𒊹︎ في حُــضــن الــأرْبَــعِــيــنِــي
+
بــــقــــلــــم : 𝐍𝐎𝐔𝐇𝐀𝐈𝐋𝐀 𝐍𝐍𝐎
+
𝐏𝐀𝐑𝐓 𝟏𝟎
+
✿ بعد شهر و نصف بضبط ✿
+
واقفة بكل ثقة فنفس قدام لمراية و دافعة صدرها للقدام و عينيها مرة مرة كتهبطها على تيليفون لي مقابل معاها فيه هو فأبيل فيديو كراقبها بصمت و عينيه كلاوها مكرهش لو يكون حداها فهاد لوقيتة بضبط
+
ديمنة كطلع فصميطات ديال سوتيامات بشوية عليها و كتعمد تبطئ و تدلل فحركاتها ، رمات عينها عليه غامزاه كضحك بغنج : باقي متوحشتيني ؟
+
جبريل غلل صباعو فلحيتو لخفيفة و عينيه نايمين فيها : لا كنت موحشك مي دابا وليت ملهوف على شوفتك امو خالات
1
ديمنة ضحكات من تحت منها : ايوى هي لجيتي طفي لهفتك
+
جبريل تنهد تنهيدة مطولة : مبقاش بزاف سيمانة ما دات ما جابت
+
ديمنة عينيها توسعو بالفرحة و ضروسها بانو : بصح يعني سيمانة جاية غادي تجي ياك
+
هز ليها راسو كيتبت ليها كلامو خلاها كتنقز فبلاصتها من لفرحة حتى عقد حجبانو مخنزر : تهزي غطي عليا داك صدر و نتي مدفكاه مناقصك خير
+
ديمنة : {بعناد و شادة معاه ضد} وا قطع باش متشوفوش
+
جبريل : {كيهضر و ضاغط على لحروف} زيدي قيدي غير منين نحسكو لمك متبكايش عليا
+
ديمنة : {فرفرات بعينيها و كدلع عليه} على حسب باش غادي تحسكو كان بفمك راني طالبة عليها
8
جبريل : {بخبث} لا بحاجة اخرى
+
ديمنة : {دورات عينيها زعما دايرة فيها مكلخة} جي جي و يكون لخير
+
جبريل تبسم ابتسامة بالكاد باش كتبان و بقا غير مركز معاها و هي كتقاد وجهها بالميكاب بخفة و مرة مرة كدندن
+
نطق بصوت مبحوح : فين غادة اشريفة
+
ديمنة شافت فتيليفون قربات ليه وجهها : غادية نحل محالي اويلي
+
جبريل : نقصي من داك لخرى و تي كتباني بحالا غادة تحلي رجليك
+
ديمنة رحعات راسها لور كتشوف فالمراية بان ليها اصلا لميكاب لي دارت خفيف : اويلي اريلي لا تزيدش فيه راه مدايرة والو اصلا
+
جبريل باقي على نفس لجديك لي فصوتو : هضرك وحدة قلناها نقصي داك لخرى ولا لخروج مكاينش
+
ديمنة عوجات فمها للجنب : اش غنقص بضبط
+
جبريل دوز يدو على جبهتو كيصبر راسو و نطق مغزف : مسحي داك لقلاوي من فمك
+
خدات كلينيكش دايرة لو خاطرو مسحاتو بشوية عليها و كتقل فالمسيح ، شافت فيه مخنزرة على اساس طالع ليها دم : و دابا
+
جبريل كلاها بعينيه عاد نطق : مزيان كنتي ديري خير كون مشيتي غسلتي وجهك كولو و لايني تا هاكا مزيان سيري لبسي شي نص ميترو ديال ثوب عاود
+
ديمنة عضات شفايفها و كتشوف بنص عين فالكسوة لي محطوطة فوق سرير مسرحة دورات عينيها ليه و هي تبتاسم ليه : اييه لا لا غنلبس جلابة
+
جبريل بجدية : هكاك و راه خبارك توصل توصل لعبي على هواك دابا نجي نحسك لمك ركابي منين توصلني خبارك
+
ديمنة هزات تيليفون بين يديها مقابلاه معاها : و صافي احبيبي راه لكلمة عندي هي لكلمة
+
جبريل : ها حنا غنشوفو يلاه قطعي بحالك
توادعت معاه و حطت تيليفون فجنب و كتشوف فديك لكسوة و كتسوط من لتحت للتحت بقا عقلها كيدور و شيطانها كيوسوس ليها حتى كلسات عكرات فمها بالحق هاد لمرة دارتو خفيف ، ناضت جبدات عباية ولكن قبل متلبسها لبسات ديك لكسوة عاد ضربات فوقها لعباية ساتراها
+
خرجات كتلعب بسوارت فيديها و عينيها كيدورو زعما راها دايرة اطونسيو غادية و تمختر فطريق ما ناقصها خير موصلات للصالون تاسمعات شلا تعناب و شلا نگان
+
حلات صالون و دخلات تصورات فالمراية ديال صالون بالعباية و صيفطاتهم ليه …
+
✿ مـديـنــة وجــدة ✿
+
كيف قطع معاها لأبـيل دخل للدوش يبرد على راسو دقائق عاد خرج فوطة ملوية على خصرو و بعض من خصلات شعرو كيقطرو كيهبطو على صدرو الفولاذي
+
خطا بخذوات تقالين حل لبلاكار جبد حوايجو و عقلو خدام كيخمم فالخطوة لي ناوي يدير كيحس براسو مرتاح و تايق بلي احسن قرار غياخدو ربما حيث اول مرة ينوي و اول مرة قلبو يدق ايه يدق شلا بنات دوز فحياتو مكانوش بنسبة ليه نزوة حيث فكل مرة منين تيدخل فشي علاقة كيحط بلي من هنا للقدام غتكون شريكتو بشكل رسمي تا كيوقع شي مشكل
+
ولكن دابا وقعو ليه مشاكل معاها ماشي واحد و ماشي جوج و ديما محصل عليها لكذوب ولكن لقلب ما عليه حكام ختار و هو خاصو ينفد ليه امرو
+
لبس عليه حوايجو بالخف و مشا هز تيليفونو خربش فيه شوية عاد خرج من بيتو كان صقيل مكاينش لحس عقد غوباشتو و هبط للتحت رمى عينو للصالون لقا غير إمرأة راقية كالسة حاطة رجل فوق رجل و كدور فصفحات لكتاب لي كتقرا و مركزة معاه
+
تمشا لعندها قبل ليها جبينها بإحترام و كلس جنبها تا سدات لكتاب مبتاسمة كتعزو بزاف رغم انه غير ولد راجلها ولكن بلاصتو بوحدها فقلبها كتعتابرو ولدها من لحمها و دمها، هزات فيه عينيها سوداوية : رتاحيتي شوية
+
جبريل شبك يديه محرك ليها راسو : الحمد الله العزيزة
+
مـلـيـكـة بإبتسامة : بهاء فخبارو بلي جيتي ؟
+
جبريل : لا مقلتهاش لو خلي تانوقف عليه غدا فرباط
+
مليكة شافت فيه مطولة : زيد كلس كثر اوليدي عاد جيتي لبارح و باقي مشبعنا منك و باك نيت باقي ما كلس معاك ما والو
+
جبريـل يلاه غادي يرد عليها حتى كيوصلو ميساج فتيليفونو هزو شاف مطول دخل لتصويرة بلا ميحس خرجات من فمو تبسيمة لي ردات ليها مليكة لبال و دارت عين ميكة
+
جبريل طفا تيليفون و شاف فيها بجدية : معنديش لوقت العزيزة لخدمة مكتسناش
+
مليكة شافت فيه بجدية : و لولاد كيتسناو ؟ ها انت تبارك الله راك غادي و كتكبر مبقيتيش صغير تا لإيمتا اولدي واش مناويش دير دارك ها مباغيش تانتا مرأة تعمر عليك (شافتو سكت مخليها تكمل كلامها على غير لعادة فينما كانت تجبد معاه لموضوع كيسكتها ستغلات لوضع و كملات كلامها بحنان) ديرني مك و سمع ليا اجبريل
+
جبريل قبط ليها يديها بين يديه لخشنة : الله يهديك العزيزة كون مكنتش نعتابرك كيف لمرحومة راك متلقايش لفرصة فين تجبدي هاد لموضوع
+
مليكة تبسمات ليه ببشاشة و عينيها كيلمعو لما لا و هي عندها جبريل هو مومو دعينيها : ايوى اوليدي دير بكلامي و تزوج الله يرضي عليك غتقول ليا باقي ملقيتي اسيدي عندي ليك بنت ختي تبارك الله قارية وراها فتية و نزيدك
+
قاطعها جبريل بيدو : احبسي العزيزة حبسي فين غادة
+
مليكة : خليني نكمل لك راه شهوتي فديك لبنية عرفتي الادب و صواب تقتلك بيه و
+
جبريل قاطعها مرة اخرى بجدية : لـقـيـتـها العزيزة
+
مليكة صغرات فيه عينيها : قول هي لكنتي تميساجا معاها دابا عليهـا
+
جبريل دار ابتسامة جانبية و شاف بعيد مردد منا لين شفايفو: هي، هي لي عليها لهضرة {شاف فمليكة مبتاسم} تا هي بنت ناس ضريفة و مأدبة و مصوابة بزايد مجيتش و عزلتها هي ما بين كاع لعيالات ديمنة العزيزة دارت بلاصة كبيرة فقلبي (تنهد تنهيدة مطولة و بعد عينو منها) الله غالب قلبي تسد و بقات فيه و سوارتو طاحو فبير غارق موحال تجي وحدة فبلاصتها و تفوندي
مليكة: ولا كنتي وليدي مرتاح منزيدك غير الخير( سكتات شوية او كملات كلامها بفضول ) إوا وليدي وريني نشوف هاد لبنية
5
جبريل ضحك بخفة و رمى يدو هز تيليفونو بين يدو دخل لكالغي لي كانت عامرة غير بتصاورها عطا لمليكة تيليفون خداتو كتمرر تصاور ببطئ و كتمعن فشوفتها و الابتسامة مخطاتهاش شافت فيه من لتحت لتحت : شهوة منها ياحبيبي بشوفتها ترتاح لعين
+
جبريـل مرر يدو على لحيتو ساهي تا رجعات ليه تيلفون ناض خشاه فجيبو و شاف فيها بجدية : نعول عليك من هنا لشهر
2
تبسمت او طبطبات على ضهرو: كون هاني غير علمني ايمتا بضبط
+
باس ليها على راسها : ان شاء الله
+
زاد بخطاويه تقال تا خرج داير نضاضرو على عينو و عاقد حجبانو طلع فطموبيلتو تحرك مكسيري غادي يقضي شغالو لي بسبابهم جا قبل لوقت
+
✿ مديــنة الربـــاط ✿
+
فصالون عند ديمنة كانت عندها دنيا مطرطقة بالعيالات كل وحدة و اش جاية تقاد فحالتها ديمنة دوخوها بالهضرة وخ تا هي فيها لهضرة و تبركيك ولايني هادو مكيجيو فين يسدو سيرة على وحدة تا كيفتحو سيرة اخرى
+
ديمنة شادة سيشوار و خصلة من شعر لينت لي كالسة كتجبدو ليها و طالقة معاهم ودنيها و كطرطق لمسكة ففمها و عينيها غتاكلهم من لمراية لي قدامها
+
لعيالات كل وحدة و فيكن شادة لحتيت و خلاص واحد طبقة هوما لي من صباح و هي حاطة عليهم لعين كانو جابدين شي عزري
+
تفتح لباب ديال صالون دخلات جوديا هازا صاكا ديال لحمام و بين يديها قرعة لما كبيرة
+
جوديا جات ترمات فالباياص ديال لاصير كتنهج : ويك ويك صهد اعباد الله
+
شافت فيها ديمنة كطرطق فالمسكة و يديها خدامين : وا رتاحي ازايني و نوضي حركي معايا يدك خلاص
+
جوديا كتشرب من قرعتها و كتشوف شحال ديال ناس تا كوفلات كرشها عاد شافت فالبنات لي كيتحتو : ازينات اش غتقادو
+
شافت فيها وحدة من لبنات و كتعوج فكلستها : انا غنحيد زعب لحمي كامل ولكن (رمات عينها على ديمنة لي نيت مراقباها) تاتسالي ديمنة و لبنات غير ضفار
+
جوديا ناضت من لبياص و دارت لاسيغ تسخن : نوضي اختي كيفي كيف ديمنة
+
لبنت شافت فصحباتها و رحعت شافت فجوديا : لا احبيبة
+
ديمنة ببرود شافت فجوديا : دوزي احبي كملي (شافت فالبنت و حاطة يديها على خصرها) اينا زغب غتحيدي
+
لبنت : كولشي
+
ديمنة شافت فيها بتأسف : هممم دوماج كنحيدو غير دوفي و نقيو لحجبان شي حاجة اخرى لا
+
لبنت جمعات لوقفة مخنزرة : ولاش اختي فاتحة صالون منين مغاديش ديري كولشي
+
ديمنة حكات شعرها منرفزة ودات ليها جوديا لبال و عضات على شنايفها طالبة سلامة
+
ديمنة :عجبك لحال حطي قاعك مرحبا معجبكش قودي عليا مزيانة هادي
+
ناضو صحابات لبنت كل وحدة قداش وقفو جنب صاحبتهم جوديا مراقبة لوضع غير من لمراية و مبردة بدات تاتزرب للبنت لي كتقاد ليها و عينها عليهم
+
وحدة من لبنات مخنزرك فديمنة عاجبها راسها : اش يحساب ليك كرك اسلكوطة
+
ديمنة حيدت لمسكة من فمها بشوية عليها و عينيها مفيكسين على ختنا لي دوات لخرى : عاودي مسمعتش
+
لبنت طلعاتها و نزلتها و من نيتها باغا تعاود مجات فين تنطق تا غفلاتها ديمنة شاداها من شعرها كتنتف و تلصق فالمسكة فشعكاكتها ، يلاه ناوية وحدة من صحباتها تشد ديمنة و هي تنزل عليها جوديا بسيشوار على مؤخرة راسها خلاتها كتغوت بالحريق
+
شبكات مطايفة فصالون كيبان غير شعر كيتشاير دخلو اعيالات كيفكو و شي رجال من جاو الله و اعلم خرجو لبنات مدكدكين كلهم منتوفات و حوايجهم مشريكن
1
لداخل فصالون كالسة جوديا كتسوط و حداها ديمنة كدوز يديها على قمشة قدها قداش فعنقها : تفو ينعل زامل بوها معرفتهم ضفار و لا اش
+
جوديا شافت فيها كتفرنس : وايني اصحيبتي فرستي زامل بوها مالكي معاهم مامولفاش ليك
+
ديمنة تفرشات مسرحة ضهرها كضحك : تكعدي على سلامتك شيخات من صباح و هوما جايدين لهضرة على داك لحمار د بهاء
+
جوديا جمعات لوقفة مخنزرة و عينيها خارجين : شناهوا منين كيعرفوه هوما
+
ديمنة عوجات فيها فمها على غبائها : مال مك مزلجة كون ما لكيدار ديالك كيجي يتبنضد هنا فالحومة كاع ميعرفوه و هو عاجبنو بادرو داير فيها سلمان خان
+
جوديا : اصبري نوري مو
+
مشات بزربة كتقلب على تيليفونها تا لقاتو نيت كيصوني عليها جوباتو بزربة خازة خنافرخا للسما : الو
+
بهاء : زين تحمحم
+
جوديا : اش باغي
+
بهاد بعدم فهم : تي مالك احنينتي ياكما فيك لي متعلم
+
جوديا شوية و تبكي ليه و مكملة عليها شوفة ديال ديمنة : بعد مني
+
بهاء : خرجي عندي ازين نتفاهمو خرجي
+
جوديا : علاش نتا هنا
+
بهاء : وا خرجي
+
قطعات عليه و شافت فديمنة بنص عين ، لقاتها نيت ناوية تهضر
+
ديمنة نيشات ليها جيهت لقرعة : اري ابنتي ديك لقرعة و سيري بحالك
+
مشات مداتها ليها عاقدة حجبانها : حشومة عليك
+
شدات من عندها ديمنة لقرعة يلاه جغمات منها و هي تمدها ليها : فمك باسل الملاوي
+
جوديا خدات قرعتها معنقاها عندها : بزاف عليك الحمارة
+
جغمات منها كتفقصها خلاتها كتنكر عاد خرجات غضبانة عندو لقاتو نيت مباركي طموبيل و كالس كيساينها طلعات شافت فيه : مالنا اش باغي
+
بهاء : مالك قالبة كمارتك اش درت تاني
+
جوديا عوحات فمها غضبانة : دار ليك قول امين
+
بهاء مفهم فيها والو عاد كانت معاه لبارح حلوة : تي مال مك كتقلبي اش طاري
+
جوديا رمات عينها ليه : و بسيف واش انا كنت بيخير فحياتي مناقصني خير تاوليت نلقا راسي مطايفة مع رباعت لقحاب على ودك
+
بهاء ضحك تا بانو ضروسو : كتغيري اشعيبية و وليتي تشابكي بريوس
+
سكات معنقة قرعتها عاطياه نخال ، بهاء بقا كيضحك تا تقج و ولا يكح عينيه خارجين دارت عندو مخلوعة : اويلي بسم الله عليك (بدات كتخبطو فضهرو و والو شدات لقرعة حيدات ليها لغلاقة) شد شرب خود الويل
+
خداها بهاء من عندها نزل عليها كلها تا تنفس و تطلق شاف فيها مبنن : احح اجوديا هاد لما عندك حلو و على مبناتو العفريتة اش دايرة فيه
+
جوديا حشمات و هي تبقا غير دور فعينيها تا حرها لعندو معنقها و كيصالح فيها تا رطابت ليه عاد طلقها تمشي بحالها
+
ديمنة بقات متكية كتصنت لعضامها عاد ناضت تاتجمع فصالون رجعاتو كيف كان و بقات فيه كتستقبل لكليان تا ضلام لحال عاد تمات جاية ليها جوديا عونتها و سدو صالون و مشاو خداو لعشا واجد و تحركو للدار كل وحدة شدات قنت ، ديمنة دخلات لبيتها دوزات ابيل فيديو لجبريل بقات شادة مع لحتيت تا داتها عينيها و هي حالة الابيل …. خلاتو كيتمنضر فيها تاشبع عينو عاد قطع ..
+
✿ صـبــاح جـديـــد ✿
+
جبريــل مع لخمسة صباح تكعد شد طريق للرباط ناوي يفاجئها و مجايش بيدو خاوية بطبيعة لحال من نهار حط رجلو ففرانسا فينما تبان لو شي حاجة كيشريها ليها تا عمر ليها باليزة غا ديالها و تا منين هبط لوجدة منساهاش و خدا ليها شلا حوايج راه كتبقا مدللتو كيف كيوصفها، كان مبقا ليه والو و يدخل للرباط غير شي نص ساعة
+
عند ديمنة حلات عينيها على دقان مجهد فالباب ناضت طافجة لقات جوديا تاهي نايضة دايخة بنعاس : اشكون كيدق
+
جوديا : منعرف
+
زادت بخطواتها حلات لباب مخنزرة تا ميبانو ليها لبوليس واقفين ببدلتهم رسمية تكلم واحد منهم برسمية : الانسة ديمنة ؟
+
ديمنة : هي هادي اش طاري اشاف
+
لبوليسي : تفضلي معانا للدائرة عليك شكاية نتي و بنت مدعوة بحوديا المخلوفي
+
ديمنة بتفهم : مرحبا نلبسو و نلحقو عليكم للدائرة
+
لبوليسي : لا الالة غترافقينا فسطافيط
+
ديمنة هزات فيه حاجبها مخنزرة و باغا تاكل راسها بالفقصة : ايه وخ
+
دخلات لقات جوديا شاداها لبولة ، مشات ديمنة رمات عليها عباية و لاحت لجوديا تا هي عباية : تهزي لبسي عليك نمشيو نفاريوها
+
لبسو عليهم بزربة خرجو عندهم لقاو جيران كلهم كيطالو و كياخدو تبركيكة طلعو معاهم و غادين شادين داندو او بالاحرى غير ديمنة لي كتحاول تخلي جوديا تطلق و متبقاش مخلوعة
+
وصلو للكوميسارية كلسوهم كيتسناو تا طباو عليهم زكاكهم بالكلاس عاد نوضوهم دخلوهم لمكتب عند لكوميسير، ديمنة غير شافت لمكتب ديالو و هي تكحل بالعما علاش تنسا شحال من مرة خوات بيه فينما يقول ليها نتلقاو كتهرب
+
دخلو حانين راسهم شاف فيهم توفيق و كيحقق فديمنة و حنا راسو بزربة على لملف لي كان عندو فالبيرو كيحقق فسمية ناض جمع لوقفة مامسوق لا للبنات لي كالسين لا لتواحد وقف قدامها هاز ليها راسها لقاها شوية و طلقها ببكية
+
توفيق : ديمنة مالكي
+
ديمنة هزت فيه عينيها كدبلهم : حشومة عليك غير حيث مبغيتش نتلاقا معاك مصيفط ليا لبوليس يجيبوني بحال شي مجرمة انا و صحيبتي
+
توفيق : تي لا بربي معرفتك نتي نيت لي منوضاها مع خياتنا
+
رجعات حنات راسها و معاها جوديا كطبطب ليها على ضهرها : دير خدمتك الله يرحم باك
+
شاف تا عيا و مشا كلس فالبيرو ديالو بدا كيحقق مع هادي و مع هادي و فينما يبداو لبنات لي مقدمين شكوى يهضرو كيهنزر فيهم تا كيسقلو ما سالا معاهم تا خلاهم يتنازلو على شكوى
+
وقعو على شلا وراق و خرجو مسرسبين بقات ديمنة هي لخرى غادة على لبيض يلاه خرجات جوديا و هو يزرب توفيق على ديمنة جارها يدها : تسناي
+
ديمنة : بغيت نمشي بحالي اتوفيق
+
توفيق حط يدو على خصرو متنهد و كيشوف فيها برجاء : ساعة بالحساب و نردك
+
وكلات امرها لله و وافقت خرجت عند جوديا علماتها تمشي تسبقها للدار، خرحات هي و توفيق طريق كلها ساكتة مقالت والو فقط كتفكر بأنها خاصها تخلص منو و تسالي معاه هاد لعلاقة، كاع صحابها تسلتات منهم بقا غير هو ملقات ما تشد عليه اش غتشد و هو كيموت على خراها، عقلها كيمشي و يجي و كل فكرة طيح عليها من قنت لدرجة محساتش بطريق تا كان وقفها قدام لكورنيش
+
هبطات وقفات كتشم فالهوى تا جا لحق عليها توفيق و من ورها تلفتت لعندو كتشوف فيه كتسناه اش باغي يقول
+
توفيق بهدوء : ديمنة واش درت ليك شي حاجة ؟
+
ديمنة ساطت كتشوف بعيد : لا مدرتي ليا والو اتوفيق غير ..
+
توفيق شدها من دراعها بحنان مقاطعها : غير شنو شوفي اديمنة مباغيش نخسرك نتي عندي غالية و باغيك حلالي
4
ديمنة بلعات ريقها دورات راسها بزربة بلا و رامية عينيها على شارع بضبط لجيهة لفيروج واقفين طموبيلات كيساينو يشعل ضو لخضر ولات غا كترعد ما متيقاش ولات كتسد وتحل فعينيها باغا تأكد فمها تجمد عليها مبقات قادة تقول والو
+
زعزعها توفيق بشوية و هو كيتلمس فوجهها و هي عقلها ماشي معاه مفاقت على راسها تا جات عينيها فعينو منين دور راسو ديركت ليها ،عاد وعات و باغا تخبى ولكن لي عطا الله عطاه كان شافها و ميزها ما بين كاع ناس .
32
يتبـــــــــــــــع …
+
