𒊹︎ فِــي حُــضــن الــأرْبَــعِــيــنِــي
+
بــــقــــلـم : Nouhaila Nno
+
PART 5
+
تبعاتو بخطاويها و كدور راسها على لبلاصة فين كاينة شركة قالت مع راسها هميزة و جابها ليها الله موقف بيها تالعند لكاميو حل لباب لاح ليها صاكها فيه و شاف فيها مخنزر كيشوف ملامحها لي تبدلو من لفرحة لصدمة
+
جبريل قرا ملامحها و فاش كتفكر : نعلمك من هنا طريق محلبة غتمشي بصفتك كريسون ديالي و غادي تخلصي من جيبك لولد لي غادي ضيعيه فخدمتو
+
ديمنة درت لو ضحكة صفرا : اييه معنديش لمشكيل نخلصو مية درهم ما دات ما جابت
1
جبريل دار نضاضرو على عينو زادح لباب سادو : مية درهم لساعتين ضربينها فيومين بليلهم و نهارهم
+
ديمنة بلعات ريقها و كضرب لحسبة فدماغها حتى تبلوكات وحلات فمها بصدمة : اويلي ثمنية و ربعين الف مالو اش كيدير كااع
+
جبريل بلا ميطول معاها لهضرة حل لباب ديال لكاميو جبد ليها صاكها مدو لها : مقديتيش ها صاكك را طريق قدامك
+
ديمنة نزلات عينيها على صاك و رجعت شافت فيه عاضة على شفايفها : لا صاكي غير خليه فالكاميو مرتاح
+
جبريل عض على حنكو من لداخل و رجع لها صاك لكاميو و سمح فيها و زاد بخطواتو رامي ليها كلامو : طلعي و تحملي مسؤليتك متجيبيش سبتك عليا
+
ساطت بجهد و حطات يديها على لبواني باغا تفتح لباب جاها قاصح و جبريل كيشوف فيها بنص عين و خلاها واحلة معاه و زاد طلع بلا ميسوق ليها ديمارا لكاميو تا قفزها من بلاصتها
+
عقدات حجبانها و بدات تدق فالباب ساخطة تا حل علها من لداخل و طلعات كتجبد بسيف باش وصلات و حطات قاعها للارض جبريل مسوقش ليها هاز واحد لاجوندا كيكتب فيها و بالو مامعاش
+
مدة و هي طالعة و هو غا حاني راسو مقال والو و هي دودة حكمتها و عجبتها لكلسة جاتها عالية و كتشوف كولشي من لفوق و كيبانو ليها طموبيلات صغار مقارنة مع لكاميو نوعا ما تقبلات لوضعو و رتاحت حيث كان موديل جديد
+
هبط جبريل و خلا لكاميو مديماري و توجه ديركت لعند دري لي جا كيف كان وصاه وقف عليه جبريل ضربلو على كثفو : مكتابش ليوم تخرج لطريق ولايني دوز هاد سيمانة نشد بيك طريق
+
دري نزل راسو للارض محتارمو : حاشا اشاف لي جات من عندك مرحبا
+
ضرب جبريل يدو لجيبو جبد لو شي بركة خشاها لو فجيبو : هادو ديالك ابار لي غادي دوزهم ليك امينة فخلصتك
+
دري عينيه برقو حنا بزربة بغا يبوس لو يدو حتى بعدها جبريل عاقد حجبانو يلاه بغا يدور فيه تا كيقشع لهبيلة دايرة شرع يديها
+
ديمنة غا خلاها راسها و هومت يفيقو جنونها خبشات مزيان مخلات تا قنت مدوزاتش عليه يديها متكفاتش بهاد شي بل تمادات كثر و تهزت من بلاصتها و كلسات فبلاصت شيفور تما فاش كان قشعها جبريل
+
حطات يديها على لفولون كدورو و روايض كيدورو جاب الله موصلاتش للفيتاس طلعات عينيها فجبريل بان ليها حاضيها و مقال ليها راسها غير تبرك على لكلاكسون و تخرج راسها من شرجم و كتعيط : واا شيفور تا طلقنا خلاص
+
جبريل عض على حنكو من لداخل و حلف فيها بالمعقول شاف فالولد و صدرو : سير ترتاح مع راسك
+
خلا دري و رجع لجيهت لكاميو ساخط هي غا شافتو جاي و هي ترجع تكمش فبلاصتها و دايرة راسها ساهية طلع زدح لباب بجهد تا قفزات من بلاصتها و كيهضر مكشكش
+
جبريل : واش دودتك مبغاتش تبرد ابنت ناس واش كتقلبي على شي ملخة ديال لعصا مكتهنايش لمسمعتيش سبان
+
ديمنة ضهشرها جمع ليها حب و تبن هبطات راسها و راسها كيزدح عليها : على مالي اش درت (طلعات فيه عينيها مدمعين) ايه انا غلطت منين كذبت عليك فسبيطار ولكن ماشي لدرجة تبقا تعامل معايا هاكا غلط بسيط
+
جبريل شدها من فكها مزير عليها : و متكذبيش ابنت لقحبة و بالخصوص عليا انا شتي يكون غاصبعك صغير مجروح و تكدبي تقولي والو ندفنك
+
ديمنة نزلو دموعها مسرسبين و كتحك يديها مع بعضياتهم و كتهضر بصوت متقطع : مكانتش فنيتي والله و تا دابا كنت بغيت غا نجرب
+
طلق من فكها ساخط رجع هز ديك لاجوندا تيريكل لحساب و هي جنبو كتنخصص و حاضياه بنص عين تا تسهطات مسحات دموعها و بدات تدور فراسها
+
جبريل قيد شحال من حاجة فلاجوندا بينما سخن لكاميو , داك لوقت كامل عينو مرة مرة كتفلت عليها هي لي عنقها عواج و هي كتقلب هنا و هنا تا برزطاتو سد ديك لاجوندا بنهضة تا شافت فيه ببرائة و فراسها مية سؤال
+
ديمنة بلا عكز عليها غير شافتو سد لاجوندا و هي دير صبعها ففمها و مربعة رجليها على لكوسان و نطقات و صوتها باقي مغنغن بالبكا : جبريل نسولك
+
جبريل عفس على لفيتاس و حرك لكاميو تامشا راسها و جا و نطق ببرود : ديري سمطة
+
ديمنة صرطات ديك لقمعة و جبدات سمطة ديرها بالحق كانت معكسة نتراتها و والو فالخر سمحات فيها و كتسوط : مبغاتش معكسة
+
جبريل بالو مامعاش يلاه ملاهي مع لكاميو باغي يخرجو من زحام ديال لمدينة مدة قليلة تا كان خرج لطريق سيار عاد رخف لفولون و شاف فيها بنص عين لقاها مسرحة رجليها معلقاهم على طابلو و مخرجة يديها من شرجم كيضرب فيها ريح
+
تجنب فطريق غادي بسرعة مخففة و قرب لجيهتها تا قرب لعنقها و مد يدو جر سمطة ركبها ليها و رجع مركز فسوكانو
+
ديمنة لقنط بدا كيلعب بيها و هي عدوها تكلس و تبقا ساكتة حبدات تيليفون كتهضر مع جوديا غا مساجات مدة تابدات تنسا لقنط و هو يمشي ريزو حطات تيليفونها و جمعات يديها لعند صدرها ملتازمة صمت و عينيها عليه للحضة ندمات علاش كدبات عليه كاع بلا متحس هبطات دمعة صادقة على خدها و تبعوها دمعات هوما ماشي حبا فيه و انما كتشوف شخص لي تعلقات فيه لمدة قصرة و دار معاها لي ميدارش
+
و غير تعاملو معاها شدها لجيهتو بطريقة جنونية عمرها ضنات غادي يجي نهار لي تلاقا مع شخص لمدة قصيرة و يخسر عليها فلوسو وخ مبينها والو و غير خوفو عليها منين عرفها مرضات
+
زادو تعلاو شهقاتها و تكمشات دورات وجهها لجيهت سرجم مباغاش تشوف فيه بالمرة مكرهتش ترجع بيها ساعة لور و تبقا كالسة غا فدارها اش جابها كاع محسات تا كان وقف لكاميو جنب طريق و حل ليها سانتيغ و جبدها لعندو تاتخبطات فصدرو
+
ديمنة دورات يديها على ضهرو و دافنة راسها وسط صدرو : سمحليا عفاك
+
جبريل بعدها من حضنو و كيشوف فيها بجدية مبغاش يضحك ليها خصوصا انها بقات فيه ولكن باغي يقصح معاها باش مضسرش و تعاود تكذب مرة اخرى (وخ هي كلها كذوب)
+
جبريل بحدة : تنوعيرك امو خلات دوزتو مع شلا قبل منك فشانطي و من طبعي منرتاح تانرودي بنادم و نرجعو ثابت و صادق فكلامو كيف رادار
+
ديمنة هزات فيه راسها و عينيها مدمعين و لي فيها ما مهنيها : و لكنتي تروديني على يدك فراه معندي فين نزيكزاكي
+
جبريل مسح ليها دموعها بطرف صباعو و ثبت فيها شوفة : رجعي رجعي تقادي فبلاصتك
+
رجعت ديمنة كيف كانت و هاد لمرى بدات تدي و تجيب معاه فالهضرة تا سولاتو : قول ليا فين غنمشيو بعدا
+
جبريل بجدية : طريق صعيبة عليك اديمنة شوية و نلقب روايض نحطك و نرجع نكمل انا طريقي
+
ديمنة بإمتناع : ولا حشومة عليك اش هاد لفعايل عطيتينيي لكلمة مترجعش فيها
+
جبريل حيد عينو من طريق و رجعها ليها : طريق طويلة
+
ديمنة : و تكون غادي تالمريخ لمهم بلاصتي جنبك
+
ضحك بجنب على هبالها و عفط عفطة وحدة على لفيتاس و مجمع معاها شاد ليها لخاطر و كل مرة كتشتت لو تركيزو بشي سؤال تا سالات معاه منين خدات واحد جيلي صفر لبساتو و دارت كاسكيط على راسها و كتسولو من نيتها
+
ديمنة كتسد فجيلي و كتدوي : شوف شوف كي جيت بومبة شتي كون جيتي مع شي حد اخر من غيري كنتي غضيع من هاد لجمال
+
جبريل ضحك تا بانو سنانو مستفين جرها من قرفادتها لعندو : اتبارك الله على لكريسونة ديالي متوتزة ها
+
ديمنة قلبات عينيها كتفرفر بيهم : و شنو كنلعبو هنا
+
بقا كيضحك معاها و غافل على سرعة باش غادي تا بان ليه لبراج و بوليسي عاطيه اشارة باش يوقف بدا كيخفف سرعة و ديمنة شي خلعة ما شداتها الله ياودي سيدة مولفة هاد شي مبقاتش تاتخمم فهاد شي حدها تكات راسها خلات حبريل يتكلف
+
هبط زاج عاقد حجبانو تاوقف عليه لبوليسي كيشوف فجبريل و مرة عينو على ديمنة لي مامسوقاش لو و عاد ما رتاحت و حطات رجليها على طابلو و هازة تيليفونها ملاهية فيه لوقت
+
جبريل زاد بكسدتو تا درق ديمنة مبقاتش تبان للبوليسي و مخنزر : نعام
+
لبوليسي شاف فجبريل و باغي يصيدو فمخالفة : عطيني وريقات شاحنة
+
جبريل دور راسو عند ديمنة و دوى بهدوء و ختمها ليها بغمزة : جبدي ليا لوراق من لمجر
+
ديمنة بلا عكز عليها حلاتو كيبانو ليها شلا وراق كمشات عينيها و دارت راسها مفرقاتش بيناتهم و بدات تمد لو ورقة بورقة و هو داير فيها راسو و دايرن هبل تربح
+
جبريل شاف فالبوليسي و مد لو ورقة لي عطاتو ديمنة كانت لافيزيت : هاك اشاف
+
بقاو عاصرين تا كيبغي يهز عينو و كيعطيوه ورقة اخرى مخلاو لو فين يحل فمو تا هز راسو و باقي شاد لوراق بين يدو و شاف بضبط فجبريل : لوراق فيهم شاحنة لنقل لبضائع ماشي ناس
+
ديمنة عقدات حجبانها مبرزطة و بلا متحس رجعات كسكيطة لور و كتهضر بثقة : كريسونة ديالو هانتا اشاف هاهوا زي رسمي و لابساه غا هوا لوراق لي معنديش
+
لبوليسي : اش كتخربقي الالة
+
جبريل عقد حجبانو منيرفي : كنضن لوراق و تأكدتي منهم منعدك دخل فشكون راكب معايا اشاف كانت شي مخالفة قيدها و ارى نخلصها
+
لبوليسي بلع ديك لقمعة و هبط راسو عمر لو بروصي على قدو و مد ليه لورقة جبريل مطولش فيها شوفة غا ضرب على ثمن و جبد من جيبو خلص و طلع زاج تحرك من تما مقلع
+
ديمنة مسوقاش بالمرى جاتها كانتها غا تصور بداك لعجب لي لابسة تصورات و شبعات فيديوات و كل مرة مدخلاه معاها فتصاور تا كيغوت عليها عاد كتخليه مركز مع طريق …
+
حطات تيليفون و شافت فيه بفضول : جبريل فين غادين ؟
+
جبريل : لوجدة
+
ديمنة بإستغراب : و علاه يومين كلها ممكن تمشي و تجي فنهار
+
حبريل بيرود : الالة هاد لكاميو لي مشارجي شكون غتخويه مك
+
ديمنة : كيفاش مفهمتش
+
جبريل : حسن متفهميش
+
ديمنة صغرات فيه عينيها و راسها ضرها : دابا شناهيا خدمة هاد لكريسون لي كتخلصو ثمنية و ربعين الف فيومين ها ؟؟؟
+
جبريل شاف فيها بنص عين طانز : ياكما عجباتك بلاصتو و باغا تبدلي لحرفة من كوافورة لكريسونة
+
ديمنة عوجات فمها مصححة ليه : ميكاب ارتيست ماشي كوافورة
+
جبريل شاف فيها بنص عين و رجع مكمل على طريقو تا سمعها كتسوط و كترغب فيه
+
ديمنة برجاء : وا جبريل عفااك شناهيا خدمت هاد لكريسون راه ضرني راسي
+
جبريل خلا عينو على طريق و كيهضر : خدمتو يحضي معايا طريق و يرد لبال للبولة ديال لمازوط و يتأكد من روايض واش هوما هادوك و اي حاجة طاحت فبالك كيديرها هو من لقهوة من كولشي و تا من لبوليس لي وقفونا بسبابك كون كان هو كاع ميوقفونا
+
ديمنة ( شافت فضفارها و ساطت) ايوى خدمتو تانتا ساهلة ماشي شي صعوبية
+
جبريل : تا خدمة ما ساهلة فهاد لوقت ياك تي غا كتجيري للعيالات وجههم و كتعيك هاد لخدمة
+
ديمنة هزات حجبانها و كتشوف فيه : ايوى لاواه كيفاش كنجير الله يخليك راني بديبلومي
+
جبريل جابت ليه ضحكة حرك ليها غا راسو : اييه يييه
+
ديمنة بقات كتشوف فطريق شوية تقادات فكلستها و بقات كتشوف فطريق مركزة معاه تا كيبان ليها جبريل كيكلاكسوني بجهد و كيسب من تحت منو حققات تا كيبان ليها واحد خونا كيعمر عليهم طريق
+
محسات تا خرجات راسها من شرجم مكشكشة و كتسب و تحرك يديها بيديها : وا شد ليمن ديالك فطريق اولد لقحبة فين شاد لبيرمي فين
12
شاف فيها جبريل ساخط جرها بزربة من يديها و كيهضر ضاغط على لحروف : اش كديري و اش كتصنعي
+
ديمنة بنرفزة : مالي شدرت غا خدمتي كنديرها ياك انا كريسونة دياالك
+
جبريل خرجاتو على طوعو و ديشوف سيدة لي ليها ما مهنيها : الالة غا كلسي متكوني لا كريسونة لا خرى غا حطي قاعك للارص
+
ديمنة دبلات عينيها و دموعها شوية و يطيحو : ياك سري زيدني (ضربات على فمها بيديها) هاك افمي (شافت فيه بعينيها معبسة) غا لي يدير لخير فهاد لوقت انا مانويت والو قلت غا نخليك مركز مع طريق و انا نتكلف بداك بني كنبون
+
قاطعها مكشكش عين فطريق و عين عليها : تي راه بدا يهرب لمك ريزو
+
ديمنة ربعات يديها لعندها و كتشوف فطريق تا بدات تاتحرك فبلاصتها و كتفرك يديها : حبس حبس نزلني هنا
+
جبريل صمكها عليها مبغاش يتراد معاها ليصدقو فشد ليا نقطع ليك ، ديمنة قرمات على رجليها: وا وقف هاد لخرى نزلني
+
جبريل بحدة : غنزل مك فشي حافة
+
ديمنة خرجات فيه عينيها مخنزرة : و هبطني نبول ولا نطلقها ليك هنا
+
جبريل دعقاتو تيقول فراسو هاد سيدة منين جاية : كون درتي ليكوش ممين عارفة راسك بوالة
6
ديمنة داياه على هبالو : اودي ملقيتش قياسي و خلاص اما راه نديرو
3
بدا كيخفف سرعة تا وقف لكاميو فجنب طريق يلاه بغاات تنزل و هو يشدها من يدها : كلسي بلاتي
+
هبط بزربة حل عليها لباب مد ليها يدو تا هيا بلا عكز عليها مدات لو يديها من بعد ما هزات كلينيكس و قرعة الما , طلعات راسها فيه مسولاه غا براسها : اشنو
+
جبريل حرك ليها راسو مغدد تا دوات : واش شي يبول و شي يشم
6
جبريل خشا يدو فجيابو : شي نهار فمك غادي يصيفطك للقبر قبل لوقت (طلعها و هبطبها بنضراتو و عطاها بضهر) طلقي راسك خلاص
+
كليات ديمنة كتبول على خاطرها تا سالات و غسلات بالما لي هبطات معاها ؛ جبريل متسوقش ليها بالمرة و تا منين هبط غا باش يدرقها باش ميشوفها حد
1
طلعو فالكاميو قلع مكسيري دوزو كثر من خمسة سوايع فطريق كان قليل فين كيوقف غا فحالة هي طلبت منو يوقف
+
مدخلو لمدينة وجدة تا كان طاح عليهم ضلام و ديبو لي غادي يخوي فيه سلعة سد معندو كيف يدير وخ يصوني تا حد مغادي يجاوبو جيث غير كيخرجو مم لخدمة كيطفيو تيليفوناتهم ملقا جبريل ميدير من غير انه يصوني على واحد صاكبو لي ضبر ليه فالبلاصة على برطمة صغيرة
+
تحرك مكسيري لفين نعث ليه تاوصل باركا لكاميو فجنب و هبط داز لجيهت ديمنة حاول يفيقها بس كان نعاسها ثقيل جرها بشوية من يديها لاحها فوق كثفو تا ولا راسها لتحت و طرمتها مقلشة لفوق سد لباب
+
دخل لسانسور تقدم بخطواتو كيهز راسو فالمراية كيبان لو لمتضر ديالو و ديل هازها تبسم بلا ميحس و هز يدو شحطها فطرمتها و هي مجايبة خبار
+
خرج من سانسور منين تحل و داز خدا سوارت فين كان نعث ليه راجل و دخل لبارطمون دور عينو بزربة على دار لي كانت مفتوحة و بستيل شبابي دخل لغرفة حطها فوق سرير و مشا خرج لدقائق معدودة و رحع دخل هاز صيكانهم توجه للدوش كب عليه لما تاترخى و رخى عضامو و خرج لاوي عليه فوطة لبس عليه غا شورط و بقا كيشوف قدفظار شحال صغيرة لدرجة فيها غا بيت واحد ملقا ميدير من عدغير مشا دخل تسطح حداها
+
و لأول مرة مغاديش يطيب نعاسو بتصاورها بل هاد لمرة كانت تحت عينو بقا مراقبها مدة طويلة بقا كيشوف فيها بعينيه مساخيش من شوفوها هز يدو مررها على الخالات لي عندها تا عبسات ز بدات تاتقلب تاتخشات فصدرو ، هبط راسو لعنقها كيشم فعبيرها و مدور يدو على خصرها تا مشا نعس على داك لحال .
+
يتبـــــــــــــــــــع …
+
+
