رواية كسر الروح الفصل الثاني 2 بقلم آلاء محمد
لوكاا حضن اختها اثر فيها اوووي وفجاه دموعها نزلت وقعدت تعيط كتيررر….
لولي وحطت ايديها علي شعرها: اهدي ، اهدي يا روحي ، اعوذ بالله من الشيطان الرجيم……
شيري: اذكري الله كده قوليلنا ايه اللي حصل….
لوكا: انا تعبانه اوووي يا بنات ، اول مره ف حياتي احس باليتم ، اول مره احس اني لوحدي ، اول مره احس اني محتاجه بابا……
شيري بتوهان: وليه كل ده……
لوكاا: انهارده كالعادة بهزر وبضحك مع ياسر رئيسي ف الشغل وصديقي عادي ، انتوا عارفين اصلا ان هو اللي رشحني في المكان اللي انا فيه بعد ما سبت الشركه التانيه ، المهم شريكه اللي هو برضه المدير بتاعي اسمه مصطفي ، زعقلي واهاني جامد ،وقالي حاولي تنسي الطريقه اللي بتتكلمي بيها..
لولي بهجوم: ايه قله الادب دي ، ده قليل الذوق ، وانتي ازاي مترديش عليه وتهزقيه.
شيري: اممممممم طب ليه يقولك كده…..
لولي: ودي عايزه سؤال عشان عديم التربيه…..
لوكاا: هو ده اللي محيرني ، الشخص ده لطيف مع كل الناس ، وبيتكلم معاهم بمنتهي الاحترام ، الا انااا ، معرفش انا عملتله ايه عشان يعاملني كده وكمان دي مش اول مره.
شيري سكتت دقيقه وقالت بصوت عالي كنتي بتهزري مع ياسر وهو اتنرفز واتضايق وزعق وبصت ل لوكاا ولولي وكانها بتقولهم حاجه..
لوكاا فهمت اللي شيري عايزه تقوله و قالت..
لوكاا: لا طبعا ، مستحيل.
لولي: اكيد لا ، مش معقول.
شيري: وليه مش معقول..
لولي: اولا مبقالهاش كام شهر هناك ، ثانيا معتقدش ان شخص زي ده عنده احساس اصلا..
لوكاا: لا اكيد ده غلط ، مستحيل يكون صح ، انا كده كده هقدم استقالتي اخر الشهر ، يعني تقريبا اخر الاسبوع ، واخلص منه..
شيري: طب هتشوفي..
لوكاا: وحتي لو كده ، انا مش هوافق ، مستحيل.
شيري: هنشوف..
لولي: سيبكوا من الكلام ده ، انا عندي مفاجاه…
وطلعت لولي الجايزه اللي المدرسة ادتهالها و كانت عباره عن فيونكه كبيره بس بسيطه لونها ازرق ملزوقه فيها حاجه وفيها بونبون و شريطه فضي مكتوب عليها ، كوني كذلك دائما…..
لوكاا: وااااااو ، تحفه يا بنت الايه ، بس ادوهالك ليه.
شيري: اكيد ف الرياضه…
لولي ضحكت: بالظبط كده.
لوكاا بتعب: يا بنات انا تعبانه ، يلا ننام بقاا.
لولي: خلاص بقااا يا لوكااا ، تجاهليه ومتحاوليش تتعاملي معاه ولو كلمك هزقيه وسبيله الدنيا…
شيري: صح كده ، هو يعني اللي خلق الشغل بتاعه مخلقش غيره وانتي اي مكان ف الدنيا يتمناكي……
لوكاا: ربنا يخليكواا ليا يااارب….
شيري: ننام بقاا……تصبحوا ع خير…
لوكا ولولي: وانتي بخير…..
وناموا ع امل ان كل حاجه تتصلح ، ناموا وفيهم المجروح وفيهم الحيران ، وفيهم اللي عنده استعداد يعمل اي حاجه عشان الكل….
وعدي الليل ع الكل ، وبدا يوم جديد… و ف بيت كبيرررر اوووي ، كان في واحد نايم ، ومامته خبطت علي الباب عشان يصحي…و
الام: يلا يا ياسر قوم هتتاخر….
ياسر: حاضر يا امي… انا قومت اهووو…..
وقام ياسر اخد شاور ولبس وخرج من اوضته وراح اوضه باباه لقاه نايم باسه من ايده وراسه ونزل… و
ياسر: صباح الخير يا مصر…..
الام بضحك: صباح الفل يا حبيبي ، يلا عشان تفطر…..
ياسر: لا معلش مفيش وقت ، يادوب اطلع ع الشركه….
الام: يريتك تيجي تقعد معانا ع طول….
ياسر: هههههه ما انا تقريبا كل يوم هنا يا امي ، الفرق بس اني بنام في البيت التاني….
الام: خلاص ع راحتك يا ابني…
ياسر: طب انا هنزل بقااا وسلميلي ع بابا اما يصحي ، انا دخلت عشان أصبح عليه لقيته نايم ، مرضتش اصحيه……
الام: ماشي يا حبيبي.. مع السلامه…
ياسر: يلا سلام عليكم… وخرج ياسر..
الام: وعليكم السلام….ربنا يا ابني يفوقك ويبعد عنك ولاد الحرام ويجعل من نصيبك الخير منين ما تروح ، ويرزقك ببنت الحلال وافرح بيك…….
و ف بيت لوكاا ..
لولي: يلا يا بنات هنتاخر…
شيري: فين نيموو…
لولي: نزلت عشان عندها تفتيش…
لوكا: انا جاهزه..
شيري: طب يلا…..
ووصلت لوكاا ع شغلها ، ولولي مدرستها ، وشيري ع الشركه… وعند شيري..
كانت شيري قاعده ف مكتبها بتشرب شاي بلبن ، وفجاه دخل سامح عبدالرحمن…و
سامح بصوت قوي: صباح الخير…
شيري اتفزعت وقامت وقفت: احم ، صباح النور ، اتفضل حضرتك الفايلات اللي طلبتها مخلصاها من امبارح ، واتصلت بشركه w. C. O واتكلمت مع العلاقات العامه هناك ، ونسقنا كل حاجه… اي اومر تانيه……
سامح: طب بس اهدي وخدي نفسك ، انا مش جاي عشان الفايلات…
شيري: امال حضرتك جاي ليه…..
سامح اتلغبط: ا اا ا اا….. اصل كنت عايز اعرف محتاجه حاجه واطمن عليكي…..
شيري باستغراب: انا كويسه…. شكرااا..
سامح بلغبطه: طب انا هاخد الفايلات دي… وشكرا ع تعبك….
شيري: العفو ع ايه ده شغلي….
سامح بابتسامه خفيفه: بعد اذنك….
شيري: اتفضل
شيري لنفسها هو ماله انهارده عنده ذوق كده ليه ، اول مره يكون كده ، استرها يااااارب ، اكيد ناويلي ع نيه مش تمام ، هنشوف ناوي ع ايه البتاع ده……
ومصطفي لنفسه انا مالي عملت كده ليه قدامها ، كنت متلغبط كده ، مع اني مش اول مره اتعامل معاها ، بس غريبه دي ، اول مره يحصلي كده وخصوصا قدام بنت ، يا ترا ليه ، هههههه بس شكلها بتحب الشاي بلبن اووووي ،ع طول بتشربه ، استر يااارب….
عند لوكاا…
مصطفي طلب لوكاا و : انسه ملك ، بعد اذنك عايزك…
لوكاا: حاضر….. وراحتله المكتب.. أفندم….
مصطفى: عندنا اجتماع كمان 3 ساعات براا الشركه او تقدري تقولي عشاء عمل ، المكان شيك جدااا، جهزي نفسك عشان هتكوني معانا…..
لوكاا: بس ليه… يعني اعتقد ده مش شغلي…..
مصطفي: عارف ، بس انهارده استثناء ، ومتخافيش هنعوضك ماديا ع الوقت ده……..
لوكاا بغضب: انا مش بتكلم عشان الفلوس حضرتك ، انا بتكلم حضرتك عشان مينفعش اتاخر عن البيت مش اكتر….
مصطفي بتانيب: لا مفيش تاخير ولا حاجه…..
لوكاا: اوك…..بعد اذنك….
وخرجت لوكاا من عنده وهي حاسه انها مش قادره تتنفس ومخنوقه ، فقررت تروح تغسل وشها يمكن تهدا ، بس برضه مهديتش ، فقررت تروح البيت تستريح وبالمره تجهز نفسها ، وفعلا نزلت من الشركه واخدت تاكسي ، سرحت وهي ف التاكسي ف اخر ذكري ليها مع أمها….و فلااااش…
لوكا ببراءة: ماما انتي ليه بتعيطي….
امها: تعالي يا حببتي ، وقعدت لوكا جنبها وخدتها ف حضنها….و قالت: لوكا حببتي انتي مبقتيش صغيره عيزاكي تخلي بالك من نفسك ، ومن اخواتك اينعم انتي الوسطنيه ، لكن برضه انتي اعقل واحده ، ومتزعلش تيتا منك ابداااا ، وشيري خدي بالك منها ، لولي لسه صغيره ومحتاجاكي ، واوعي تسمحي انكوا تبعدوا عن بعض ابدااا ، طول ما انتوا الثلاثة مع بعض محدش هيقدر عليكواا ، وهتبقوا اقوياء مع بعض….
لوكا بلامبالاه: يا ماما بقاا ، هو انا عارفه اخد بالي من نفسي اما هاخد بالي منهم كلهم ، وبعدين انتي ليه بتقولي كده يعني ، طالما انتي موجوده خلاص ، بيس يعني……
امها: بكراا هتعرفي كل حاجه ، وعايزه اطلب منك حاجه كمان……
لوكا: خير يا ماما قولي…..
باااااااااك
وهنا خلينا نتعرف علي ام ملك ، هي هناء عبد الحميد الادهم ، بنت عيله الادهم اكبر عائلات إسكندريه ، كانت ست جميله جداااا و تتميز بحبها لمجال الهندسة وابداعها فيه…….
نرجع تاني… فاقت لوكاا من شرودها علي صوت السواق…
السواق: وصلنا يا انسه…
لوكاا: شكراا…..
نزلت لوكاا دخلت بيتها ، واتصلت باختها شيري و
شيري: خير يا زفته ، ما هو انتي مش بتفكري تتصلي غير ف المصايب هههههههه
لوكا بهدوء: انتي فين…
شيري بقلق: ف الطريق للبيت…. مال صوتك يا بت…
لوكاا: اما تيجي هحكيلك…سلام..
وقفلت لوكاا ودخلت تاخد شاور عقبال ما ترجع اختها…..
نروح ل لولي ف مدرستها…..
كانت قاعده مع صحبتها ريم ودار بينهم الحوار ده…
ريم: لولي هتطلعي الرحلة؟؟
لولي: مش عارفه يا ريم ، بس اخواتي وتيتا مش عارفه هيوافقوا ولا لا…..
ريم: طب حاولي معاهم ، كلنا طالعين يا لولي وعايزين ننبسط ، ولو موافقوش ، احنا نقنعهم…
لوكاا: ربنا يسهل…. وانتي عملتي ايه في الامتحان……
ريم: عملت كيكه….
لوكاا ضحكت: يخربيتك يا بت ذاكري زي البشر…..
ريم: هههه حاضر…….
ونرجع للبيت عند لوكاا اللي كانت اخدت شاور واقفه قدام الدولاب محتاره تلبس ايه وفجأه الباب اتفتح وكانت شيري.. دخلت شيري وهي مخضوضه علي اختها….
شيري: لوكا يا حببتي ، مالك؟؟
لوكا: متخافيش عليا انا كويسه…
شيري: صوتك مكنش يطمن ابدااا ، الزفت ده قالك حاجه تاني….
لوكا: يعني ، بس سيبك دلوقتي وتعالي ساعديني ، مش عارفه البس إيه……
شيري: طب وتلبسي ليه ، انتي رايحه فين تاني؟!!….
لوكا: عشا عمل يا ستي ، الزفت ده قالي استثناء…
شيري بتفكير: امممممم و تفتكري نيموو هتوافق بالكلام ده…..
لوكاا: ما هي دي المهمه التانيه اننا نقنعها توافق…
شيري: موعدكيش ، ما انتي عارفه…
لوكا: لا مفيش حاجه اسمها كده ، لازم نقنعها…
شيري: طب تعالي بس نشوف هتتنيلي تلبسي ايه وسيبي نيموو عليا…..
ونروح شويه عند نيموو ، اسمها نيرمين المحمدي هي بتشتغل مفتشه علي المدارس ودور الايتام وموسسات رعايه الطفل في وزاره التضامن الاجتماعي و معروف عنها انها شديده جدااا ومتقبلش اي مخالفه او اي حاجه غلط والكل بيعملها حساب…. كانت في مكتبها وبتتكلم ف التليفون مع شخص…
نرمين بعصبيه: يعني ايه الكلام الفاضي ده ، ازاي اقول كلمه ومتتنفذش ، أزاي الدار دي تتفتح تاني بعد كل اللي حصل فيها ، انتوا ايه قلبكوا حجر ، متعرفوش رحمه ولا رافه والاهم متعرفوش ربنا…
الشخص: بقولك أيه سيبك من الشعارات الفاضيه بتاعه الضمير والصح والحرام والهبل ده ، ده بيزنس يا ماما ، ومش انتي اللي هتقدري توقفيه ، ده مسنود من ناس عاليه اوووي ، وفي ناس كتيرر بتاكل من وراه عيش…..
نرمين: لا هقدر اوقفه واوديكوا في ستين داهيه ، وهتشوفوا ، ومبقاش نرمين المحمدي اما دخلتكوا كلكوا السجن يا حراميه يا حيوانات ، انا هوريكوا ، ونصيحه خاف علي نفسك لانك لو وقعت ودي حاجه اكيده هيتخلصوا منك ، سلام…….
نرمين لنفسها والله العظيم ، وحياه احفادي لافضحكوا و اوديكوا في ستين داهيه..
نرمين قعدت شويه وفكرت كتيرررر وبعدين مسكت التليفون وكلمت حد..
نرمين: كابتن يوسف ، عيزاك ف مهمه..
عند لوكا و
شيري: لوكاا ده هيكون تحفه عليكي ، بجد شكله جميل اوي…
لوكا: تفتكري مناسب…
شيري: طبعا…
وفجاه لولي جت من المدرسه ، واول ما دخلت الاوضه وشافت الفستان…
لولي بانبهار: وااااااااو ، إيه الجمال ده…
شيري: جالك كلامي ، اهو عجب الاميره الصغيره..
لولي: عجبني بس ، ده ابهرني ، انتي رايحه بيه فين؟!!..
لوكاا: عشا عمل يا ستي…
لولي: ايوااا بقاااااا…
لوكا: المهم يا بنات عايزين نقنع نيموو ، فكروا معايا بليز ، مفضلش غير ساعتين علي المعاد…
لولي وشيري: سبيها علينا….. وبصوا لبعض كلهم وضحكوا…
وفي بيت كبير ، وبالتحديد في قلب القاهره ، كان مصطفي بيجهز عشان الاجتماع ، مصطفي شاب عنده 29 سنه ، بشرته قمحاويه ، بيحب الرياضه والموسيقي الكلاسيك ، وعايش لواحده ، ملوش حد تقريبا غير صاحبه ياسر ، وابوه بس مصطفي مقاطعه من سنين ورافضه نهائي ، مصطفي كان بيحط التتشات الاخيره ع مظهره كان لابس بدله كلاسيك لونها اسود ، زادته وسامه وجمال مع بشرته القمحاويه ، وساعه شيك اوووي وجزمه سودا ، وبرفانه المفضل ، وكان جاهز تقريبا ، وفجاه تليفونه رن وكان ياسر..
ياسر: انت فين ي ابني؟!!
مصطفي: انا بجهز اهوو ، وانت؟؟
ياسر: وانا خلاص جهزت ، ونصايه كده واكون هناك…..
مصطفي بتعجب: يعني ايه نصايه؟!!!
ياسر: نص ساعه يعني ، سلام بقااا عشان نازل…
مصطفي: سلام…..
وقفل ياسر مع مصطفي وقرر يتصل بلوكااا ويعرف هي فين..
وعند بيت لوكا كانت شيري ولولي قاعدين قدام نيموو في المطبخ وعمالين يبصوا لبعض و….
نيموو: قولوا اللي عندكوا علي طول…..
شيري: اصل اصل…
لولي: يعني ، قصدنا يعني….
نيموو: في ايه يا بت انتي وهي ، ما تتكلموا…
شيري خدت نفس عميق وقالت: لوكا عندها انهارده عشاء عمل مهم ولازم تروح عشان اللي المفروض تروح تعبانه ف لوكا مضطره تروح بدالها يعني استثناء وقدامها بالظبط ساعه علي المعاد…..
نيموو بلامبالاه : بس انا قايله قبل كده ان الموضوع ده ممنوع النقاش فيه…
لولي: ما هو احنا من امتا كسرنا كلمتك بس ده غصب عنها وهي لازم تروح ، عشان خاطرنا تسبيها تروح..
نيموو: طب والهانم هتروح ازاي وتيجي أزاي؟؟
لولي: احنا هنوديها ، و ياسر مديرها هيجبها…
نيموو بتنهيده: المعاد المفروض الساعه 6 ، 9 بالكتيرر تكون هنا…
شيري بفرحه: حاضر مرسي اوووي يا قلبي ، ربنا يخليكي لينا..
نيموو بصرامه: استني يا ماما انتي وهي ، دي اول مره وآخر مره..
لولي: حاضر ، تعالي طب نشوفها عملت ايه….
نيموو: يلا..
وف اوضه لوكاا تليفونها رن..
لوكا: الوو ي ياسر..
ياسر: انتي فين ي بنتي..
لوكا: انا نازله اهووو بس أخواتي بتكلموا مع نيموو لدلوقتي..
ياسر: ياااه ، جدتك صعبه جدااا..
لوكا: عندها حق برضه ، هي عايزه تحافظ علينا ، واديك شايف مبقاش فيه أمان..
ياسر: عندك حق ، طب يلااا بقااا حاولي تنزلي بسرعه عشان تلحقي..
لوكاا: ك..
الباب خبط… ودخلوا كلهم اوضه لوكاا واول ما شافوها ابتسموا وقعدوا يبصوا لبعض..
وفي ارقي مطاعم القاهره شغال موسيقي هاديه ، وكان فيه رجال اعمال كلهم تقريبا سنهم صغير وبلغه السوق لسه عضمهم طري بس اذكياء اوووي ومعروفين بشغلهم الكويس وكان مصطفي قاعد معاهم هو وياسر..
ياسر: بس كده الصفقه هتكون كبيره اوووي وبالتالي تبقي ضربه قاضيه للكل لو فشلت او حصل حاجه مش ف الحسبان…
عماد: متقلقش يا ياسر احنا مش قليلين وعاملين حسابنا كويس علي كل كبيره وصغيره وعندك الملف تقدر تدرسه بنفسك..
مصطفي: طب تمام ، اوعدك هنقيم العرض كويس ونقيمه ونديلكوا الرد.
وفجأه الكل سكت وبص ع الباب بانبهار…
