𒊹︎ في حُــضــن الــأرْبَــعِــيــنِــي
1
بــــقــــلــــم : 𝐍𝐎𝐔𝐇𝐀𝐈𝐋𝐀 𝐍𝐍𝐎
+
𝐏𝐀𝐑𝐓 𝟏𝟏
+
••••
+
طرطق رقبتو يمين و شمال كان مزير على قبضة يدو خلا طموبيل فالفيغوج حابسة و هبط كيدير فالخطوة تلاتة لخطوات مخلي من وراه ناس كيكلاكسونيو شكون تسوق ليهم لكان عليه هو فراه عينو كانت متربصة عليها هي لي باقا جامدة فبلاصتها معارفة ما دير
3
قشعريرة سرات ليها مع لحمها خطفات شوفة فتوفيق و رجعات نضرها لجبريل باقي معاها رجعت شافت فتوفيق و مرسومين على وجهها ملامح لخوف
2
ديمنة نطقت بتلعتم و عينيها كتهرب لجبريل : توفيق عمي شافنا (بلعات ريقها منين شافت مبقا كيفصلو عليهم والو) جاي مشينا فيها متقول ليه والو عفاك قول نتا كتبسل عليا (شافت فيه بترجي) حمبوك مبغاش نجيبها فصحتي
5
توفيق كمش جبهتو مستغرب على لي عارف بلي عائلتها كلها عايشين بعيد على رباط تلفت لجيهة لي كتشوف فيها مع ضورة مع روسية دخلات لو فكمارتو تا رعف
3
شد على نيفو مقصح و ديمنة رجعات لور شادة على فمها مصدومة و قلبها كيترعد عليها شداتها لبولة من نضراتو لتوفيق و خايفة غير شي كلمة تزبق لتوفيق
1
جبريل جرو من لعنق ديال تريكوه جايبو قدامو و حبات من لعرق مرسومين على جبينو و تفاحة ادم كطلع و تنزل خلاه تا قاد وقفتو و نزل عليه بلكمة فحنكو تا دار و كيزمجر : شكون نتا اولد لقحبة لي تحط عليها يدك معامن تشاورتي
+
توفيق رمى عينو لديمنة لي كانت ورا جبريل كترغبو بيديها محس تا جاتو ضربك قاصحة فكرشو من عند جبريل : كنهضر معاك اولد لقحبة
+
توفيق خلاه يدير فيه ما بغا فداء لديمنة لي رغباتو يضرب طم و ميفرشهاش تحمل دقة : سمح ليا اعمي ميسحابش ليا بنتك اما منقربش ليها
12
فهاد لحضة جبريل حس بكلامو ستفزو ولا بحال شي وحش خارج من شي غابة و قاتلو جوع عينيه معمين كيشوف فقط لمنضر لي شاف ببؤبؤ عينو و زادو كلامو متصرطاتش لو هز يدو تالسما و نزل عليه للحنك لاخر تا طير دمو فالارض : حاجتي خط حمر مكتقاسش و مكتشافش اولد لقحبة
+
لوا ليه ايدو بجهد خلاه كيتعصر و ولا لون وجهو زرق ما تهنا تا سمع طرطيقة فيدو و لغوتة لي خرجات من فمو متألم
4
طلقو من يدو خلاه يكلس فالارض كيغوت بالحريق لي كيحس بيه فيدو، شاف فيه بنضرة شرانية و هبط تالعند ودنو هامس ليه : مكاينش لبو لي يقلش بنتو فنصاص ليل
+
ديمنة بدات كتولول و ضرب ففخاضها خايفة عليه ليمشي فيها و حياتو ضيع فالحباسات خصوصا انه كيضرب رجل امن لي يدو واصلة نوعا ما فمجالو قربات لجبريل و دموعها ملاقين عند دقنها حطت يدها على كثفو و كتهضر كتقفقف : جبري
+
قبل ماتكمل سميتو دار عندها مخنزر و وجهو حمر حمر بزاااف و لعروق تطراساو ليه فجبهتو ماشي كيف متعودة عليه مني كيتعصب حلات فمها باغا تهضر تا كتحس بوجهها دار للجيهة لاخرى و جلدة ديال شعرها قريبة طير من بلاصتها بسبب قبضة يدو ماسوقش لغواتها و لبكاها و تم جارها معاه كيف شي حولية وسط بنادم لي كيشوف
5
لاحها فطموبيل و طلع مقلع غادي مكيهضرش كيتسمع غير شهقاتها عالين لعبو ليه على دماغ تاع عقلو ولا كيسوط فكازو مور كارو و دخان مشتت فالهوى خنقها بيه و مثدات تقول والو اما هو فمبردش باقي حاس بالعافية شاعلو لو فقلبو
2
مقدرش يكالمي راسو هبط زاج من جيهتو و كيزيد فسرعة باش غادي ما نقص سرعة تا لواحد لقنت مهجور تحت من قنطرة، دخلو فديك لبيست و هي قلبها كيخبط متكدبش لخوف سرا معاها
+
و هي كتشوف طريق خاوية و غا شجر و فوق منهم كيدوز تران شافت فيه و وجها صفر بالخلعة بقات ليها غير لبولة لي طلقها فحوايجها ،ولاو سنانها كيتقرقبو مع بعضياتهم و تزرع فقلبها لخوف
1
ديمنة : {بخوف} فين غادي بيا
2
مجاوبهاش بقا ملتازم بصمت شيئ لي زاد خلعها كثر ماهي مخلوعة حاولت تبت راسها واحد شوية
3
مدازش بزاف تاع لوقت تا وقف قبالت كوخ مهجور نزل من طموبيل مكشكش و كيحس براسو منمل عليه و عاطيه صداع عارف بليتو خايبة و لمضربتش ميهداش
+
مبغاش يرمي عينو لجيهتها مباغيش يأديها و لا يحط عليها يدو كتبقا قدامو غير أنثى و هو من تربيتو و شهامتو تربى ميحطش يدو على لولية مهما شنو دارت
8
خطا بخطاويه لكبار ناحية لكوخ مخليها مكمشة فطموبيل كدور فعينيها فهاد لخلا و لقيفار لي جابها ليها بلا كلمة بلا جوج لي فيها ما مهنينا رغم لخوف ولكن باقا باغا تبرر ليه سيدة معندهاش فقاموسها بلي الانسان منين تيكون معصب لازم ينفارد بنفسو لا هي قالت مهما جابني معاه الى و غادي يسمع ليا ولات كتعطي اجوبة لراسها
+
دخل للكوخ خاشي يديه فجيابو و كيتسمعو فقط خطواتو بالكاط لي كان لابسو لقى نضرة خاطفة و تحرك عاقد حجبانو مشا لجيهة شوميني كانت خاوية فيها غير رماد تاع لخشب لي تحرق وسطها كلس قرفصاء كيتفقدها بإيديه لثواني و رجع خرج يدو هاز فيها سمطة تاع دوى (كينة حبات)
+
شاف مطول فسمطة لي سنوات مرو على اخر حبة شرب كانو بنسبة ليه هوما لكالمو ديالو منين كيتعصب حاول يبعد و فعلا بعد مدة طويلة ولايني دابا كيشوف فراسو بسباب برهوشة غادي يرجع لعوايدو و ميبرد اعصابو غير بدوايات
+
خدا حبة بين يدو و رجع سمطة لبلاصتها جمع لوقفة من بعد ما خشاها ففمو و كيماصي بيدو على جبينو كلس فوق واحد لكنابي مفرق رجليه برجولة مهبط راسو محوطو بإيدو
+
تا كيحس بخطوات تقال جاين مهزش عينو تا باش يشوف شكون بقا حاني و نفسو كطلع تقيلة و كيلعب بالكينة ففمو
+
وقفات حدا لباب مترددة باغا دخل و مقادراش خايفة من ردة فعلو و لي زاد خوفها هو هاد لهذوء ديالو و لخلا لي جابها ليها
+
تشجعات و حطات لخطوا لولا و تبعاتها تانية غادية قاصداه و عينيها حمرين من كثرة لبكا لي بكاتو… كلسات جنبو كتبلع ريقها و كترتب لكلمات فدماغها
+
شافت فيه بنص عين باقي على نفس لحال كيتحركو غير يديه لي كيزيرو على راسو
خرجات من فمها شهقة و زيرات على طرف عبايتها بيديها
+
جبريل بغفلة منها معرفاتو ايمتا تا جرها من يدها مطيحها قدامو و صدرو كيطلع و ينزل و كيهضر من تحت سنانو : شكنتي واقفة تديري معاه ها (هبط شد ليها فكها مزير عليه و كيحس بالمسامر كطرقو فراسو) كان عاجبك لحال بداك تلماس (نزل عليها بتصميكة تا دار وجهها) كندوي معاك طواسل مك(زادها تصرفيقة تانية تا لوات لو بين ايدو)
1
ديمنة شادة على حنكها كتصنت للضربة و لحمها كيغزل عليها، رجع شدها من يدها مزير عليها مقصح بحالا شاد ذكر دار ضحكة مستفزة : مولفة ضسري عليك لكيادر معليك حكام تا خارجة تسلكطي مع زوامل
3
خرج فيها عينو لي كانو حمرين كيف شي جمرة : خسارة لوقت لي ضيعت معاك بصح لافوت ماشي فيك (غوت بجهد و كيضرب فصدرو) انا لي طلعت ولد لقحبة ناوي لحلال مع باطرونة
2
خلاها مرمية و ناض مبعد عليها كيعصر فراسو بيدو، ديمنة دموع مبغاوش يحبسو ليها ضرها قلبها من كلامو جرحها و أذاها بلا ميحس ناض شادة فيديها كانت بدات تعطيها فصداع وقفت كتشوف فضهرو لعريض و كسدتها كتهز و تحط بقوة شهيق
+
ديمنة بغصة ناسية فعلتها شدت غير فأخر كلمة قال متسرطاتش ليها :هاد لباطرونة لي قدامك (حبساتها لبكية كيف شي درية صغيرة عاد كيف واكلة لعصا) هي نفسها لي رضعتي بزولها و مشبعتيش
12
جبريل يديه ترعدو عليه و راسو كيزدز يزدح بجهد و زاد كلامها جهلو عليها بالبيان مبقاش كيشوف قدامو مبان ليه غير فاز قدامو هزو بين يديه بدورة باش غيدور غاينيش بيه لجيهتها بلا تردد
1
ديمنة غوتات غير غوتة و تبعاتها صرخات هوما شادة على دراعها متألمة من ضربة كلسات شادة على دراعها و كتغوت لربي لي خلقها من لوجع لكتحس بيه فدراعها
+
جبريل زير على قبضة يدو شاد نفسو بزز منو باقي مبردش باقي باغي يزيد يضرب متهناش دار للحيط كيضرب ضربة مور ضربة تا ولاو يديه عامرين دم، ديمنة من شوفتو هكاك سكتات من بكاها متحملة صداع لي فدراعها و كتشوف فيدو لمجروحة مقراتش تهضر مقدرات تقول تا كلمة من غير تلتازم بصمت و تخشى فبعضها
+
هو متهد تا تجلخ لحيط و ولا عامر كولو دم قدامو رجع قدام شوميني خدا نفس لكينة سرطها بلا ما و خرج لبرى يضرب فيه شوية ريح جبد كارو كيكمي واحد مور واحد و عقلو خدام فشنو مور هاد سيدة مع بالو تيقول نسالي نوقف هنا معندي فين نزيد معاها و قلبو باقي تابت متحركش باقي مصر على قرارو و لي هو فرصة ثانية او تالتة
+
حار تلف فكل ثانية كيرجع يشوف نفس لمنضر قدامو و كيرجع يجي صوت توفيق فودنو بنفس لجملة لي رمى ليه {سمح ليا اعمي كون يسحاب ليا بنتك كاع منقرب ليها} رجع تفكيرو كيديه لبزاف تاع تساؤلات واش مضيعها معاه واش هو كبر منها بزاف لديك سنوات لي تخلي بنادم يشوفها بنتو
1
رمى لكارو فالارض عافط عليه و دخل عينيه مركزين غير عليها كيفاش كتنخصص و تمسح دموعها بكمام عبايتها و ليد لي ضاراها حطاها قدامها
+
تقدم بخطواتو لكبار جيهتها وقف قدامها مخنزر محاملش يشوف فوجهها حدو نزل حط ركبة على الارض و رجل بقا شاد بيها توازن خطف ليها يديها شدها بين قبضتو تحسسها من معصمها و هو طالع تالفين جات فيها ضربة و هي ضربها بغوتة متألمة
+
خطف فيها شوفة لقا دموعها على سبة و شفايفها كيترعدو نطق ببحة ممزوجة بالجدية : شوفي فيا
+
ديمنة لاحت عينها نيشان فعينو مجات فين تعاود تهربهم تا كان لوا ليها دراعها بغفلة، هزات يدها لاخرى كضرب ليه فصدرو و كتغوت بحر لوية لي دار ليها : حرام عليك
+
ناض قارن حجبانو فيها عطاها بضهر مشا هز واحط طرف تاع توب كان مرمي جابو ورجع وقف قبالتها بانت لو كتكحاز متعرف شباغا تصنع ، حاصرها برجليه خاشيها لوسط : غتريحي ولا غنصمك مك تا دوري
+
ديمنة عضات على شفايفها مركنة، خدا دراعها دور عليها داك توب و زير عليها مزيان و جمع لوقفة جاب كرسي كلس قبالتها حاط رجل على رجل
+
جبريل (بعدم صبر): طلقي شعندك
+
ديمنة بحالا عطاها ضو لخضر باش تبدا طلق الاسطوانة تاعها لي مولفة غير هادي مغايرة فيها لحقيقة مفرزة على لكدوب
+
هبطات راسها كتفرك فيديها مع بعضياتهم تا ولاو حمرين : لبارح منين قطعتي معايا مشيت لصالون و راه بخبارك (هزات عينيها فيه مكملة بغصة) ضاربت انا و واحد لخانزة ليوم فصباح وقفات عليا لبوليس فدار (هزات يديها كتمسح دموعها و مكملة) مشيت معاهم و كان هاداك هو لي شاد لقضية و
+
جبريل قاطعها تا قبل ما تكمل : و ستغليتي لفرصة باش تخرجي معاه و ديريه طريق لمبتغاك
+
ديمنة صوتها مغنغن : كضلمني خليني غا نكمل و حكم
+
جبريل بتحكم : مكلاكش قلبك تصوني و تخبرني بشنو كاين
+
ديمنة : مكانش عندي تيليفون، (شافتو كيشوف فيها بتركيز كيساينها تكمل كلامها) دخلوني للبيرو ديالنا بقا كيسول كيفاش طرا و جرى و قال ليا يمكن لك تمشي وصلت لباب ديال لكوميسارية لقيتو تابعني ماديت ما جبت فالول و خرجت بحالي باغا نمشي نشم شوية لهوى فالكورنيش (بدات تا طلق دميعاتها) غا وصلت لقيتو مزال مورايا صافي هادا مكان
1
جبريل شاف فيها مطول و رجع نطق بصرامة : شباقي مزال معارفش قبل ميوصلني ملفك
+
بلعات ريقها و دقات قلبها رتافعو و نطقات بتلعثم : ما بقا والو
1
جبريل قرب كرسيه لعندها تا ولاو قراب بزاف : متأكدة
+
هزات لو راسها بأه خلاتو مطول فيها عاد جبد تيليفونو كتب ميساج لحلال لمشاكيل ولد عمو عطاه سميتها و كنيتها و معاه حتى لمهلة تاع يومين يجيب ليه فيها لملف
1
رجع تيليفون لجيبو و كيتفحصها بنضراتو لقاسية : متهنيتي تا خرجتي جبريل تاع خمس سنين قبل برافو عليك
+
رجع كمل كلامو بنبرة قاصحة و عامرة تساؤلات : ترضاي على راسك تكوني مرأة لواحد كبر منك بربعطاش لعام ؟ كيفاش غتحسي مني تشوفي صحاباتك مزوجين بوحدين قدهم
+
ديمنة دبلات فيه عينيها متنهدة و عايقة بلي لهضرة تاع توفيق بقات كدك فيه : انا نهار لول لي شفتك و ديت و جبت معاك فالهضرة عرفت راسي طحت اياه انا ديمنة بغيتك نتا بدوك زغيبات لبيضين لي فراسك و بغيتك على كبر سنك اول مرة جراتني لك سميتك و حلفت بحلوفي منرجع خطوة لور تانعرف مولاها و فعلا (نزلت دمعة كتجري على خدها)عرفت راجل بمعنى لكلمة فحياتي انا اجبريل عمري لقيت راجل يوقف جنبي و يهز لي بهبالي كيفك نتا كنتي فشكل نتا كنتي هو ديك شمعة لي ضوات ليا ضلامي (سكتات شوية و قربات حطات جبهتها على صدرو و كتبكي) قسما بالله لعضيم عمري ضنيت فحياتي غيجي نهار نبغي من نيتي عمري هزيت لهم لشي ولد لمرا و عمري جريت من ورا شي حد (هزات راسها كتشوف فيها و وجهها عامر كولو دموع) هاد لعبدة ضعيفة غرقات فيك وخ شايب و وخ كبر منها بسنوات معرفتش كيفاش و علاش و لكن قلبي لان ليك
+
ترمات فحضنو كتبكي و طلب سماحة تا خلاتو بلا هواه يحط يدو على ضهرها كيدوز يدو بحنان تا بدات كتسكت بشوية بشوية بعدات عليه شادك فدراعها
+
ماطا يدو كيمسح ليها دموعها و جمع وجها بين ايدو مقابلو معاه : ماشي غا نتي امو خالات حتى هاد شايب ابنتي مبقاش كيشوف حياتو بلا ديمنة و لقلب لي سنين و هو نافر حن و عطاك سوارتو .
6
ديمنة دلات شفايفها لتحت و سولاتو بغباء : كتبغيني ؟
+
جبريل (هبط عينو لشفايفها لي حمراتهم بالعضان هبط خطف قبلة منهم بحب) : لا كنتوفى على جدك
3
ديمنة هزات حاجبانها و معوجة فمها لجنب : جدي راه فقبرو
+
تبسم و ناض جمع وقفتو : نوضي تكعدي يلاه نتحركو
+
ناضت كتفرنس غادية تبعاه …طلعات للقدام قبل ما تسد لباب جا قاد ليها سانتيغ و سد لباب خلاها كتلوي فخصلاات شعرها مبتاسمة تا طلع و قلع خارج من ديك لخلا
+
ديمنة حطات راسها على زاج كتصنت لصداع ليزارها فراسها بسباب لبكا لي بكاتو و عاد يديها بقات تا داتها عينيها و غرقات فأحلامها او كوابيسها
+
من غرق ضلام كتشوف نفسها واقفة وسط من قاعة و حداها بزاف تاع ناس مزيرة على قبضة يديها و دقات قلبها كيتسارعو تدريجيا بؤبؤ عينها كيتحرك يمين و شمال باغا توقف دمعتها بزز و موقفة شهقتها وسط من حلقها قامعاها للحضة عينيها تمركزو فدروج لقاعة كيفها كيف ناس لمعروضين كولشي مركز مع لعرسان و فرحانين ليهم من لقلب لخالص الا وحدة من بينهم
18
كتشوف و عينيها محجرين بدموع باقا لحد ساعة مامستوعباش بلي صافي نساها و غيكمل مع غيرها كلاتها لغصة لي فقلها هزات عينيها للفوق كتفرفر بيهم باش توضاح ليها رؤية و رجعت رمات عينها لجيهتهم
+
حبيب قلبها لي فبين ليلة و نهار طار من يديها هي معتارفة بخطيئتها و واعية بأنها هي سبب تا نفرها و مبقاش حاملها ولكن باش يتمادا و يعرض عليها لعرسو فقط من بعد شهر من فراقهم المها و طعنها مية طعنة فقلبها
+
بلعات ريقها بصعوبة مني هبطت عينها كتشوف فإيهيم لمتشابكين بكل ود عضات شفايفها كتغزز فيهم بالفقصة و فمها تلجم مقدراتش تنطق بتاشي حرف من غير طلع عينها مباشرة مع عينيه لي كانو مراقبينها طول لمدة
+
تسمعو زغاريد و صلاة على نبي و تقدمو لعروسين هابطين من درجات و دايرين بيهم نكافات لي مسكتوش بداك صوت
+
للحضة قشعر بدنها وولات طالبة غير يرحمها من نضراتو لي مفارقوهاش ابدا بحالا كيصيفط ليها رسالة مشفرة
+
هبط اخر درجات مع عروستو لي غير ما زادت تمسكت فيه فاش طاحت عينها على ديمنة تقدمو بخطواتهم بتعليمات نكافة دازو من بين ناس بثقالة قاصدين برزتهم و فطريقهم دازو عليها هي لي واقفة غير بكسدتها اما لعقل مفرفر ر لعينين كيوثقو لحضة …
2
بدات كتحرك من بلاصتها بلا متحس تا رد ليها لبال لحركاتها وقف طموبيل جنب طريق و بقا كيحرك فيها بشوية و كيعطيك بسميتها تا ناضت قافزة و ملها مسرسطة بالعرق فجبينها
+
ديمنة حلات عينيها فيه كتنهج و كتحقق فملامحو و لبكية واقفة ليها : متزوجتيش ياك
8
جبريل تكا راسو على لكوسان كيسوط : لكتاب فهاد شهور جاين
+
ديمنة خرجات عينيها مصدومة : اويلي لا عنداك ديرها
+
جبريل : مباغاش لحلال ولا شنو
+
ديمنة سكتات كتستوعب كلامو : كيفاش
+
جبريل دور راسو بلا حولا و ديمارا طموبيل : رجعي تنعسي رجعي
4
تحرك مخليها ساهية كتفكر فكلامو و دور دور و ترجع لداك لكابوس حطات راسها كتشوف فيه مطولة و رجعات غمضات عينيها .
11
يتبــــــــــــــــع ….
+
+
