عاد امين الي شقته
محاولا النوم.
ولكنه من فرط التفكير في الامر قد فر النوم من عينيه
عشرات الاسأله تدور في عقله
ولا يجد لها اي تفسير
فجأه جائته رساله نصيه
بان اسماء متعبه للغايه
فقرر امين ان يذهب الي المستشفي
وبالفعل نزل واستقل سيارته
وارسل رساله ل جودي
واخبرها انه سيذهب للاطمئنان علي اسماء
ولكن جودي ظلت تلح عليه ان لا يذهب
وينتظر الي الصباح ليذهبا سويا
ولكن امين لم يأبه لارادتها.
نزل امين من سيارته
ودخل المستشفي. فسمع اصوات صراخ
وهلع تهز جدران المستشفي
وكانت الساعه تعدت الثانيه فجرا
فركض امين علي السلم
ووصل الي الطابق الثاني حيث كان الصراخ علي اشده
فوجد شاب يركض نحوه
حاملاً علبه بلاستيكيه
بها ماء نار
واثنين من افراد الامن يركضون خلفه
وجميع الممرضات يصرخون بصوت عال
فركض امين نحوه بلا خوف
وركله في قدميه اوقعه ارضاً
فانسكبت العلبه علي الارض
وامسكه امين باحكام
فسمع احد الممرضات تقول
اطلبو البوليس
دا شوه وش المسكينه
وكانت الممرضه تنظر الي الغرفه 14
وهي الغرفه التي تقبع بها اسماء
وسمع امين صوت صراخ اسماء
فلم يتمالك امين اعصابه
وظل يصرخ. ويضرب بكل ما اوتي بقوه
بوجه سيد
حتي نزل الدم من وجهه وانفه وفمه بغزاره
ثم تركه لافراد الامن
وقال اطلبو البوليس
وركض نحو غرفة اسماء
التي كانت ملقاه علي الارض
وينبعث البخار من وجهها بسبب سكب سيد ماء النار عليه
لم يستطع امين فعل اي شئ
سوي الصراخ. وقول. ااااااااه
جاء الممرضين بسرير متحرك
واخذوها الي غرفة العنايه
ليسعفوها.
ورجع امين الي سيد
والذي قد استعاد بعض وعيه
وامسكه وظل يركله بقدمه
وبكلتا يديه
وامسكه من وجهه
ومسح بوجهه البلاط الذي سكبت عليه علبة ماء النار
حتي اتي الضابط عماد
ووجد امين يعتدي عليه
فاخذهم الي القسم
وحرر محضرا
ثم تم ارسال سيد الي المستشفي لعلاجه
وتم حجز امين بقسم الشرطه
وهو في حاله عصبيه لا يرثي لها.
كان هاتف امين يرن طوال الوقت
ولكنه لم ينتبه له
وبينما هو جالس بالزنزانه
اخرج هاتفه واجاب
فاذا بها جودي
فاخبرها. امين بما حدث
فصرخت جودي وهلعت من سريرها
الامر الذي ايقظ والدها
ووالدتها. وركضا نحو غرفتها
وسألوها ماذا حدث
فاخبرتهم
واخذت حقيبها ومفاتيح سيارتها.
وخرجت مسرعه
فقال لها والدها:- استني انا هالبس وجاي معاكي
فانتظرت جودي والدها عز الشافعي
ونزلا سويا
استقلا سيارته. وتوجها الي قسم شبرا الخيمه
وفي الطريق. ارسلت جودي رساله الي ياسمين
التي كانت تهاتف خطيبها ادم
وبالفعل انهت الاتصال معه
واجابت علي جودي
فاخبرتها جودي بما حدث
فاصيبت بالصدمه.
واتصلت مره اخري بادم. وقصت له ماحدث
وطلبت منه ان يمر لياخذها ويذهبو ليتفقدو الامر
فوافق ادم
واتصلت ياسمين ب فتحي المحامي
وطلبت منه الذهاب الي القسم
وبالفعل تحرك فتحي نحو القسم
وبعد قليل.
حضر ادم واخذ ياسمين وتوجها الي قسم الشرطه
بعد نصف ساعه
تجمعو جميعا في القسم
وارادو ان يدخلو ليطمأنو علي امين
الا ان الضابط عماد رفض
فتقدم نحوه عز الشافعي
والد جودي
وابرز له هويته.
فقال له عماد:- اتفضل يا فندم.
واصطحبه. وجميع من معه نحو الزنزانه
وفتح الباب
ودخل الجميع ليتحدثو مع امين
اما الضابط عماد
فركض مسرعا نحو المأمور. ليخبره بما يحدث
ظل امين يقص لهم ماحدث بالتفصيل
وبعد ان انتهي من الحديث
ظل عز الشافعي يوبخه لما فعله بالمدعو سيد
وقال له:- كان لازم تتمالك اعصابك
ماكانش صح اللي انت عملته ده
دا مجرم
وتعرضك ليه ممكن يوقعك في الغلط
كنت اكتفيت بتسليمه للشرطه
انا هروح اشوف ايه اللي تم في المحضر
وانتو يلا انزلو استنوني تحت
جودي:- انا هاجي معاك يا بابا
عز الشافعي:- انا قولت تنزلو تحت
كلكم
يلا مش عايز حد منكم في القسم
وبالفعل انصرف الجميع خارج القسم
وصعد عز الشافعي الي غرفة المامور
وجلس وتسائل عن ما جري
فقال له المامور:- الولد سيد راح ياخد اسماء من المستشفي لانها مراته
فالامن رفض
فاتعارك معاهم وطردوه
خرج وجاب علبة مية نار
علشان يخوف بيها بتوع الامن
وياخد مراته
لكن بتوع الامن في المستشفي اتعرضوله
وهو بيهوش بعلبة مية النار
اتدلقت الميه علي وش مراته اسماء
وخرج اما شاف المنظر يجري من الخوف
فمسكه الاستاذ امين
ووقعه عالارض
وانهال عليه بالضرب
وشوه وشه بمية النار
واحنا اتخذنا اجرائاتنا
وعملنا محضرين بالواقعه
المحضر الاول لاعتداء سيد علي مراته
والتعدي علي موظفين اثناء تأدية عملهم
والمحضر التاني عمله المدعو سيد
ضد الاستاذ امين
لتعديه عليه
وتشويه وجهه واحداث عاهه مستديمه ليه
عز الشافعي:- يعني علشان مسك بلطجي مجرم
شوه وش البنت وكان ممكن يقتل حد من الممرضين او الدكاتره. او افراد الامن!
المأمور :- يافندم حضرتك عارف اننا بننفذ القانون
وحضرتك علي علم باننا موجودين لتحقيق العداله
ماينفعش الناس تعاقب المجرمين
والا هيكون وجودنا مالوش لازمه
عز الشافعي:- يعني هتعمل ايه يا سيادة المأمور
المأمور:- هننفذ القانون يا فندم
شرفت حضرتك
وهنا انصرف عز الشافعي
وخرج الضابط عماد
واخرج هاتفه. واتصل بذلك الغامض
فاجاب:- ايوه يا عماد بيه
عماد:- دا ايه دماغ سعادتك ايه..
كل شئ مشي زي ما حضرتك مخطط له بالظبط
دانت يا باشا دماغك عاليه اوي
الغامض:- دي حاجات بسيطه يا عماد
انتو بس اللي ما بتعرفوش تخططو كويس
المهم
عايز الواد سيد ما يرجعش القسم
وتشوف صرفه للدكتور يكتب خروج للبنت
وتعمل الاوراق بتاعة البنت قبل يوم الخميس
الضابط عماد:- بس يا فندم البنت وشها اتشوه
وهتاخد فتره علي ماتطلع من العنايه
لان التشوه بيقولو في معظم الوش
الغامض:- اممممممم
طيب هحاول ااجل سفرها معايا المره دي
والمره الجايه ارجع من باريس
الاقي كل شئ جاهز
وابقي عدي في الفيلا سايب لك مبلغ خده
الضابط عماد:- ربنا يخليك لينا يا ريس
نزل عز الشافعي
وعندما رآوه بدون ان يجلب معه امين
ركض الجميع نحوه
وسالوه
فاخبرهم انهم قد حررو له محضرا
وسيتم عرضه عالنيابه
فاعترضت جودي بشده
وقالت:- اذاي يعني دا مسك مجرم كان بيتعدي
عالناس في المستشفي
عز الشافعي:- انا مش هاسكت
روحو انتو دلوقت
وانت يا فتحي اطلع شوف المحضر
وحصلني علي مكتبي
انا هاتصرف
ياسمين؛- خلاص يا جودي. يلا بينا نروح نتطمن علي
اسماء وبنتها في المستشفي
وبابا ان شاء الله هيعمل اللازم…
وبالفعل توجهو نحو المستشفي
ووقفو جميعا امام الغرفه التي كانت بها اسماء
وبعد مرور بعض الوقت
خرج الطبيب واخبرهم ان اسماء لديها حروق في معظم الوجه
وانه اعطاها حقنه منوم
وستستيقظ في الغد
وطلب منهم عدم التواجد
لانهم لن يستطيعو الدخول
فتوجهو الي قسم رعاية الاطفال
حيث تحتجز حنين ابنة اسماء
وسألو احدي الممرضات عن حالة الطفله
فقالت لهم ان مناعتها ضعيفه جدا
وتكاد تكون استجابتها للعلاج شبه منعدمه
وانها في حالة خطره
واخبرتهم ايضا ان الغد سيحضر الطبيب المباشر
ويطمأنهم عن حالتها
فانصرفو جميعا.
اخذ ادم ياسمين واوصلها منزلها
اما جودي فتوجهت الي مكتب والدها
حيث وجدت فتحي المحامي يجلس امام والدها
يتبادلان الحديث
فاقتربت. وسالتهم. ماذا بشأن امين
فاخبرها فتحي انه حين عرضه علي النيابه
سنقوم باخراجه.
لان ما قام به مع شهادة الشهود
سيصنف دفاعا عن النفس
فطلب منها والدها الذهاب الي المنزل
وبالفعل انصرفت جودي
واتصلت ب امين الذي كان هاتفه ما زال معه
جودي:- امين انت كويس؟
امين:- لا والله يا جودي. قلبي واجعني اوي
جودي:- سلامتك يا امين ، الف سلامه ليك
امين:- طمنيني عن اسماء
جودي:- الدكتور عمل لها اسعافات
واداها حقنة منوم
وقال هتفوق منها بكره
وبنتها حالتها حرجه
بس انت ايه اللي طلعها في دماغك تروح هناك في الوقت ده
امين:- جاتني رساله
جودي بدهشه:- رساله. رسالة ايه! ومن مين؟
امين:- رساله من رقم مجهول كتب لي ان اسماء تعبانه
جودي:- غريبه. دا كأن حد قاصد انك تروح في الوقت ده
امين:- هبعت لك الرقم في رساله
وروحي المستشفي
واسالي عن صاحب الرقم
جودي:- علي فكره يا امين. الظابط عماد والمامور دول ورا كل اللي بيحصل
امين:- ياريت يا جودي يكونو هما
جودي:- تقصد ايه يا امين؟
امين:- مافيش. اهم حاجه بكره تروحي تتطمني علي اسماء وبنتها
وتخلي فتحي يجيني باليل علشان هيعرضوني علي النيابه
جودي:- اوك يا امين خلي بالك من نفسك
امين:- خلي انتي بالك من اسماء كويس
جودي :- حاضر. سلام
في صباح اليوم التالي
مر ادم وياسمين بمنزل جودي
وانتظروها حتي ارتدت ملابسها
وتناولو الافطار
وتوجهو الي المستشفي
وصعدو الي الغرفه التي بها اسماء
فوجدو الفتاه التي كانت مقيده مع اسماء بالقسم
والتي تدعي هدير وهي في حاله من البكاء عندما علمت ماحدث لاسماء اخذتها ياسمين واجلستها واخذت تربت علي كتفها وتصبرها
اما جودي فظلت تسأل الممرضات والعمال بالمستشفي عن الرقم الذي اعطاه لها امين فلم تجده مسجلا في هاتف اي منهم
فقالت جودي:- بصو يا جماعه. انا هروح ازور امين في القسم
وانتو خليكو هنا. ولما اسماء تفوق كلموني
وانصرفت متوجهه الي القسم
وصعدت مكتب الضابط عماد وطلبت منه زيارة امين وبينما هي جالسه
دخل احد افراد الامن
وقال للضابط عماد
الحق يا فندم
المتهم اللي اسمه سيد
هرب من المستشفي…….
وهنا وقفت جودي وقالت بصوت يشبه الصراخ
هرب اذاي
هو ايه ده
ايه اللي بيحصل ده
فقام الضابط عماد من مكانه
وضرب بكلتا يديه علي مكتبه بغضب
وقال :- وطي صوتك يا استاذه
ده شغلنا
واحنا هنتصرف.
واتفضلي من غير مطرود مافيش زياره النهارده
المتهم هيتعرض باليل عالنيابه
ابقي روحي زوريه هناك
اتفضلي خلينا نشوف شغلنا
وانت يابني
خد قوه وروحو الاماكن اللي ممكن يكون متواجد فيها
واقلبو عليه الدنيا
عايزه قبل العرض عالنيابه يكون قدامي هنا
انصرفت جودي بغيظ وغضب وحزن شديد
واتصلت بوالدها واخبرته بما حدث
فطلب منها والدها الهدوء
وعدم التواجد في القسم
او الدخول في شجار مع الضابط
وبالفعل انصرفت جودي عائده مره اخري الي المستشفي
واخبرتهم بما حدث
واتصلت ب امين واخبرته ايضا
فقال امين:- يبقي كده انا شكي في محله
الضابط والمامور فيه حد محركهم
بقولك ايه يا جودي!
جودي:- نعم
امين :- خلي فتحي يكلمني دلوقت حالا
جودي :- حاضر
واتصلت جودي ب المحامي فتحي. واخبرته
بان يتصل ب امين
وسالت ياسمين احدي الممرضات عما ان كانت اسماء قد استيقظت
فقالت لها الممرضه. ان الطبيب اعطاها جرعة منوم اخري
وقد تظل نائمه للغد
فتوجهو نحو قسم الاطفال
وسألو عن حنين
فقالت الممرضه
الطفله حنين توفاها الله……….
يتبع ….
