في المساء
اتصل فتحي المحامي ب جودي
واخبرها بأن امين سيعرض علي النيابه الان
وفورا اتصلت جودي ب ياسمين التي اخذت ادم
وتوجهت مسرعه الي النيابه
خرجت جودي الي سيارتها
فإذا بسيارة كارما ابنة عمها نعيم الشافعي
تقف امام سيارتها
وتنزل منها كارما
وتقول بغضب:- انتي اذاي كل ده يحصل وما تقوليش
لترد جودي بهدوء:- اقول ايه بس مش عايزين نشغل حضرتك
كارما:-يا سلام ، اومال ان ما انشغلتش انا من ينشغل
امين ده حد جميل وطيب
واللي حصل ده اكيد علشان طيبته الزياده
خديني معاكي في عربيتك للنيابه
انا كلمت عمي وقالي انك رايحه
كويس اني لحقتك
فأخذتها جودي معها ، وتحركا سويا بسيارة جودي
ووصلا الي مبني النيابه
وكان هناك ادم وياسمين وفتحي المحامي
والفتاه التي تدعي هدير
وفجأه دخل امين مكبلا بالكلبشات
ومعه لفيف من افراد الشرطه
وقبل دخوله علي النيابه
فكو قيوده
ودخل معه فتحي المحامي…
بعد برهه من الوقت خرج فتحي المحامي
وركض نحوهم وقال
الحمد لله امين خرج بكفاله
وهيروح معانا.
فرح الجميع. وانتظرو خروجه
وبالفعل.
خرج امين وذهب معهم
وطلب منهم ان يوصلوه الي المستشفي
ليطمأن علي اسماء
فاستغرب الجميع
وطلب منه فتحي ان يعود الي شقته اولا
لياخذ قسطا من الراحه
ولكنه رفض
فتحدثت اليه كارما. محاولة التأثير عليه
فقالت:- لا بقولك ايه. انت لازم تعزمنا علي الغدا
دانت اخدت برائه. والنهارده يوم فرح
امين:- والله ما اكل والا اشرب الا اما اتطمن علي اسماء
لتشطاط كارما غضبا وتقول:- وبعدين معاك يا امين
ماهي اسماء دي موجوده في المستشفي هتروح فين يعني
وبعدين اللي حصل لك ده من تحت راسها
وبعدين بقولك تعزمنا علي الغدا. ينفع تكسفني قدامهم كده…
لم يتفوه امين ببنت شفه
بل اكتفي بالنظر اليها بامتعاض
ووقف وتوجه نحو سيارة فتحي المحامي
وفتح الباب
وقال لفتحي. :- وصلني المستشفي يلا
الامر الذي جعل كارما تنفخ النار غضباً من فمها
وتاخذ شنطتها
وتنصرف
ولحقت جودي وادم وياسمين فتحي وامين الي المستشفي
ولما وصلو ودخلو الي غرفة العنايه
حيث كانت تحتجز اسماء
اخبروهم انها انتقلت من العنايه الي غرفة رقم 10
فركضو مسرعين نحو الغرفه
ودخلو علي اسماء
التي كانت نائمه علي سريرها
وتضع كلتا يديها علي صدرها
وتتمتم بكلمات من فمها
عرفو من خلالها انها تصلي
انهت اسماء صلاتها
ثم قالت :- انا لله وانا اليه راجعون
وظلت تبكي
فاقتربو منها جميعا
وامسكت جودي بيدها.
وقالت وهي تبكي:- ربنا يجعلها شافعه ليكي
لترد عليها اسماء:- اللي مزعلني اني ما شفتهاش
كان نفسي اشوف ملامحها
ابص في عنيها
اسمع منها كلمة ماما
يلا الحمد لله قدر الله ما شاء فعل
واقتربت ياسمين وقالت:- المهم يا حبيبتي سلامتك
ربنا يشفيكي وتقومي بالسلامه
لترد عليها اسماء:- عارفه يا استاذه برغم كل اللي حاصل لي ده
الا اني متاكده ان ربنا بيحبني وبيبتليني علشان يشوف صبري
وعارفه كمان انه هيعوضني
ان ما كانش في الدنيا
يبقي في الاخره اما اروح له
وهنا نزلت عبرات امين
وتعالت نبرات صوته بالبكاء
حتي سمعت اسماء انينه
فاستنطت. الي صوته وقالت
بتبكي ليه ،. دانا شفتك في الحلم مربوط من ايديك
وجيت انا فكيتك وفرحت
وفضلت تضحك وتجري فرحان اني فكيتك
ليستجمع امين قواه ويقول:- مانا ببكي من فرحتي يا اسماء
بعد برهه من الوقت
حضر عز الشافعي. وسلم علي اسماء
واخبرتها جودي انه والدها
واجلسته بجوارها
ولكنه لاحظ شئ غريب
عندما نظر الي اصابع اسماء
وجدت علي اماكن البصمة لون ازرق
وكأن احدهم قد اخذ بصماتها
فامسك يدها وقال:- من حط الحبر ده في صوابعك يا اسماء
فقالت:- لما فوقت الصبح
حسيت بحد بيختمني علي ورق
وافتكرت انه علشان اجرائات المستشفي
وهنا نظر عز الشافعي الي امين بدهشه
وقال ردا علي اسماء:- اه اكيد علشان وفاة البنت
ربنا يرحمها ويجعلها شافعه ان شاء الله
وانا بقي هاخدك عندنا البيت النهارده
ترتاحي وتكملي علاجك
وجودك هنا هيتعب نفسيتك
لازم تكوني جمبنا علشان نسليكي
وماتحسيش بالملل
اسماء:- مش عاوزه اتقل عليكم
خلوني هنا احسن
ردت جودي:- ماتقوليش كده يا اسماء
انتي بقيتي وحده مننا
ومانقدرش نستغني عنك
اسماء:- ربنا يخليكم يارب
ماهو ربنا عوضني بيكم وده اللي مطمني
وماكد لي اني في امتحان
ولو صبرت هيكرمني
جودي:- ربنا يفرح قلبك يا اطيب قلب انتي
وبالفعل كتب الدكتور المعالج ل اسماء لها علي خروج
واخذها عز الشافعي وجودي وامين الي الفيلا الخاصه ب عز الشافعي
وكان امين معهم
اما هدير وادم وياسمين فقد ذهب كلا منهم الي منزله
بعد ان اطمأن امين علي اسماء في منزل عز الشافعي
انصرف الي شقته بمنطقة اكتوبر
واخذ قسطا من النوم
واستيقظ في المساء
وارتدي افخم بدله لديه
واتصل ب فتحي المحامي
وطلب منه الحضور اليه
وبالفعل حضر فتحي بسيارته
وركب معه امين وطلب منه الذهاب الي محل سيد الذي كان في قضية الشيكات التي تورطت فيها اسماء
فوصلو الي المحل
فوجدو شخصا اخر
ولما سالوه عن سيد
قال انه باع المحل واختفي بعدها
فانصرفا ، واثناء سيرهم
طلب امين من فتحي
ان يتوجه نحو الجراش الذي تعيش فيه ام سيد المجرم
فتوجه فتحي الي هناك
ونزلا من السياره
ودخلا الي غرفة ام سيد
وركل امين باب الغرفه بقدمه ففتحه
ففزعت ام سيد وقالت :- ايه. فيه ايه!!!
امين بحزم:- سيد ابنك فين؟
ام سيد:- والله العظيم ماعرف، انتو مين
فرد عليها فتحي الذي كان يفتش في ارجاء الغرفه
احنا مباحث
فقالت:- والله يا بيه ماعرف طريقه
دا بقاله تلات ايام غايب
ومش بشوف وشه
فجلس امين امامها وطلب من فتحي اغلاق الباب
واخرج مسدسا من جيبه
واشهره في دماغها
فراحت تصرخ
فاقترب فتحي كاتما فمها
وقال لها امين:- بصي. هاقتلك. وادفنك هنا
وماحدش هيعرف لك طريق جره
يا اما تشتري روحك
وتختاري حياتك
وتقوليلي ايه حكاية اسماء بالتفصيل!
فهزت ام سيد راسها
فنزع فتحي يدها من علي فمها
وقالت :- هاقولك كل حاجه بالتفصيل
زمان انا وجوزي كنا هنا في الجراش
والعماره اللي قدامنا دي
كانت لواحد صعيدي اسمه خليفه
خليفه ده كان بتاع اثار وسلاح ومخدرات
وكان حتي البني ادمين بيتاجر فيها
وكان لما تكون عنده حاجه عايز يشيلها
كان يجيبهالي
لانه كا واثق فيا وكده
وفي يوم لقيته جايني الساعه اتنين باليل
وباين عليه خايف وقلقان جدا
وكان معاه طفلين
ولد وبنت
وقال لي خدي البنت دي عندك
وهاجي اخدها
كانت البنت لابسه لبس شيك جدا
وريحتها جميله جدا
وباين عليها انها بنت عز
والولد كمان كان كده
بس الولد هو اخده ومشي
استنيت يرجع ياخد البنت
يوم. اسبوع. شهر. سنه.
ماجاش
وبعد فتره عرفنا انه اتقتل
الحكومه قتلته في الجيزه
في موضوع اثار وكده
وفضلت اسماء معايا
اتربت مع ابني سيد
ولما بلغت
واحلوت في عين سيد
الواد بقي عاوزها
انا مارضتش انه يلمسها
الا اما جبت الماذون. وكتب لهم سنه
علشان هي ساعتها كانت صغيره
فقاطعها امين:- الراجل الصعيدي ده
مالوش قرايب؟
مالوش اهل!
ام سيد:- اللي واخدين العماره دلوقت
ولاد اخوه
هم الورثه من بعد موته
وبييجو كل شهر ياخدو ايجار العماره
امين:- طيب بصي بقي
اول ما يظهر سيد
تاخدي الرقم ده وتبلغيني
عارفه لو لعبتي بديلك
وقولتي لاي حد اننا جينالك هنا
مش هيحصل لك طيب
وخدي الفلوس دي خليها معاكي
وبلغيني بسيد اول ما تشوفيه
ام سيد:- حاضر يا باشا
وربنا اول ما اشوفه لابلغك علي طول
ثم انصرف امين ومعه فتحي
الي حارس العماره
وطلبو منه رقم احد ملاك العماره
فاخبرهم الحارس ان احدهم سيأتي بعد يومين
لاخذ ايجار العماره
فاعطاه امين رقم هاتفه
وطلب منه الاتصال به
فور وصوله
وانصرفا سويا الي شقة امين
اخذو طعاما معهم
وجلسو يتناولونه ويتحدثو
فتحي:- احنا كده مسكنا خيط مهم الموضوع كبير اوي يا امين وكله الغاز انا دماغي هتنفجر ايه القصه الغريبه دي
انا في حاسس اني في حلم عمري ماتخيلت ان ده يحصل علي ارض الواقع
ثم نظر فتحي الي امين الذي كان شاردا ومتوقفا عن الاكل ودموعه تنزل بغزاره بدون سبب!
فنظر اليه فتحي بدهشه
وقال:- مالك يا امين! فيك ايه؟
فانتبه له امين وقال باكيا
عارف يا فتحي الست اما قالت ان الراجل الصعيدي في يوم
جاب لها الولد والبنت
حسيت اني اعرف الحكايه دي
شفت الموقف ده
وكنت عارف انها هتقول انه ساب لها البنت واخد الولد حسيت ان الموضوع ده عدي عليا قبل كده اذاي ماعرفش
بس متاكد ان الحكايه دي اعرفها
فقال فتحي مندهشا :اذاي!!!!!
وهنا وقف امين والدموع تنزل بغزاره بكثافه يبكي كالطفل
وقال:- وديني عند اسماء يا فتحي
فتحي؛- استهدي بالله بس
الوقت اتاخر
الصبح باذن الله هنروح
امين وقد زاد في البكاء
وقال بلكنته الصعيديه
بقولك يلا وديني دلوقت
اسمع الكلام يلا ما تتعبنيش
وما كان من فتحي الا ان غسل يده
واخذ امين
ونزلا سويا
واستقلا سيارة فتحي
وتوجها الي فيلا عز الشافعي
ودخلا حيث كان الجميع مستيقظين
وتفاجئوا عندما رأوهم
وطلب امين الدخول الي اسماء
وكان يبكي بشده
فاندهشو جميعا
ودخلت جودي لتراها ان كانت متيقظه
وخرجت وقالت ل امين
هي صاحيه. اتفضل
ودخل امين الغرفه
وكانت اسماء نائمه ولكنها مستيقظه
ولما شعرت بدخوله ووقوفه وصمته برهه من الوقت
قالت:- مالك تعبان ليه؟
فتمالك نفسه امين وقال:- وانتي عرفتي اني تعبان اذاي
فقالت :- لاني شايفاك بقلبي يا مين
وهنا ارتمي امين بجوارها باكياً
يتبع
