رواية كسر الروح كامله وحصريه بقلم آلاء محمد
بيت كبير ساكنه فيه بنوته جميله ، مع ناس بتحبهم ، حياتها بسيطه ، الشمس طلعت ، يوم جديد ، وامل جديد ، وتصحي البنت من النوم علي صوت اختها واسمها شيري……
شيري:لوكاا ..لوكااااااا…. اصحي يا زفته ، يا بت قومي ، كده مش هتصحي ، طب انا عارفه هصحيكي ازاي…
وجابت شيري طبق ميه متلجه ودلقته ع لوكااا..
لوكا: هاهاهاهاها ، في ايه…
شيري: في انك اتاخرتي ، بالذمه ده منظر واحده تشتغل مديره ع حد ، انتي اخرك تشتغلي نفسك ههههه…. قامت لوكاا من ع السرير وهي بتجري ورا شيري..
لوكا: كده طب والله لوريكي ، تعالي هنا يا بت ، والله لتضربي بالشبشب زي الصرصار يا كلبه…..
وفجاه ظهرت جده لوكا وشيري واسمها نرمين واحفادها بيقولولها نيمووو…..
نيموو: جري ايه ع الصبح انتي وهي…
لوكا: نيمووو يرضيكي البت دي تدلق عليا ميه متلجه كده وانا نايمه تخضني ، وتقولي اخرك تشتغلي نفسك….
نيموو: هههههههههههههههههه هي الصراحه عندها حق…
قالت لوكا بغيظ :ايه ده حتي انتي يا نيموو ، هي دي فكرتكوا عني انا زعلانه….راحت شيري جنب لوكا و
شيري: لا يا قلبي انا بهزر والله متزعليش بقااا…
لوكا بتناكه : اممممممممم لا زعلانه….
شيري: لا هتتنكي عليا هسسيبك واقوم..
لوكا بضحك: لا خلاص..
شيري: حببتي…. صباح الخير
لوكا: حياتي… صباح العسل
نيموو: لا انا كده اتنسيت…
لوكا:احناا نقدر برضه ، ده انت اللي ف القلب يا عسل…
وراحوا البنات علي جدتهم وحضنوهااا.
نيموو: حبايبي ربنا يخليكواا ليا يااارب…
وجه صوت من وراهم وكان صوت لولي اختهم الصغيره….
لولي: ايه ده خيانه ، في اجمتاع للحب وانا مش موجوه…
الكل ضحك….
نيموو: طب قولي صباح الخير الاول…
لولي: اهوو صباح..
شيري : انا معرفش البت دي طالعه كده لمين…
لوكا: هتكون لمين يعني ، معروفه….
لولي: ههههههههههه حبيبتسلم.. .
نيموو: طب يلا يا بنات عشان كده هتتاخروا…
شيري ولوكا ولولي: حاضر…..
وفي مكان تاني ، ف ارقي احياء القاهره ، في بيت كبيررر ، في شاب سخيف ، بارد ، عنيد….
المنبه رن كالعاده الساعه 6.30 بالدقيقة ، قام من النوم ، اخد شاور ف 10 دقايق بالظبط ، خرج يجري نص ساعه ، رجع بيته اخد شاور تاني ، ولبس عشان يروح شغله وهو في الطريق اتصل بيه صحبه وشريكه….
مصطفي: الو
ياسر:صحبي يا صحبي عم الناس ، صباح الخير…
مصطفى: صباح النور ، هو انت مش هتبطل الطريقه دي يلا…
ياسر: يا ابني الطريقه دي جزء من شخصيتي ، المهم انت فين؟!!
مصطفي: 5 دقايق واكون عندك….
ياسر: يا سلام ع الناس اللي مواعيدها مظبوطه ، يلا مستنيك…. وقفل مصطفى وياسر ، مصطفي وياسر صحاب من زمان اووووي وشركاء في شركه صغيره بداوها بنفسهم من الصفر وبيحاولوا يكبروهاا….
ونروح عند بيت لوكا..
نيموو: يلا يا بنات هنتاخر….
شيري: حاضر
لوكا: انا جاهزه
نيموو: ماشاء الله عليكي ، ايه يا بت الجمال ده..
لوكا: عادي دي اقل حاجه عندي ههههه.
شيري: انا جاهزه..
لولي: وانا كمان..
نيموو: ماشاء الله عليكوا ، ربنا يحميكوا يارب..
لولي: ربنا يخليك لينا يا كبيرر..
شيري بضحك: طب يلا بينا..
وفي شركه my للاستيراد و التصدير ، كان ياسر ومصطفي قاعدين بيتكلموا ف تفاصيل الصفقه الجديدة
مصطفي: الساعه كام معاك؟!!
ياسر: الساعه 8.10
مصطفي: قدامها 5 دقايق بالظبط..
ياسر: هههههههههه يا ابني الرحمه ، بلاش القفش ده
مصطفي: مش مساله قفش ، بس انت عارف انا مبحبش التاخير…..
وهوب الباب خبط و
لوكا: صباح الخير…..
ياسر: صباح النورر يا لوكا ، عامل ايه يا جدع؟!
لوكا: ههههههههههه بخير يا اسطي…
مصطفي اتفاجي من طريقه كلام ياسر ولوكا و
مصطفي بنرفزه: انسه ملك ، إحنا هنا ف مكان شغل ومينفعش تتكلمي بالطريقه دي ف شركه محترمه ، حاولي تنسي شويه الطريقه اللي انتي بتتكلمي بيها وانتي ف شغلك….
لوكا بقوه: انا اسفه ، اتفضل حضرتك البرنامج النهارده ، وعندك اجتماع كمان 35 دقيقه مع المندوبين… عن اذنك….وخرجت لوكا ومستنتش يقول كلمه واحده او حتي يرد عليها…..
ياسر: ليه عملت كده يا مصطفي ، البنت معملتش حاجه..
مصطفي: معرفش ، بس هنا كمان مش مكان للهزار…
ياسر: يا ابني البنت متكلمتش ، دي كانت بترد عليا بس ، خف شويه عليها…
مصطفي: ماشي ، وبعدين هو في اي بينكواا عشان تتكلم معاها كده ، انت كمان بتدلعها….
ياسر: يا ابني مفيش حاجه ، احنا اصحاب مش اكتر…..
مصطفي: متاكد انكوا مجرد اصحاب…
ياسر بتفكير وعينه بتلمع: مش عارف ، مكدبش عليك انا بدات احس بحاجه غريبه ناحيتها…
مصطفي بعصبيه: طب خلاص انجز بقا عشان الاجتماع….
ياسر: عنيا يا صحبي…. هخرج بقاا عشان اجيب الملفات عقبال ما يجوا….. وخرج ياسر وراح مكتب لوكا و لقي لوكااا قاعده ماسكه دبدوب صغير وبصاله كانها بتتكلم معاه و مضايقه ….و
ياسر اضايق اوووي ع ملك وقال……
ياسر: لوكا ، متزعليش من مصطفي ، هو بس عصبي شويه…
لوكا ابتسمت: ههههههههههه شويه ، قول شويتين تلاته عشره ، دا قليل الذوق قوووووي….
ياسر: خلاص يا عم قلبك ابيض….
لوكا: اشطا…..
ياسر: هههههه طب يلا بقا اجهزي عشان الاجتماع…
لوكا: انا بفكر اديك انت الجدوله وكل حاجه ، مليش نفس احضر……
ياسر: ليه يا بنتي..
لوكا: معرفش بجد مبحبش طريقه كلامه معايا ، وبحس فيها أهانه متعمده ليا ، وأنا مقبلش كده ابدااا….
ياسر: ولا اهانه ولا حاجه ، صدقيني هو طريقه كلامه كده ، مدب اوووووي ف نفسه….
لوكا: علي نفسه مش عليا ، ويكون ف علمك ، انا هقدم استقالتي آخر الشهر….
ياسر: ليه كده بس…
لوكا: هو كده مش هقدر اكمل بالشكل ده ، انا بس مستنيه اخر الشهر عشان آخد المرتب كامل ، عشان مصاريف مدرسه لولي…
ياسر: لولي!!!! اهاااااا ليلي اختك صح
لوكا: اختي الصغيره ، ومصاريف مدرستها غاليه ، شيري مسئوله عن مصاريف البيت هي ونيموو ، وانا مسئوله عن مصاريف لولي كلها ، بس كده….
ياسر: طب عشان خاطري فكري تاني ،وانا اوعدك هكلموو……
لوكا: حاضر….
ياسر: ثواني هجيب الملفات ونخش الاجتماع مع بعض هاااا….
لوكا: اوك…..
ونروح عند شيري ، شيري بتشتغل في العلاقات العامه لشركه سياحه كبيره اووووي في القاهره ، ومعروف عنها انها شاطره جداااااااا في المجال ده ، كانت شيري قاعده في مكتبها لحد ما زميلتها جت و خبطت علي الباب…
مروه: شيري ، صباح الخير…
شيري: مروه ، صباح النور ، ايه يا بنتي مجتيش امبارح ليه ، قلقتيني عليكي ، ووحشتيني كمان…
مروه: ايه بالراحه شويه ، خدي نفسك يا بت…..
شيري: ماشي يا اختي ، انطقي بقااا…
مروه: طب نقعد الاول ، واطلبيلي شاي بلبن ولا انتي بخيله………
شيري: ههههههههه حاضر ، واتصلت شيري وطلبت 2 شاي بلبن…و ها احكيلي بقااا ، ايه اللي حصل….
مروه وحطت ايديها ع دماغها بتعب : اسكتي يا بنتي ، حصلت كارثه عندي…
شيري: هو الموضوع خطير للدرجادي؟!!
مروه: اهااا ، الخناقات المعتاده بين اختي وجوزها ، بس المره دي كبرت اوووي ، وغالبا هترسي ع الطلاق…..
شيري: طلاق!!!!!! ، وطب ايه اللي وصل الامور للنقطه دي؟!!
مروه بزعل: الكدب والخيانه وقله الثقه ، وحاجات كتيررر اووي بينهم مقدروش يتغلبوا عليها…..
شيري قامت وحضنت مروه: حببتي متزعليش ، باذن الله كل حاجه تتحل….
مروه: يااااارب يا قلبي ، انا تعبت خلاص….
شيري: متخافيش ، ان شاء الله كل حاجه تبقي تمام ، احنا مع بعض ، تمام؟؟!
مروه بابتسامه رقيقه: تمام…صحيح خلصتي الفايلات اللي سامح قالك عليهم؟!
شيري بخنقه: اهااا يا أختي خلصتهم…
مروه: ومالك بتقولها كده ليه…
شيري: عشان زهقت بجد ومش بحب الشخص ده كمان ، سبحان الله…..
مروه: طب ليه؟!!! ، يا بنتي انتي بقالك 3 سنين هنا ، والمكان حلو اووي يعني اعتقد احسن من اللي كنتي فيه…..
شيري: معرفش ، بس مبحبش الزفت اللي هنا ده ، متكبر ، مغرور ، بيتعامل مع الناس كلها علي أنها تحت امره و عبيد عنده…..
وف الوقت ده كان الشخص اللي بيتذكر بأحسن الصفات دي ههههة واقف ع الباب و سمع كل كلمه…..و اسمه سامح عبدالرحمن مدير قسم العلاقات العامه في نفس الشركه اللي بتشتغل فيها شيري و اتصدم جداااا من وجهه نظر شيري فيه ، يمكن لانه اول مره يشوف بنت جريئه كده او لانها أصلا اول بنت هو ميعجبهاش و اول بنت متحاولش تجري وراه وميلفتش نظرها ، فقرر انه عايز يعرف شيري اكتررر……
عند لوكا و ياسر….
ياسر: جاهزه؟؟
لوكا بتحدي وقوه: طبعا جاهزه ، يلا بينا…
ياسر: اوبااااااااا ، اموت انا ف الناس اللي واثقه ف نفسها دي…..
لوكا بغرور: طول عمري ع فكره…..
ياسر ولوكا وهما داخلين اوضه الاجتماعات:ههههههههههههههه
ياسر: طب بقولك هبعتلك حاجه كده وتقوليلي ايه رايك فيها….
لوكا: اممممممم ماشي ، هستني بس هتدفع كاام؟؟…….
ياسر: هههههههههه اللي تطلبه يا كبير………
ياسر ولوكا كانوا بيتكلموا ويهزروا مع بعض ومتجاهلين مصطفي خااااالص اللي كان قاعد ع اخره ، وباين عليه العصبيه والغضب وفجاه قال بصوت عصبي….
مصطفى: ممكن نبدا بقااااا بعد اذنكم؟!!!
ياسر باستغراب: ماشي بس اما يجواا الباقيين…
مصطفى بجديه: عايزين الاول نتكلم ونظبط كل حاجه قبل الاجتماع ، طبعا انتوا عارفين ان دي صفقه كبيره ومش عايزين نضيعها من ايدينا….
لوكا بجديه: حضرتك انا عملت جدوله لكل حاجه وظبطها ع الاساس اللي حضرتك امرت بيه ، وحضرتك كمان اتكلمت مع شركه النقل واتفقت معاهم حضرتك علي انهم هيساعدونا ، وعملت ديل معاهم كويس اوووي واتفقنا ع كل حاجه تقريبا………
مصطفي اضايق من طريقه كلام لوكاا معاه ومن رسميتها الزياده عن اللزوم معاه هو بالذات رغم انها بتحب تضحك و تهزر مع الكل وقال……
مصطفي بضيق: اممممم تماام….
ياسر صقف وبضحك: برافو يا عم بخ………
لوكااا ضحكت بصوت عالي: شكراا يا لمبي….
وبعدين الباب خبط ، وكانوا مندوبين الشركه اللي هيعمله معاها الصفقه و كانوا شاب وبنت و…
مصطفي بلطف: اهلا وسهلا ، اتفضلوا….
البنت: أهلا…
الشاب: تشرفنا…
وفجاااه
البنت: ايه ده ، مش معقول ، لوكاااااا
الشاب بصدمه: ازاي يعني….
لوكا بصدمه: ايمي…
ياسر وهو مستغرب: انتوا تعرفوا بعض….
والاتنين جريوا حضنوا بعض و…..
ايمي: طبعا اعرفها ، دي لوكا ، صحبتي ودفعتي ، واشتغلنا مع بعض فتره ، وف تدريب الكليه كمان……..
لوكا: حببتي وحشاني ، انتي فين يا بنتي كل ده؟!!!
ايمي: ف الدنيا يا بيبي ، وانتي عارفه بقااا…
وبعدين الشاب أتكلم و…..
عبود: لا انا كده اتنسيت بقااا….
لوكا: وده معقول ، ازيك ياض….
عبود بابتسامه: الحمد لله يا لوكاا……
كل ده بيحصل ومصطفي مستغرب جداااااا و ف قمه الذهول ، لان المفروض ان ايمي وعبود مندوبين عن شركه كبيره ومعروفه جدااا وليها وزنها ف السوق ، ف وجهه نظره ازاي يكونوا بالتفاهه والعشوائيه دي…….
نروح ل لولي في مدرستها…..
كانت لولي قاعده في حصه الرياضه اللي بتحبها جدااااا وبتحب المدرسة بتاعتها اوووووووي و
المدرسه: والمساله دي هشوف مين هيحلها صح ، قدامكواا 5 دقائق … ابدوا…
وكالعاده لولي طلعت المساله ع طول وكانت صح و…
لولي: انا خلصت…وادتها الكشكول..
المدرسة: اممممم برافو يا لولي…..اتفضلي…
لولي: ايه دي؟!!!
المدرسة بابتسامه: جائزه عشانك….
لولي بفرحه: شكراااا….
ونرجع ل لوكااا اللي كانت ف الاجتماع… ومصطفي كان شايف الكل منبهر بفكره لوكااا والجدوله اللي عملاها وطريقتها في تنظيم المواعيد….و
ايمي: والله برافو يا لوكااا ، كل حاجه تمام ، انا الصراحه رايي حلو جدااااا ومتأكده ان الرؤساء هيعحبهم جداااا وهنوافق علي طول….
عبود: وده رايي برضه ، تمام جداااا….
ياسر: يعني ف امل تقبلوا….
عبود: في امل!!!!!!!! ده اكيد باذن الله ، برافو يا لوكااا ، طول عمرك شاطره و ذكيه…
لوكا بابتسامة: شكرا جدااا….
ايمي: تمام ، كده كل حاجه تمام ، والرد الاخير هيوصلكوا بعد أسبوع….
مصطفى: أوك
ياسر: تمام
عبود: طب عن اذنكوا….وشكرا
مصطفي: العفو…
ايمي: لوكااا ، لازم نشوفك بقاا ، وخدي ده….
لوكا: ايه ده…
ايمي: كارت دعوه ، خطوبتي انا وعبود…
لوكاا بفرحه وحماس: الف مبروك يا حببتي وعقبال الجواز ، مبروك يا عبود…
عبود: الله يبارك فيكي…واتفضلوا انتوا كمان يعني لو حابين تيجوااا…
ياسر: اكيد ان شاء الله…
مصطفي بحرج: الف مبروك بس انا اعذروني ممكن مقدرش….
ايمي:عادي ولا يهمك… فرصه سعيده…
مصطفي: انا اسعد…..
وخلص الاجتماع علي كده وخلص اليوم كله بكل اللي فيه…….وبالليل في بيت لوكااا وبالتحديد في أوضه شيري ولوكاا ولولي و
شيري: يا بنات جبتلكم فشار..
لولي: اولييييييييييييي..
لوكاا ساكته..
لولي: لوكاا ، مالك يا قلبي؟!!
لوكاا: مفيش حاجه ، انا كويسه..
شيري: مفيش ازاي ، دانتي شكلك تعبانه اووي..وخدتها ف حضنها.. مالك بس فضفضي يا بنتي….
لوكاا حضن اختها اثر فيها اوووي وفجاه دموعها نزلت وقعدت تعيط كتيررر….
لولي وحطت ايديها علي شعرها: اهدي ، اهدي يا روحي ، اعوذ بالله من الشيطان الرجيم……
شيري: اذكري الله كده قوليلنا ايه اللي حصل….
لوكا: انا تعبانه اوووي يا بنات ، اول مره ف حياتي احس باليتم ، اول مره احس اني لوحدي ، اول مره احس اني محتاجه بابا..
