رواية كسر الروح الفصل الرابع عشر14 بقلم آلاء محمد
تبدا الشمس تطلع ف بيت سامح اللي كان نايم و لينا كانت قاعده جنبه ع السرير وبتبصله ببراءه واول ما صحي استغرب..
سامح: لينا اي اللي مقعدك كده؟!!
لينا: اصل شكلك حلو اوووي وانت نايم..
سامح ضحك اوووي: امممم طيب يلا عشان تفطري يلا..
لينا: انا عملتلك فطار جامد أووي..
سامح رفع حاجبه: انتي اللي عملتيه؟!!
لينا: ساعدت فيه ايواا..
سامح: طب يلاا عشان تغسلي سنانك بقا..
لينا: وانت كمان..
وغسلوا سنانهم وسط ضحك وشقاوه ليناا وابتسامه سامح اللي مش بتفارقه طول ما هو معاها و قعدوا عشان يفطروا..
سامح: لينا يلا افتحي بقك.. ايواا كده..(سامح متعود انه هو اللي بيأكل لينا اما بيقعدوا يفطروا مع بعض) لينا: شبعت انا كفاية..
سامح: دي اخر لقمه يللااا..قوليلي انبسطي إمبارح مع شيرين واخواتها..
لينا: ايواا انبسطت اوووي ، شيري وأخواتها قمر اوووي ، والبرتين كمان حبيتها وخدت رقمها..
سامح: انتي حبيتي شيرين ي لينا؟
لينا بحزن: ايوا اووووي ، كان نفسي يبقي عندي أخوات زيها او مامي تحبني زي ما تيتا نرمين بتحبها..
سامح بحنان: اوعدك هيبقي عندك..
لينا: انا أجازه انهارده من المدرسه ، بليز خدني معاك الشغل اشوف شيري..
سامح بخبث: شيري سافرت هي وأخواتها يغيروا جو ، وحتي انا كمان أجازه ، لو تحبي تروحي ممكن نسافر كمان شويه..
البرتين بفرحه: ايواا احب ، تعالي نروح..
سامح مصطنع التعب: لا بلاش بقااا عشان متتعبيش..
البرتين: لا مش تعبانه يلاا عشان خاطري..
سامح بتصنع الود: خلاص ماشي عشان متزعليش ي ستي..
البرتين: انا هقوم اجهز..
سامح بانتصار: ماشي..
فات شويه وقت ولوكا وشيري ولولي كانوا واقفين قدام الفندق..
لوكاا: شيري انتي متأكده ان العنوان صح..
شيري: ايوا متأكده..
لولي بتركيز: طراز يوناني ، فتره الخمسينيات ، اتاسس 330 قبل الميلاد ، كان بتاع يهودي مصري و اليهود كانوا بيعملوا فيه اجتماعتهم السريه الخاصه بالتجارة والأسواق وبيصلوا فيه صلاه الفصح ، أتباع لشركه مصريه بس بعدين فلست ، وبعته ملكيه خاصه ، مساحته 700 متر مربع ، عدد الاوض من 200 ل 250 اتعرض للهدم ف زلزال 92 بس رمموه من تاني ، اتصنف ف 2017 من ضمن اقدام عشر معمار ف مصر اللي فضل محتفظ بطرازه رغم اللي كل عدي بيه ، مجله المعمار القديم العدد الرابع صفحه 13..
شيري بصت ل لوكاا: البت دي هتبقي مهندسه عالميه..
لوكاا: فعلا ، بس يلا نخش عشان انا تعبانه..
ودخلوا التلاته وراحوا للبنت اللي ف الريسبشن..
لوكا: لو سمحتي مدام عايده موجوده..
البنت: ايواا..اقولها مين؟!
شيري: من طرف نرمين المحمدي..
لولي: حتي السجاد تصميم إيطالي ، اسلوب دافنشي..
عايده جت من وراها وقالت: فن معاصر ، مقتبس عن اللوحه المشهوره الموناليزا العشاء الاخير ، ليوناردوا دافنشي ، متحف اللوفر..
التلاته بصوا وراهم ، ولولي كانت منبهره..
لولي: حضرتك مهندسه ديكور؟!!
عايده: ايوااا ، حمد لله ع السلامه..
شيري بابتسامه خفيفه: حضرتك طنط عايده مش كده..
عايده: ايوااا انا ، طبعا انتي العبقريه بتاعه الهندسة..
لولي بإعجاب: حضرتك اللي زوقك راقي اوووي مش اي حد بيفهم اسلوب دافنشي ، لازم يكون حد بيرفكت وفاهم اوووي..
عايده ابتسمت: وطبعا انتي لوكاا..
لوكاا: ايوااا ممكن لو سمحتي نشوف اوضنا عشان تعبانين..
عايده: طبعاا اتفضلواا معايا..
وراحو اوضتهم اللي أصروا انها تكون ع البحر واول ما دخلوا الاوضه ناموا فوراا..
وف القاهره وبالتحديد ف بيت نيموو كانت قاعده هي والبرتين بيفطروا ، البرتين كانت زعلانه ومكشره..
نيمو: مالك يحببتي..
البرتين: انا زعلانه ، عشان انتي قولتي لشيري ولوكا ياخدوني معاهم وهما سافروا وسابوني..
نيمو: حببتي هما سافروا بالليل اوووي وانا خوفت عليكي تبردي ، لان الجو كان صعب اوووي بالليل ، ف قولتلهم خلوا البرتين معايا وانا يومين كده وهجيلكوا..
البرتين: بجد يعني إحنا هنسافر ليهم..
نيمو: ايواا بس بعد كام يوم ،اتفقنا؟؟
البرتين: اتفقنا ، هروح اغسل ايدي.. نيموو مسكت التليفون عشان تتصل بحد بس بس هو رن اول ما مسكته وفتحت الخط..
يوسف: نرمين هانم ، عايز حضرتك ف موضوع مهم..
نرمين: أهلا ي يوسف بيه ، خير..
يوسف: مش هينفع ف التليفون ، لازم نتقابل..
نرمين: انا مش هيتنفع انزل انهارده من البيت عشان بنتي معايا ، ممكن حضرتك تيجي..
يوسف: هناء ، ازاي نزلت من غير ما تقولنا ، وامتا نزلت ، وليه مبلغتنيش..
نرمين: لا مش هناء ، دي بنوته عندي ف الدار جبتها تقعد معايا كام عشان عيانه..
يوسف: امممممم خلاص هكون عندك ع الساعه 5..
وقفل السكه ونيموو فضلت سرحانه شويه لحد ما البرتين جت تاني وقعدوا يضحكوا ويهزروا..
ونرجع تاني لاسكندريه..
بعد 3 ساعات كان سامح ولينا وصلوا إسكندريه..
لينا: إسكندريه دي حلوه اوووي ي عمو..
سامح: هي فعلا حلوه ، يلا عشان نروح نحجز..
وعند مصطفي اول ما صحي نزل كلم ياسر..
ياسر: انا صحيت اهوو ، انت فين..
مصطفي: انا نازل الكافية بتاع الفندق اللي ع البحر..
ياسر: تمام انا هكلم الباقيين اشوفهم فين..
نزل مصطفي لقي كيان قاعده ف نفس الكافيه وكانت سرحانه..
مصطفي راح قعد معاها: صحيتي امتااا؟؟
كيان: انا منمتش أصلا..
مصطفي: لي كده؟!!
كيان بلامبالاه: معرفتش أنام..
مصطفي: كيان مينفعش كده لازم تنامي ، انا فاكر كويس اخر مره عملتي كده اي اللي حصلك ، عشان خاطري متعذبيش نفسك كده..عايده كانت واقفه ف الكافيه ف لمحتهم وراحتلهم..
عايده: صباحوو ، هتفطروا؟؟
مصطفي: صباح الخير ، انا مش قادر دلوقتي..
كيان: حبيبتسلم ، انا كمان مش قادره ي دودي..
عايده رفعت حاجب: ي بت بطلي طوله لسانك ده احسن ما اقصهولك..
كيان: لا انتي فكراني لسه صغيره وهخاف ، إحنا جامدين اوووي..
عايده: طيب اي رأيك نعمل تجربه هنا قدام الناس واهو مصطفي قاعد برضه ويشهد..
كيان: هاااا..
مصطفي: لا خلاص خليها عليااا انا ، معلش بقاا..
عايده بضحك: عشان خاطرك انت بس..
كيان اتنهدت براحه والاتنين قعدوا يضحكوا عليها ، وعايده مشيت تجبلهم عصير..
مصطفي: قوليلي خالو كلمك لما وصلتي..
كيان لسه هترد لقيت ياسر و صحاب مصطفي جايين ومعاهم شنطتهم..
مصطفي اول ما شافهم: انتوا ماشيين ولا اي
عبدالرحمن: ايوااا انت عارف عشان الشغل..
دعاء: معلش ي مصطفي ، غصب عننا والله..
ياسر: بس انا قاعد معاك..
مصطفي: ولا يهمكوا ، انا متشكر اوووووي ان انتوا جيتوا ، هونتوا عليا كتير ، وفكرتوني بأيام كنت بقول مستحيل ترجع..
عمر: مصطفي متقولش كده ، احنا مهما بعدنا او انشغلنا هنفضل شله الانس ، الشله اللي كانت الجامعة كلها بتحكي عنهم وعن حبهم لبعض والكل نفسه يبقي فيها..
ياسر: فعلا ، إحنا كده وهنفضل كده..
هند: يلا ي مصطفي ، نسيبك ع خير( وبصت لكيان) تشرفنا بمعرفتك..
كيان: وانا كمان..
مصطفي: خلوا بالكوا ع نفسكوا..
ومشيوا وفضل ياسر ومصطفي وكيان قاعدين وبيتكلموا مع بعض وطلبوا فطار..
وعند لوكاا ، لولي صحيت قبلهم وزهقت ، وقعدت تصحي فيهم كتيرر..
لوكا: يووووووه ، ي زفته سبينا ننام ساعتين..
شيري: ي بنتي ارحمي امنا بقاااا ، امشي ي بت من هناا..
لولي: قوموا بقاااا ، انتي جايين تناموا هنااا ، انا عايزه اخرج ، قومي ي لوكاا بقاا..
لوكا قامت وقعدت ع طرف السرير: طيب اهووو ، قولي عايزه تغوري فين..
لولي: نروح ناكل ايس كريم من عند عزه ، كوبري ستانلي ، القلعه ، مكتبه اسكندرية ، بيت ريا وسكينه ، وعايزه اروح قصر التين ، والمتحف…
شيري كانت قاعده بس نامت ولولي بتتكلم ونفس الحال مع ملك…
لولي بصوت عالي: اصحححححححححححححي ي شلبيييييييييييي..
لوكا و شيري اتفزعوا وقعدوا يجروا وراها ويضربوها ، وف الاخر استسلموا لرغبتها وقاموا نزلوا كلهم وطول الخروجه ولولي مقضياها صور ف كل شبر تروحه..
شيري: اووووف ، ليلي كفايه صور انا زهقت وكمان دوخت تعالي نرجع وشويه ونكمل..
لولي: ماشي ، ما انتوا بط..
وراحوا الفندق..
وهماا راجعيين تليفون شيري ولولي طلعوا يغيروا هدومهم ، وفجأه تليفون شيري رن…
شيري: ايواا ، استاذ سامح ، ازيك..
سامح: الحمد لله ، انا هنا ف إسكندريه ع فكرا..
شيري كانت عاديه ومتفاجئتش كأنها كانت متوقعه ده..
شيري: طيب كويس..
سامح: لينا عايزه تشوفك وكده ، تسمحي اجبهالك شويه تقعد معاكي..
شيري: طبعااا ، انا بحب لينا جداا ، هبعتلك العنوان ف مسدج واما تيجي كلمني انزل اخدها..
سامح: اوك…
ملك كانت داخله الكافية بتاع الفندق ، واتفاجئن اما لقيت ياسر قاعد ف ترابيزه ومعاه مصطفي وكيان ، بسعملت نفسها مش واخده بالها.. وع الجانب التاني ياسر كان قاعد ولمح لوكاا وهي داخله الكافيه واتفاجى جدااا وقال بصوت مسموع: ملك..
كيان: ملك مين.. مصطفي بص وراه وفضل متنح و ياسر نادي ع ملك قام وراحلها وقالها..
ياسر: انتي بتعملي اي هنا؟!!!!
لوكاا بتبرير: مفيش ليلي أختي كانت عايزه تسافر تغير جو ، ف قلنا نيجي هناا وهما معايا بس طلعوا يغيروا هدومهم ونازلين..وانت بتعمل اي هناا؟!!
ياسر: ابداا مصطفي خالته كانت عزماه ع العشاء وكده ف جيت معاه ، وهي صاحبه الفندق ده ع فكرا..
لوكا: طنط عايده؟!
ياسر: انتي تعرفيها؟!
لوكا: ايواا كانت صاحبه نيموو ف الجامعة وكده ، واصلا نيمو منزلانا هنا مخصوص عشان تراقبنا براحتها عن طريقها..
ياسر: جدتك صعبه اووووي..
لوكا: عندها حق برضه ي ياسر ، مسئولية 3 بنات مش سهله ، ده ف ناس بيبقي عندهم طفل واحد ولايصين بيه ، ما بالك ب 3 بنات..
ياسر: عندك حق..
لوكا ضحكت: طب والله صدفه جامده..
ووقفوا شويه يتكلموا وعايده شافتهم وجت عليهم: انتوا تعرفواا بعض؟!!
ياسر: ايوا ، لوكاا صديقتي من زمان ، وكمان كانت بتشتغل ف الشركة بتاعتنا..
عايده: اهاا يعني مع مصطفي برضه..
لوكا بتهجم: ايوا ، بس ع فكره ي طنط ده شخص قليل الذوق ومش بيفهم ازاي يتعامل مع بني ادمين ومعندوش دم..
وف نفس الوقت كان مصطفي وكيان واقفين ورا ملك وسامعينها وكيان كانت كاتمه ضحكتها يالعافيه..
مصطفي بعنف: مش انتي اللي حساسه زياده عن اللزم يعني واوفر شويه..
ملك لفت وراها واتخضت..
ياسر بعد تفكير: بصوا ي جماعه اهدوا شويه ، اي رايكوا ننسي اللي فات ونفتح صفحه جديده ، وتتصالحوا..
كيان كانت فاهمه مصطفي عمل اي لانها متربيه معاه وفهماه فقالت: ياسر عنده حق ، خلاص يجماعه اعتبروا اللي حصل اتنسي ، واللي فات مات ، يلا ي مصطفي بقاا..
عايده كانت فهمت تقريبا اللي حصل لانها عارفه مصطفي كويس و الموضوع ده عمله مشاكل قبل كده وقالت: خلاص ي ملك ، يلا اتصالحوا وانت ي مصطفي بطل طريقتك دي شويه او ع الاقل هديها ، وانتي ي ملك اتعودي انك تقولي اللي مضايقك ومتخديش كل حاجه بجد كده..
ياسر: فعلا ، يلا يجماعه بقااا اتصالحوا خلينا نقعد مع بعض ونخرج نتفسح..
مصطفي مد ايده ل لوكا وقال: انا آسف ، مكنش قصدي اضايقك واوعدك مش هتكرر تاني ، حقك عليا..
لوكا بصت لياسر اللي شجعها ومدت ايديها لمصطفي هي كمان: مش زعلانه ، وانا كمان اسفه اني قولت عليك الكلام ده..
كيان: كده تمام ، نتعرف انا وانتي بقاا ي انسه ملك ، انا كيان بنت خال مصطفي..
لوكا: أهلا وسهلا ، انا ملك صديقه ياسر و قوليلي لوكاا..
كيان: اتفقنا..
لوكاا: عن اذنكوا هطلع اشوف أخواتي..
كيان: ماشي بس هنستناكي تنزلي تقعدي معانا ، بليز هااا..
لوكا: وعد والله هنزل ، عن اذنكواا..
وطلعت لوكاا لاخواتها وحكتلهم اللي حصل….
لولي: واي الذوق والتربيه اللي نزلوا عليه مره واحده دول..
شيري بضحك: قولتلكوا اللي فيها قبل كده..
لوكاا: لا ي قطه مش كده ، انا حقيقي مش فاهمه وجهه نظرك الغريبه دي ف الرجاله.. وقعدت تضحك..
موبايل شيري ادي إشعار ان وصلت مسدج ، مسكت شيري الفون وكانت من سامح بيقول” انا وصلت قدام الفندق ، انزلي”
شيري بصت لاخواتها اللي بيبصولها بنظرات استفهام عن مين صاحب المسدج: ده سامح مديري هو كمان ف اسكندريه ومعاه لينا وبيقول عايزه تشوفني..
لوكاا: وهو اي اللي جابوا هناا..
شيري: انا عارفه بقا المهم يلاا..
لوكا ولولي: يلاااا..
ونزلت شيري عشان تأخد لينا واول ما لينا شافتها جريت عليها وحضنتها..
لينا: شيري وحشتيني اوووي..
سامح: لينا عيب تقوليلها شيري كده قوليلها ي طنط..
شيري: لا ابدااا عادي ، لينا تقول اللي عيزاه..
سامح وهو رافع حاجبه: بقي كده ، ماشي ، لينا خشي يلا ف الريسبشن عقبال ما الانسه شيرين تجيلك ومتجريش..
لينا: حاضر ، ودخلت..
سامح: معلش لو هعطلك بس مقدرتش اقولها لا خصوصا أنها حبتك جدااا انتي وعيلتك..
شيري ضحكت ضحكه خلت قلب مصطفي يدق اووووي وقالت: استاذ سامح ، سيبك من الجو ده عشان مش داخل عليا ، انا عارفه كويس اوووي من ساعه ما سالتني ف التليفون عن المكان اللي هسافره انك هتيجي وعارفه برضه ان مش لينا هي اللي طلبت تيجي هناا ، وان دي رغبتك انت ف المقام الأول ، ف بلاش السكه اللي كلها تحويرات دي ، وتعالي ع طول وقول انت عايز مني اي..
سامح اندهش من ذكائها وجرائتها ف نفس الوقت بس كان معجب بده جدااا وقال بصوت رجولي بس في حنيه: عايز اتجوزك..
