رواية كسر الروح الفصل الخامس 5 بقلم آلاء محمد
وقفنا اما نيمو كانت بتحكي لاحفادها عن البرتين..
نيموو: البنت دي نص مصريه ، امها مصريه وابوها تركي وليها اخت اسمها ياسمين ، من 8 شهور حصلت حادثه لأبوها وامها وهي واختها كانوا معاهم ف العربيه ، والطريق كان فاضي وقعدوا حوالي 10 ساعات عقبال ما حد ساعدهم ، ف ال 10 ساعات دول بقااا البنت شافت الموت يعينها ، امها ماتت بعد 5 ساعات من الحادثه بعني فضلت عايشه وماتت قدام البنت ، وابوها مات بعدها ب ساعتين ، اما اختها اختفت محدش عارف راحت فين وكان عندها حوالي 4 سنين ، والبنت نفسها عندها 9 سنين ، وكل يوم عياط وصريخ وبتصحا علي كوابيس ومش عايزه تتفاعل مع اي حد من الدار غيري ، من ساعه ما جت من حوالي 6 شهور وهي مدمره خاااالص وطبعا مش بتاكل كويس واختفاء اختها كمان ماثر عليها اووووووووي ولو فضلت ع الحال ده مش هتعرف تكمل ، وهتنهار اكتر واصلا التشخيص المبدئي بتاعها انهيار عصبي ، الدكتور قال هتتعب اكتر لو كملت كده و دي كل الحكايه…
لوكاا دموعها كانت سابقه رد فعلها..
شيري ساكته..
لولي ملامحها كانت جامده ، مفيش ليها اي رد فعل..
نيموو: بصوا انااا عيزاكوا تفوقوا كده وتهدوا وعلامات الذهول دي مش عيزاها قدام البنت ، وتزينوا البيت بالوان كتيررر وتعملوا احسن اكل ، يا بنات عايزه البنت تحس أنها وسط عيلتها ، تمام؟؟.
لوكاا بفتور: اكيد.
شيري بابتسامه: وانا انهارده هخلع من الشغل واقعد مع لوكاا واساعدها.
لولي: واناا هنزل اجيب شويه حاجات كده لزوم القعده.
نيموو: تمام ، يلا افطروا وانا هروح اغير هدومي عشان انزل..
وعند مصطفي ، وصل اسكندريه ، عروس البحر المتوسط ، المدينة اللي شافت وعانت كتيرررر من ظلم واحتلال وحرب ودم ومؤامرات وياما اتغرقت بدم ناس كتيرررر مصريين وغير مصريين ، بيقولوا كتر الحزن يعلم البكا ، وكتر البعد يعلم الجفاا ، بس المدينه دي زي ما هي ، عامله زي الحصن دايما بتفتح قلبها قبل دراعها عشان تضم اللي محتاجها بجد وبيلجي ليها، كانها ام ، صدرها دافي و بيدي الأمان والحب ، بيدي السكينه والراحة ، دخل مصطفي من البوابات المطله علي البحر اللي لونه كافي انه يريح الاعصاب ، واول حاجه عملها راح ياخد قهوة في كافيه علي البحر متعود دايما يروحه اول ما يخش إسكندرية ، او بالاحري لانه بيفكره بالناس اللي بيحبهم وريحتهم..
خلص قهوته وراح لمدام عايده في الاوتيل بتاعها ، واول ما شافته جريت عليه واخدته بالحضن…
مدام عايده: حبيبي ، كنت حاسه انك هتيجي عامل ايه….
مصطفي: الحمد لله يا فندم…
مدام عايده: ايه الكلمة دي ، دا انا خالتك يا ولا ، قولي يا خالتو…
مصطفي: حاضر يا خالتو…
مدام عايده: ايواا كده وحشتني ، تعالا تعالا اقعد واحكيلي عن أخبارك وحياتك ماشيه ازاي….
مصطفي بابتسامه خفيفه: الحمد لله ، الشغل ماشي تمام ، وانا كويس…
مدام عايده بفضول: اممممممممم ، طيب والحب ، اخباره ايه معاك…
مصطفى: مفيش حب ، ولا عمر هيكون فيه حب….
مدام عايده بمعني: هنشوف… يلا تعالي معايا اوريك اوضتك عشان ترتاح…
مصطفى: اتفضلي..
ونروح ل لوكاا…
لوكاا: بت يا لولي؟؟
لولي: هاااه..
لوكاا: ايه رايك اعمل مكرونه بشاميل ولا فرن…
لولي: اعملي بشاميل أحلى ، وبصي هتلاقي ف الكياس دي فراخ انا جيباها ، اعمليها معاكي…
لوكاا: طيب… وانتي اظبطي الالوان شويه وكتري الأحمر و البنفسجي ، الألوان دي حلوه…
لولي: عنيااا…
وعند شيري في اوضتها ، قررت تتصل بسامح وتبلغه..
سامح: الووو..
شيري بتوتر: الووو ، أستاذ سامح…
سامح،: ايوااا ، انسه شيرين..
شيري: ايواا ، كنت بتصل بحضرتك عشان اعتذر اني مش هقدر اجي انهارده…
سامح: طب وليه…
شيري: حصلت ظروف وكده ومش هقدر اجي…
سامح: طيب ع العموم مفيش مشكلة ، بس لو سمحتي لازم تعرفي ان ف شغل ممكن يتاخر…
شيري: انا اسفه بس لو مكنش حاجه مهمه كنت جيت ، واوعد حضرتك اول ما ارجع هخلص كل الشغل….
سامح: طيب…
شيري: شكراا ، مع السلامه..
سامح: مع السلامة…
وقفلت شيري التليفون وراحت تشوف اخوتها بيعملواا ايه..
عند نيموو….
نيموو ضربت الجرس ل هدي و…
وهدي: خير يا سيادة المديرة…
نيموو: جهزتي شنطه البنت…
هدي: اهاا جهزتها ، وكله تمام…
نيموو: طيب حلو اوووي ، الساعه كاام…
هدي: الساعه واحده…
نيموو: طيب خليهم ف المطبخ يجهزوا فاكهه للولاد ويحطوها ف الجنينه وكمان عصير فريش…
هدي: حاضر…
وخرجت هدي ، ونيموو سندت ضهرها علي الكرسي ورجعت دماغها وراا ، واتنفست بعمق و سرحت…
#فلاااااااااااااش…
“يعني ايه يا نيرمين ، يعني انتي موافقه و هتطوعيهم وتنفدي كلامهم ، حتي لو مش مقتنعه بيه”
“صدقني مفيش حل غير ده انا والله مش عايزه كده ابداااا”
“أستني ، عشان خاطري متمشيش ، بلاش تتخلي عني ، استني ، حبيبتي ، استني”…
#بااااااااك…
فاقت نرمين من سرحانها علي باب مكتبها بيخبط ، وسمحت بالدخول و…
هدي: كله تمام يا سيادة المديرة ، حضرنا اللي حضرتك قولتي عليه والولاد ف الجنينه دلوقتي…
نيموو: طيب يا هدي ، انا جايه…
وقامت نيموو ، ظبطت نفسها وخرجت للولاد عشان تقعد معاهم ، دايما بيخرجوها من اي ضيق ، وبيحبوها من قلبهم ، دايما الاطفال بيدوا الحب من غير مقابل ، كفايه انك تبقي حنين معاهم بس ، عالم بيور ، بيور اوفر دوز.
فات وقت كتيرررر ولوكا خرجت من المطبخ وشيري واقفه ع السلم ولولي بتوضب السفرة..
لوكاا: انا كده خلصت الأكل ، وانتوا ايه الأخبار….
شيري نزلت: وانا ظبطت الزينه اهووو ، حلوه….
لولي: اهاا حلوه ، بصوا كده ع الألوان…
لوكاا: تحفه ، (وبصت ل لولي) جبتي اللب والحاجة…
لولي: لا لسه ، انا لابسه اصلا هخرج اجيب وأجي…
شيري: متتاخريش يا قلبي…
لولي: حاضر….
وخرجت لولي و…
شيري: لوكاا يلا احنا نجهز بقاا…..
لوكاا: اهاا انا هدخل اخد شاور وألبس…
شيري: وانا كمان هظبط التاتشات الأخيرة وادخل وراكي….
لوكاا: طيب…
عند مصطفي….
مصطفي مدام عايده ورته اوضته وطلع اول ما دخل الاوضه فتح البلكونه وشاف منظر البحر اللي قادر يخرجك براا حدود الزمان والمكان ويوديك لعالم انت فيه مسير مش مخير ، وراح مسك موبايله وشغل اغنيه لفيروز….
(شط إسكندرية يا شط الهواا….
روحنا اسكندرية رمانا الهوا ، يا دنيا هنيه وليالي رضيه ، احملها بعنيااا شط إسكندريه ، ليالي مشيتك يا شط الغرام وان انا نسيتك ينساني المنام ، يتمهل شويه ويتودع شويه وتعانق الميه وشط إسكندريه
شط إسكندريه يا شط الهواا…..)
وخلصت الأغنية مصطفي كان نام من غير حتي ما يغير هدومه..
عند نيموو….
الوقت عدا بسرعه مع الولاد وكان بالنسبة ليها بمثابة حاجه طلعتها من اللي هي فيه ، لحد ما جالها تليفون حرفيا خلاها تبقي احسن كتيررررر…
نيموو: الوو..
……: ايوا يا فندم اللي حضرتك قولتي عليه بيتنفذ قدامي اهووو وواضح ان الموضوع جاب نتائج هايله….
نيموو: تمام تابع الموضوع وبلغني اول ب أول…..
……:حاضر….
قفلت نيموو وابتسمت اوووووي وندهت ع هدي..
نيموو: هدي….
هدي جات بسرعة: اومري يا سيادة المديرة….
نيموو: فين البرتين…..
هدي: قاعده برا لوحدها وماسكه ورقه وقلم وبترسم….
نيموو: طيب هتيها هنااا وبعدين هاتي شنطتهاا…
هدى: حاضر….
نيموو لنفسها ياارب قويني ومسكت الفون بعتت مسدج وسابته….
بعد شويه جت هدي وف ايديها البرتين…
نيموو: حبيبي ، تعالي يا روحي…
البرتين: نعم يا مامي….
نيموو: مالك بس يا روحي…
البرتين: مفيش حاجه…
نيموو: لا فيه ، هتخبي ع مامي برضه ، بصي يا حببتي انتي ممكن تخبي اي حاجه عن اي حد ويصدقك الا مامي ، هتلاقيها عارفه كل حاجه عنك حتي لو مقولتيش….
البرتين: امممممممم طيب انا زعلانه ليه؟؟
نيموو: ههههههههههههه شوفتي اعترفتي ازاي ، اقولك يا ستي ممكن تكوني زعلانه عشان انهارده قعدت العب مع البنات وكده وبالذات شروق…. مش كده؟؟
البرتين: ايواا ، زعلانه عشان قعدتي تبوسيها كتيررر وحضنتيها كماان….
نيموو: هههههههههه حببتي وايه المشكله اني ابوسها واحضنها ، المهم القلب فيه مين….
البرتين: امممم ماشي…
نيموو: طيب تحبي نخرج…
البرتين بفرحه:Evet annem(ايواا يا مامي)…
نيموو: Tamam aśkim (ماشي يا حبي) …بصي يا ستي انا هاخدك عندي ف البيت كام يوم كده نقعد مع بعض…
البرتين: guzel (جميل) , هو انتي عايشه لوحدك يا مامي؟؟
نيموو: لا عايشه مع احفادي شيري ، لوكاا ، لولي….
البرتين،: حلوين؟؟
نيموو: اووووي….
البرتين: Tamam (ماشي) …..
نيموو: يلا بينا..
عند لوكاا…
لوكاا: كده كله تمام…انا لبست اهوو وهروح اجهز الأكل ع السفرة…
شيري: اوك ع فكره نيموو بعتت مسدج من شويه وقالت ساعة وهتكون هنااا…وف الوقت ده لولي جت… لولي: انا جبت حاجات حلوه اوووي..
لوكاا: طيب هتلبسي ولا انتي كده تمام…
لولي: لا هو انا كل شويه هلبس واقلع ، كده حلوو اووي…
لوكاا: طيب تمام ، تعالي معايا بقاا نرص الحاجة ونحط الأكل ف الطباق…
لولي: اوك…..
وبعد شويه كانت كل حاجه جهزت والكل استعد…
لوكاا: كده كله فله ، فاضل ربع ساعة ونيموو تكون هناا…
لولي: هههههههههه يا بنات هي المواعيد المظبوطه دي وراثه ف العيله دي ولا ايه….
شيري:هههه بعد الشر عنك يعني اهاا العيله دي بتقدس المواعيد..
لولي: طيب انا عندي رحله ف المدرسة وعيزاكواا تساعدوني نتكلم معاها….
شيري: لا بجد كده كتيررر…
لولي: خلي بالك انتي اكيد هيجي يوم وتتزنقي وتحتاجي مساعده هااا…..
لوكاا: طيب والرحله فين…
لولي: يوم ف اسكندريه من 7 الصبح لحد 9 بالليل…
لوكاا: اوووووف يا بنتي ، معقوله هتوافق وبعدين المشوار بعيد اوووووي عليكي ، يوم ما تشطحي تنطحي….
شيري: بصي يا لولي انا عارفه انك عايزه تطلعي بس بجد هيكون بعيد عليكي، اناا هحاول أساعدك بس موعدكيش…
لولي: اساسا انا مش عايزه غير المحاولة….
لوكاا: طيب يا لولي وانا كمان هحاول معاها….
لولي: ربنا يخليكوا ليا ، عارفين معاكوا عمري ما حسيت بغياب ماما…
لوكاا وشيري بصوا لبعض…
وفجأه الباب اتفتح ، ودخلت منه نيموو والبرتين..
نيموو: يا بنات احنا جينا…..
لوكاا: أهلا أهلا ، ايه الحلاوة دي….
شيري: اوباااا ، ايه يا ناس العسل اللي هجم مره واحده…
نيموو: البرتين يا بنات ، دي شيري (وشاورت ع شيري) ودي لوكاا( وشاورت ع لوكاا) ودي لولي(وشاورت ع لولي) …
البرتين: اهلا…
لوكاا: لا بصي احنا مينفعش معانا بالكلام احنا بنحضن ع طول…وفتحت دراعها…
البرتين ضحكت وحضنت لوكاا..
شيري انا بقااا بحب البوس اووووي هاتي بوسة….
ضحكت اكتر وباستها….
لولي انا بقاا بتاعت كله ههههههههه… سلموا ع البرتين وخلصوا ترحيب وقعدوا عشان ياكلوا كلهم…..
لوكاا: عجبك الأكل؟!!
البرتين: حلو اووووي…
لولي: بالهناا والشفا ، قوليلي بتحبي البيبسي ولا عصير التفاح….
البرتين: بيبسي….وقامت لولي تجيب..
لوكاا: ما شاء الله ، انتي حلوه اوووي..
البرتين: شكرا وانتي كمان جميله اوووي…
نيموو بصت ل شيري اللي كانت بتاكل بسرعه….
نيموو: براحه با بنت ع نفسك ، هتفطسي…
لوكاا: اتفجعت…
البرتين: صحيح يا طنط ، بتاكلي كده ليه…..
شيري اول ما سمعت الكلمة ، شرقت وقعدت تكح ، ولوكاا قعدت تضحك جاااامد…
شيري بتصنع: طنط ايه يا قلبي ، انا اسمي شيري ، قوليلي يا شيري….
البرتين ضحكت: حاضر..
لولي: البيبسي وصلللل….
نيموو: ايواا بقااا….
خدت لوكاااا الكوبايه ، وشربت البيبسي مره واحده ، وبعدين سابت الكوبايه وهي بتنهج….
لوكاا: الله ، جميل اووووي….
نيموو: نفسي افهم ليه بتعملواا كده…..
لوكاا: عادي اناا مش بستطعم البيبسي غير كده…..
شيري: وانااا مش بعرف اكل غير كده ع فكره بس هعمل ايه بقااا اذا كانت الطريقه دي مش صح….
لولي: ههههههههههههههه عادي يا جماعه ما كل واحد يتصرف بالطريقه اللي تعجبه واللي مش عجبه ميتعملش معانااا ، حاجه غريبه يعني…
نيموو: بس يا ام لسانين انتي ، البرتين يلااا روحي التواليت اغسلي ايدك واسنانك واستعدي للنوم ، هتلاقي فرشه جديده و حاجات كتيرر جوااا…
البرتين: حاضر..
نيمووو بصت لكل واحده فيهم وابتسمت…
كلكواا طالعين لامكوااا ، هي برضه كانت كده..
لوكاا اتعصبت: تيتاا لازم تعرفي اني عمري ما هكون زيهااا لا انااا ولا اخواتي عشان دي مش ام اصلا..
شيري: اهدي يا لوكااا ، نيموو متقصدش اللي فهمتيه..
لولي بضيق: خلاص يا جماعه خليناا نقفل ع الموضوع…
لوكاا بصوت متقطع : لا منقفلش ، تيتاا اناا مقدره انهاا بنتك ومهما عملت عمرك ما هتكرهيهااا ولا هتزعلي منها ، بس اناا لا ، اناا بكرهها ، وبكرهها جدا كمااان ، عمري ما هعرف اسامحها ع اللي عملته فياا اناا واخواتي ، دمرتنااا وعيشتنااا طول عمرنا من غير ام و..
شيري: وخلتنا محرومين من حاجات كتيرر اوووي ، عمرهاا ما حست بينا ، هي خلاص ماتت بالنسبه لينا ، مش هنعرف نتقبل وجودها تاني ، احنا اسفين.
لولي بضيق ووشهاا احمر: حراام عليكوااا ليه كل ده ، مش يمكن عندها ظروف ، مش يمكن ف حاجه كبيره خلتهاا تعمل كده ، ليه مفترضين سوء النيه..
لوكاا بدموع: بطلي تضحكي ع نفسك يا ليلي ، مفيش اي ظرف يسمح لام تسيب بناتهااا وتمشي كده ، تسيبهم وهما ف سن خطرر وترمي كل حاجه وراا ضهرهاا وتهرب ، تسيبهم وهي عارفه انهااا عليهاا واجبات نحيتهم وعارفه انهم محتاجين ليهاا ولوجودها ف حياتهم بعد ما ابوهم رماهم وجري ورااا نزواته ونسي ان عنده بنات وكماا تدين تدان واللي عمله ف بنات الناس هيطلع علي عياله ، انا راضيه ذمتك دول اهل دول ، دول عيله محترمه الواحد يفتخر بيهم قداام الناس ، دول ناس ينفع احكي عنهم لصحابي ، ينفع احبهم اصلا..فجاه دخلت البرتين وهي مبسوطه اصلها كانت حاسه بدفا وعيله معاها بتحبها بتاخد بالها منهاا لان اوقات اكتر حد محررم من الحاجه هو اكتر حد بيقدر يديها
البرتين: اناا خلصت يا مامي ، عايزه انام جنبك بليززز..
نيموو: حاضر يا حببتي ، تعالي يلا..
قامت نيموو وغمزت لشيري اللي عارفه هتتصرف ازاي مع اختها..
بعد شويه شيري خدت اختهاا ف حضنها عشان تهدا بس حصل العكس ، وملك انهارت اكتر ، فضلت تعيط كتيررر ، كان جواهاا دموع متكومه بقالهاا سنين لحد ما كونت جبل كبيررر والجبل ده بقااا حصن منيع بيمنع اي حاجه تقرب من ملك وهي مستخبيه وراه بقناع من القوه و التظاهر بالسعاده والراحه ، الجبل ده كان تقيل اووي عليها وكاتم علي قلبها وعقلهاا حتي نفسهاا كانت بتاخده بصعوبه انمااا هي كانت ضعيفه ، ضغيفه لدرجه انهاا مجرد ما حاولت تكسره عشان تعبت من وجوده ، اتهد عليهااا وجواهاا ونزلهاا لسابع ارض ، حضن شيري كان نجاه بالنسبه ليها ، انقذهاا من انهاا تموت تحته وتنتهي للابد ، هو حضن الاخوات كده حاجه زي ما تكون فيهاا دوااا ، بس دواا سحري شويه زي اللي بنشوفه ف افلام ديزني بيشفي بسرعه ويعمل مفعوله بسرعه ، مش بس الاخوات ، لازم تعرفوااا انكواا مهماا كابرتواا هتنهارواا قدام حضن صادق وقوي من ناس بيحبوكو بجد ، جربوااا كده!!
بعد وقت كتيررر محدش حسبه ولا حد كان يفكر يحسبه اصلاا ، لوكاا هديت ، وحست انهاا ارتاحت ، اجمل حاجه ف الديناا وجود الناس اللي تعرف ازاي تفهمناا وتحتويناا ، تعرف امتا نكون محتاجين حد معانا وامتا نكون محتاجين نبقي لوحدنا ، ع فكره الشعور الاعظم ف العالم كله هو الاستيعاب ، حد يقدر يفهمك ويستوعبك بكل ما فيك ، يقبلك بغبائك بتمردك بحبك بلغبطك ويقدر يتعامل مع كل ده ف وقت واحد بشرط ان انت نفسك تكون متقبل ده وعارف تتعامل مع نفسك كويس وده اللي حصل مع مصطفي وياسر..
