رواية كسر الروح الفصل السادس والعشرين 26 بقلم آلاء محمد
مصطفي بصرامه: انت فين!!
ياسر باستغراب من لهجته: إحنا ف ماك اللي ع البحر بنتعشي..
مصطفى: انتوا مين…
ياسر: لوكاا وأخواتها والبنوتين الصغيرين وسامح ده..
مصطفي: طيب انا جيلك دلوقتي..
قفل وشويه وراحلهم اول ما دخل بص عليهم لقاهم قاعدين ، كان ملك وياسر وليلي قاعدين بيهزروا وهما اول ما دخل بص عليهم لقاهم قاعدين ، وشيري وسامح ولينا والبرتين بيتفرجوا عليهم وبيضحكوا ، ف راح قعد معاهم..
مصطفي: اشمعنا جيتوا هنا يعني..
ياسر: شيري اللي جابتنا هناا..
سامح بضيق: اسمها شيرين ع فكره..
“شيرين بصتله باستغراب”
ليلي: اي ده ف اي؟!!
ملك: اوبااااااااا ، الغيره اشتغلت..
مصطفي: لا مش فاهم فهموني..
ليلي: اصل سامح وشيرين مرتبطين وهيتخطبوا..
مصطفي: طيب ي عم الف مبروك..
سامح وشيرين: شكراا..
ياسر: خلاص يسطاا مكنتش كلمه دي ، مكنتش اعرف انك بتغير كده..
مصطفي: انا هروح اجيب اكل ليااا ، حد عايز تاني..
البرتين: بلييز ي عموو هاتلي معاك واحد بس من غير خيار..
مصطفي بابتسامه: عايزه انهي ي قمر..
البريتن: اللي هو ف كاتشب كتير وخس وتشيكن..
الكل ضحك اووي..
ملك: حببتي هو كل الأكل هنا كده ، بس انا عارفه طلبك هقوم اجبهولك انا..
وقامت وراحت مع مصطفي وطلبوا الاكل ، ووقفوا عقبال ما دورهم يجي..
مصطفي: ملك هو انتي لسه زعلانه مني..
ملك: لا ابداا ، عادي ، انا بس عايزه اعرف لي؟!!
مصطفي بتصنع الجهل: لي ايه؟!
ملك: انت فهمني كويس اووي ، انت عارف اما حكيت لاخواتي افتكروك عايز تصاحبني..
مصطفي فرك رأسه: هو بصراحه تفكيرهم ف شئ من الصح ، بس انا مش بتاع صحوبيه ولا لعب ، كان سبب تاني ، يعني..قاطعه صوت لوحه الكمبيوتر وهي بتنادي ع رقم طلبهم..خدوا الطلب وجعوا الترابيزه تاني ، وقعدوا يتكلموا ويهزروا لحد ما مصطفي قال: ع فكره يجماعه انا كتب كتابي بكراا..
ياسر: نعم ، ازاي يعني ومين دي؟!!
مصطفي: رضوي ي ياسر..
ياسر: رضوي ازاي ، انت بتقول اي..
ملك: هو ف اي..
مصطفي: مفيش حاجه يجماعه ، بس الموضوع جه فجأه وكده وإحنا مستعجلين عشان بقالنا كتير مخطوبين ، ف قررنا من شويه ، المهم لازم تحضروا اكيد..
شيرين بمغزي: اكيد ، بس كانت فين الانسه مش تجبها تعرفها علينا..
مصطفي: كانت مسافره ، المهم بكرا متنسوش وهبتعلك العنوان ف مسدج ي ملك..
ملك: تمام..
فضلوا يتكلموا شويه بس ببرود ومنهم اللي مستغرب واللي مش فاهم حاجه لحد ما خلصوا اكل ومشيوا وراحوا كلهم الفندق ما عدا مصطفي وياسر قالولهم رايحين مشوار ، واول ما دخلوا كان عمر( والد ملك) قاعد ف الريسبشن ومستنيهم ، ملك اول ما شافته وعنيها جت ف عينه ضحكتها اختفت وطلعت بسرعه وخدت لينا والبرتين وليلي معاها وياسر طلع اوضته ، اما شيري فضلت بارده وملهاش رد فعل..
عمر: اتاخرتوا لي؟؟!
شيرين ردت بجمود: الوقت سرقنا..
عمر بص لسامح: انت سامح؟!
سامح: ايوا ي فندم..
عمر: طيب عايز اتكلم معاك..
سامح: اتفضل..
عمر: اطلعي انتي ي شيري مع اختك وانا شويه وجااي..
شيري سابتهم وطلعت من غير ولا كلمه..
وعمر راح وقعد مع سامح ع ترابيزته: مامت شيري وجدتها قابلوك وقالولي انك إنسان كويس ، بص يا ابن الناس انا راجل عملي ، حياتي كلهم بيزنس ومليش ف جو المشاعر والحب ده ولا معترف بيهم ، انا شايف ان لو ف قبول واتنين مناسبين لبعض يبقي تمام والحب بيجي بعدين ولو مجاش مش هتفرق كتير بس هو سؤال واحد بس عايز إجابته..
سامح بتوتر: اتفضل..
عمر: انت بتربي بنت أخوك لي مع ان أمها موجوده وبيزنس وومن معروفه جدااا وشاطره ومتجوزه جراح ممتاز ، يعني حياتها ممتازه وانت كنت متهور وصايع ومش بتاع مسئولية..
سامح بصدق: مقدرتش اسيبها ، ابوها الله يرحمه بغض النظر عن انه كان توأمي بس هو كان مكنش مجرد اخ بالنسبة ليا ، كان صاحب واب وام واخ وعائله كامله وكان حنين اوووي معايا وتعب كتير عشاني ، مقدرتش اسيب بنتوا لراجل غريب يربيها وايواا ف الوقت ده كنت طايش وبتاع مشاكل بس لينا اما جت حسيت بإحساس غريب كأنها بنتي ومسئوله مني حتي اني اقنعت أخويا عشان أتحمل مصاريفها لحد ما تكمل سنتين وهو كان نفسوا اتغير واما لاقاني بتكلم بجد ومصمم وابتديت اعقل وافق ، وأما مات بعدها ب 4 شهور أمها اتجوزت ، رفعت قضايا واخدتها ، مكنش ينفع اسيبها..
عمر بتفكير: اممممممممممم تمام ، انا موافق..
سامح بعدم تصديق: بجد..
عمر: ايوااا ، تعالي نطلع عشان نقرأ الفاتحة وأما جدتها ترجع من السفر هنكتب الكتاب وتقدم الشبكة ف نفس اليوم وبالقيمه اللي انت تحددها ، اما الشقه ف تعمل حسابك تجهزها زي ما انت عايز انا مش هفرض عليك حاجه معينه ، بس اللي هفرضه مؤخر الصداق 3 مليون وأظن ده حقي..
سامح من غير تفكير: موافق..
طلعوا فوق وقعدوا يتكلموا وقرأوا الفتحه كلهم وسامح اخد لينا وروح..
وفات كام ساعه لحد م الساعه جات 3 الصبح ونرمين بتستعد عشان تتحرك وقفت قدام أحفادها اللي متاثرين انها هتسيبهم وتسافر..
شيرين: نيموو خلي بالك ع نفسك ولو اني مش مرتاحه للسفريه دي..
نرمين بصتلها ووضحكت: متقلقيش ي شيرين(وقرصتها ف خدها) انتي هتبقي ام صعبه جدااا..
ملك: تيتا بليز متتاخريش مش عايزين نقعد كتير من غيرك وكمان مش عايزين هناء تقعد معانا..
نرمين بحزم: ملك متنسيش انها امك ياريت تفتكري ده وتخلي بالك من تعاملاتك معاها..
ليلي: نيموو انا مش عايزه تقعد هنا ، إحنا ممكن نرجع البيت وانتي تعالي براحتك..
شيرين: لي ي ليلي ما هنا كويس..
ليلي: انا مش مستريحه هنا وكمان عندي كويز اخر الشهر ولسه مفتحتش كتاب…
نرمين: هو ع العموم انا كنت وخدالك اذن من المدرسه بس خلاص يبنات ارجعوا انتوا بكرا ان شاء الله وخلوا بالكوا ع نفسكوا(وبصت لابرتين اللي نايمه بعمق) والبرتين كمان أمانه معاكوا وانا مربيه بناتي ع انهم يصونوا الأمانه..
هناء جت من وراها: متقلقيش يماما انا هخلي بالي منها..
شيرين: سافري واطمني ي تيتا كله هيكون تمام وان شاء الله بكرا هنرجع القاهرة انا واخواتي والبرتين معانا..
نرمين: وهناء هتكون معاكوا..
ملك: لا طبعا..(هناء بصتلها بحزن)
نرمين: عشان خاطري ي ملك لو سمحتي ، انا كده هكون مرتاحه ، ينفع تريحيني..
ملك سكتت ، ف شيرين ردت: ماشي ي نيموو اللي تشوفيه..
نرمين: شيرين حاولي ع قد ما تقدري متخرجيش مع خطيبك كتير ، وممنوع يجي البيت وانا مش فيه ، اخركوا اووي تليفونات وخروجه كل أسبوعين وبنت اخوه تكون معاكوا..
شيرين: حاضر..وسلمت عليهم ومشيت وهما ف قلبهم حزن كبير ع عدم وجودها..وبعد شويه طلعوا ناموا..
واليوم خلص ع كده ع أبطالنا بكل اللي فيه من حزن وفرح والم واستغراب.. جه يوم جديد باحداث جديده بدأ عند ياسر ف اوضته ، صحي من النوم عنده صداع وجسمه وجعه ودافي شويه(امسك كورونااااااااااا
) ف اتصل بالروم سيرفز وطلب مسكن ودخل ياخد شاور وشويه وخرج ولبس هدومه لقي الباب بيخبط ف راح فتح لقي حد كان متوقع اووي انه يجيله..
اما عند أدهم فكان راحت عليه نومه وهو ف العربية اللي كان ركانها ع الكورنيش وقاعد فيها ، صحي لقي نفسه لسه ف العربية فقرر يروح الاوتيل ويغير هدومه ، واول ما خلص راح لاوضه ياسر وخبط عليها..
ياسر فتح الاوضه ومكنش متفاجي: اتفضل..
أدهم دخل الاوضه وقعد ع أقرب كرسي وحط رجل ع رجل وقال: انت عايز اي من ملك؟!
ياسر بتحدي: اتجوزها..
أدهم بغيط مكتوم: بس ملك مراتي شرعا وقانونا ومش هطلقها..
ياسر قعد هو كمان وبصله بقوه: مش بمزاجك ، ملك لو رفعت عليك قضيه طلاق صغيرة هتكسبها لأنك كنت سايبها بقالك 3 سنين ومسافر وده حقها ، ف بلاش السكه دي..
أدهم: شكلك زكي ومحترم ، بس قولي تفتكر ملك ممكن تنسي حد بتحبه كده بسهوله اصل 3 ستين من مده كبيره اووي يعني ، ف مش خايف مع الوقت تحن تاني و ترجعلي..
ياسر: اممممممممممم ، ملك شخصيه عاطفيه اوووي يعني لو كانت هتحن كانت حنت من ساعه ما انت رجعت او كانت قاومت يومين كمان وخلاص او كانت عيطت قدامك مثلا لكن كونها فضلت متماسكه كده معاك يبقي فعلا انت مبقتش فارق معاها ، اصل البنات دول مش بيعيطوا غير عشان حب كبير او الم كبير والبنت مش بتبين ضعفها غير قدام حبيبها ، ف انت كده مبقتش حب خلاص ، وع فكره حوار الشهر ده قديم اووي ومش هياكل مع ملك ، انت شكل حبك ليها عماك وخلاك مش قادر تعرفها كويس او تفكر صح وكل همك تاخد منها اللي انت عاوزه وخلاص..
أدهم بانفعال: لا طبعااا انا بحب ملك وعايز أعيش معاها عمري كله ولو كنت عايز أخدها وخلاص كنت خدتها بالغصب ما اهو انا برضه اعرف أزاي اخليها تكون معايا بالغصب وف نفس الوقت بمزاجها عشان خايفه من ربنا لاني جوزها شرعا ، ملك ممكن تعمل اي حاجه لمجرد انها ترضي ربنا حتي لو هي مش عايزه بس انا عايزها تكون معايا بمزاجها وتكون بتحبني ومشتاقه ليا مش مجرد واجب وخلاص
ياسر: ممكن كلامك صح ، إنما ف جانب مش عايزين نتجاهله وهو انا ، انا بحب ملك وهتجوزها وهتشوف..
أدهم ضحك باستفزاز: هنشوف ، بس اوعي تنسي ان ملك مراتي..
خرج أدهم من عند ياسر وهو متنرفز وخايف ف نفس الوقت ملك تروح منه ف راح لاوضته واتوضي وصلي وقعد يعيط و يدعي كتيررر لربنا ان ملك ترجعله..
عند ملك ف اوضتها هي واخواتها شيرين صحيت ودخلت الحمام تاخد شاور واول ما خرجت لقيت تليفونها بيرن وكان سامح..
سامح بحنيه: صباح آلقمر..
شيرين ضحكت: صباح وقمر ف نفس الوقت ازاي يعني..
سامح: يا ساتر دا انتي قفيله..
شيرين بضحك: كنت متصل لي؟!
سامح: عادي قولت اعزمك ع الفطار ، ف مطعم حلو اووي ع البحر..
شيرين: مش عارفه بس أخواتي لسه نايمين وخايفه اما يصحوا وميلقونيش يقلقوا..
سامح: عادي ي شيرين هما مش أطفال يعني ، وبعدين ف حاجه اسمها فون اما يعوزوكي هيتكلموا..
شيرين بتفكير: طيب بس مش هنتاخر..
سامح: تمام ، نص ساعه وهعدي عليكي..
قفلت معاه وفتحت دولابها وفضلت محتاره تلبس اي ، لحد ما وقع اختيارها ع بنطلون جينز جراي وبلوزه اوف وايت كت وكوتشي اوف واتيت ورفعت شعرها وحطت توكه كشمير وميكب خفيف اووي وفجأه الباب المشترك مع اوضه مامتها اتفتح و…
هناء باستغراب انتي رايحه فين..
شيرين بعدم اهتمام: نازله..
هناء: ما انا عارفه انك نازله بس رايحه فين؟؟
شيرين: ميخصكيش..
هناء: شيرين لمي نفسك وبلاش تستفزيني..
شيرين: هه هتعملي اي..
هناء: همنعك..
شيرين: متقدريش…
وجت تمشي ف هناء مسكتها من دراعها وقالتلها: انا قلت لا ي شيرين..
شيرين شدت دراعها منها: وأنا قولتلك متقدريش ، انتي ملكيش صفه عندي عشان تنمعيني ، انتي مش ام ولا ينفع تكوني اي حاجه اصلا..
هناء بصتلها بغضب وفجأه رفعت أيديها ضربتها بالقلم…
