليها ومستغرب..
سامح رفع حاجب وبغيظ: هو مين ده؟؟
شيرين بصت باستغراب: نعم!!!
سامح: متستغربيش انا بتكلم عشان مش صح ابداا يكون ف غراميات ف مكان شغل..
شيرين: لا يا فندم اطمن مفيش غراميات ولا حاجه ، انا عارفه حدودي كويس ، وأظن لو كنت مش مظبوطه ف شغلي مكنش زماني قاعده هناا صح..
سامح: ايواا دي حقيقه ، انا بس بفكرك ان هنا مفيش مجال اننا ندخل حياتنا الشخصية ف الشغل ابدااا..
شيرين: متقلقش فاكره و عارفه ده كويس…
قعدوا خلصوا الشغل ف جو مشحون توتر و شد لحد ما الباب خبط..
