رواية كسر الروح الفصل الرابع والعشرين 24 بقلم آلاء محمد
ف شقه كبيره ع احدث طراز كان مصطفي ورضوي واقفين بيتخانقوا…وفجأه طلع صوت طفل من ورا مصطفي: مامي.. ف اتفاجي وبص وراه وفضل متنح ، اما رضوي اتوترت فجأه و اتحركت وقفت قدام الطفل..
رضوي: اياد انت اي اللي صحاك ، مش قولتلك متخرجش من اوضتك ، يلا خش بسرعه.. ودخلته وقفلت الباب..
رضوي: مصطفي لو سمحت وجودك هنا مش صح ، لازم تمشي..
مصطفي بصدمه: مين ده؟!!!! (رضوي سكتت مش عارفه تقوله اي) ده ابنك!!!
رضوي: ايواااا..
مصطفي بشك: انتي اتجوزتي امتاا؟!..
رضوي: انا متجوزتش..
مصطفي بتهجم: ازاي يعني ، جيباه ف الحراام..
رضوي بنرفزه: انت اتجننت ، ازاي تفكر فيا كده..
مصطفي: آمال ازاي ابنك وازاي متجوزتيش..
رضوي: ملكش فيه ، دي حاجه خاصه بياا ، لو سمحت امشي ومتجيش هنا تاني وانساني ي مصطفي..
مصطفي: ميخصنيش ازاي ، الولد ده ابن مين ، وكمان انتي اللي زعلانه بعد اللي عملتيه فياا ، انتي ازاي تمشي كده لمجرد ان حد هددك ، ازاي حبنا مكنش قوي زي ما كنتي بتقوليلي ، معقوله كنت صغير اووي كده ف نظرك لدرجه انك افتكرتي اني مش هقدر احميكي..
رضوي: انا معملتش حاجه انا كنت مضطره وكان لازم امشي وكمان مش شايفه حياتك وقفت عندي يعني..
مصطفي قرب منها باندفاع وزقها ناحيه الحيطه و حاوطها من كل ناحيه ، ف دماغها اتخبطت جامد وأتألمت ، و مبقاش فيه مسافه فاصله بينهم..
رضوي بألم بسبب الخبطه: انت بتعمل اي ، ابعد كده..
مصطفي: مش هبعد غير اما اعرف لي عملتي كده ، لي ي رضوي ، كان ممكن تقوليلي وانا كنت هحميكي من اي حد ، انا فضلت طول السنين دي عايش معاكي تقريباا ، كنت برجع البيت اتخيلك قدامي واحكيلك كل حاجه ، كنت برش البرفان بتاعك ع سريري عشان اشم ريحتك واحس انك جنبي ، حتي البنت اللي ممكن اكون اعجبت بيها كان لأنها شبهك ف صفاتك وملامحك ، شوفتك فيها ، بس مقدرتش ابص لواحده غيرك ، اترمي تحت رجلي بنات أشكال وألوان لكن مقدرتش ، معرفتش اشوف بنت حلوه غيرك او امسك ايد واحده او احضنها او المسها غيرك ، وانتي بعد كل ده بتقولي حياتك موقفتش عليااا لا وكماان رجعالي بعيل الله أعلم جيباه منين ولا هو مين..
رضوي زقته بعيد عنها: زي ما انت تعبت واتالمت انا كمان تعبت ومش هتكلم اكتر من كده ، اما بالنسبة لاياد ف هو ابني ومش هتفرق عندي تصدق ولا لا..
مصطفي قرب منها تاني بس المرادي باسها بجنون لحد ما نفسها كان بيروح ، ورضوي بتحاول تبعد عنه وبتزقه بس حجم جسمها لا يذكر جنب حجم جسمه ، فات وقت مجهول محدش حسبه ، لحد ما مصطفي ادرك ان رضوي مقاومتها قلت و قربت تتخنق ف زقها بعيد عنه وقعد ياخد نفسه ورضوي كماان فضلت تتنفس بسرعة كأن مصطفي بقي مصدر عذاب فيها..لحظات صمت ورضوي استجمعت قوتها: اي اللي انت عملته ده ، انت مش هبطل الوقاحة دي..
مصطفي بصلها وعنيه بيطلع منها شرار: انتي اللي استفزتيني ، اوعي تفكري تتحديني مره تانيه ي رضوي ، مضمنش رد فعلي هيكون عامل ازاي ، انا حذرتك واعملي حسابك بكراا هنتجوز..
رضوي الصدمه لجمت لسانها بس حاولت تستجمع قوتها وقالت: لا طبعااا ، انا مش عايزه اتجوز ولو فكرت مش هيكون انت ابدااا ي مصطفي..
مصطفي ببرود: ما هو مش بمزاجك ي رضوي ، انتي لياا انا بس ، وهنتجوز بكراا ، وهدخلك سجني اللي عمرك مجربتيه واوعدك هعذبك دي ما عذبتيني ، مش هتشوفي يوم حلو تاني ف حياتك ي رضوي ، اجهزي ي عروسه ، عشان بكراا دخلتنا…وسابها مشي قبل ما ترد عليه..
ع البحر بالتحديد كوبري استانلي ، ملك وأخواتها وياسر وسامح قاعدين بيتكلموا والبرتين ولينا واقفين بيلعبوا بعيد عنهم شويه..
ليلي: آمال فين صاحبك قليل الذوق..
ياسر بضحك: لي؟!!لسه مخلصتيش إنتقام ي ليلي..
شيرين بتريقه: خلاص ي لولي بقااا ، هو خد درس محصلش الصراحه..
سامح بصلها: مش ساهله انتي ي شيرين..
شيرين بصتله بمغزي: ودي حاجه كويسه ولا لا..
سامح باعجاب: I like it..(احب هذا)
شيرين: ع فكره جدتي عايزه تقابلك..
ملك بدهشه: هو انت اللي.. شيرين قاطعتها: ايواا هو..
ملك: طيب امتا وفين وازاي..
ياسر: انا مش فاهم ، هو انتي وسامح بتحبوا بعض يعني..
شيرين ضحكت: مفيش حاجه اسمها حب ي ياسر ، ف حاجه اسمها اتنين مناسبين لبعض وف قبول ف تمام..
ياسر باستغراب: لا اسمحيلي اختلف معاكي ، الحب مهم ف اي علاقه ، صحيح مش هو كل حاجه بس وجوده بيفرق اوووي ولا اي رأيك ي ملك..
ملك: اممممم مليش رأي ف الموضوع لأنه ميهمنيش..
سامح: طيب جدتك عايزه تقابلني امتاا؟؟
شيرين: دلوقتي..
سامح: خلاص إحنا ممكن نسيب لينا و صحبتها مع ملك وياسر ونروح..
شيرين: ماشي ، خلوا بالكوا منهم ي ملك..
ملك: أوك ومتتاخريش..
ومشيوا شيري وسامح ، وفضل ياسر باصص لملك كتير وعينه كلها اسئله..ف ملك فهمت ده وقالت بتنهيده عميقه: اول سنه لياا ف الكليه كنت لوحدي طول الوقت ومكنش حد معايا ، ف يوم قاعده ف المكتبه بذاكر لحد ما لقيت ادهم جه قعد جنبي وقالي بضحك ” دا انتي طلعتي دحيحه اوووي”بصتله وابتسمت و قولتله شكراا ، كان معيد معايا ف الكليه ، واتعرفنا ع بعض ، فضلنا 6 شهور صحاب وبعدها قالي انو بيحبني اتلغبطت وكنت متفاجاه ومنبهره ف نفس الوقت ، بعدت وهربت بس هو فضل مصمم وعمل كل حاجه عشان أحبه ، كان بيتشقلب كده عشان بس أقوله صباح الخير ، ومع الوقت حبيته ومبقتش قادره ابعد عنه ، بعدها عرض عليا الجواز ، فضلنا لحد ما خلصت سنه رابعه وكتبتنا الكتاب وكان فاضل اقل من شهر ع الفرح ، كنت مبسوطه وطايره وحاسه اني لقيت الأمان تاني بعد بابا وماما ، لحد ما ف يوم ادهم كلمني وقالي انو عايز يشوفني ويتكلم معايا ضروري وانو معندوش وقت نتقابل ف مكان ، ف كان الحل اروحله بيته ، اترددت وخوفت لكن ف نفس الوقت قولت هو جوزي قدام ربنا وروحتله ، ويارتني ما روحت..
ياسر: لي؟!!
ملك لسه هتتكلم لقيت أدهم فوشها وعينه كلها شر ف راح مسك أيدها وشدها وراه..
ملك شدت ايديها من ايده: انت اتجننت ، أدهم ابعد عني واحمد ربنا اني مرضتش أبلغ بعد اللي كنت عايز تعمله..
ياسر هجم ع أدهم وسددله لكمات كتير ، ادهم فضل يقاومه لحد ما ضربه هو كمان..وملك قعدت تصرخ لحد ما وقفت ف النص..
ملك: كفايه بس خلاص ، انتوا اي اللي بتعملوه ده..
أدهم: وانتي اي اللي قعدك معاه أصلا ، مش عيب واحده متجوزه تقعد مع راجل غريب..
ملك: أدهم مسمحلكش ، وبعدين إحنا أطلقنا من زمان ، ابعد عني وكفاية كده..
ياسر بص لملك: ملك سبيه وتعالي نمشي يلاااا وانا ليا تصرف تاني معاه..
أدهم : طيب ما تخليك راجل كده ووريني كده تقدر تعمل اي.. ياسر حاول يمسكه فيه تاني بس ملك بعدته..
ملك: خلاااص ي ياسر ، سيبك منه ، لو سمحت خد لينا والبرتين واسبقني ع الفندق وانا هاجي وراكواا..
ياسر: لا مش هسيبك معاه لوحدك..
أدهم بيحاول يسيطر ع أعصابه: برضه بيقول لوحدك ، يا بني آدم دي مراتي يعني مستحيل اضرها ومستحيل هتخاف عليها قدي..
ياسر: هه ما هو باين بصراحة..
ملك: خلاااص ، معلش ي ياسر عشان خاطري ، اسبقني انت..
ياسر: ماشي ، بس لو عملك حاجه كلميني.. مشي ياسر ومعاه البنات ، وفضلت ملك وادهم لوحدهم..
ملك: بص ي أدهم انا وانت مش هينفع نكون مع بعض تاني ولا هينفع نكون زوج وزوجه ، ف خلينا نطلق بهدوء ومن غير مشاكل ، احتراما للحب اللي كان بينا.. مصطفي قرب منها ف ملك بعدت ، بصلها باسف وقال: ي ملك اديني فرصه تانيه ، انا وحياه ربنا بحبك اوووووووي ، وعندي استعداد اعمل اي حاجه عشان خاطرك ، بس خلينا نجرب تاني وادي نفسك فرصه تانيه ، والله والله من شويه مكنتش هعمل حاجه انا بس كنت بهددك وانتي كمان استفزتيني ، مش انا اللي اخد حاجه من واحده غصب عنها ي ملك ، خصوصا لو بحبها وبموووت فيها ووصلت لمرحلة اني بتنفس عشان هي موجوده ع وش الدنيا..
ملك: إنساني ي أدهم ، انا مش هقدر اعيش معاك بعد كل اللي حصل ، وانت كمان مش هتقدر ترجعني تاني ، خلاص ي ادهم ، أنتهي…..
أدهم بقوه: طيب تعالي نتراهن..
ملك زفرت بخنقه: خلاص ي أدهم لو سمحت ، إحنا إنتهينا..
أدهم: لا ، لا ي ملك ، إديني شهر ، شهر واحد بس ، لو ما قدرت ارجعك يبقي هطلقك واعملك كل اللي انتي عيزاه..
ملك: مش هيحصل ي أدهم..
أدهم: ولو قدرت ارجعك..
ملك: اي..
ادهم: خليها ف وقتها ، يلا عشان ارجعك الاوتيل ، وياسر ده خفي القاعدة معاه..
ملك لسه هترد راح مسك أيدها وركبها العربية وركب هو كمان ومشي بيها…
