#𝟏𝟐
+
✿ فـــي حــضــن الـأربــعِــيــنــي ✿
+
𝐈𝐧 𝐭𝐡𝐞 𝐚𝐫𝐦𝐬 𝐨𝐟 𝐭𝐡𝐞 𝐟𝐨𝐫𝐭𝐲-𝐲𝐞𝐚𝐫-𝐨𝐥𝐝
+
𝐁𝐘 :𝐍𝐎𝐔𝐇𝐀𝐈𝐋𝐀 𝐍𝐍𝐎 / 𝐓𝐮𝐛𝐚𝐄𝐥𝐢𝟏
+
….
+
مدازش بزاف تاع لوقت تا كان وقف طموبيل قدام كلينيك,رمى عينو لجيهتها كانت ناعسة معنكشة و شادة على دراعها
+
ساط محيد سمطة هبط قاد حوايجو و دار لجيهتها حل لباب، ماطا يدو كيحيد ليها صمطة بشوية تا تحركات من بلاصتها مبرزطة
+
هزت فيه عينيها كتفوه : وصلنا
+
جبريل مد ليها يدو تشد فيه : باقي هبطي يشوفو لك يدك
+
ديمنة دورت عينيها من زاج و رجعت شوفتها ليه : لا مكاين لاش مبقاتش كضرني كيف لول
+
جبريل بجدية : كوني تسمعي و هبطي بلا منعاود لهضرة
+
ساطت كتأفأف و تنكر تحت منها : هاهي هابطة
+
مدات لو يديها هبطات بشوية عليها… دخلو للكلينيك وجهاتهم موضفة الاستقبال عند طبيبة دخلو عندها درات لفحص طبي لقاتها غير فدعة دورات ليها لبانضة على يديها و خرجات ليها شي مسكينات كيهمدو الالم …
+
خرجو من لكلينيك و هي قابطة فيه كتمشي بشوية بحال مفدوعة من رجليها ماشي من دراعها ،هزات فيه راسها تا عواج عنقها مفكرة شي حاجة
+
ديمنة : {مصغرة فيه عينيها} كدبتي عليا ياك !
+
جيريل : {شاف فيها بنص عين و دور راسو بلا حولا} فاياش بسلامة الالة
+
ديمنة : ياك قلتي ما غتجي تالسيمانة لماجية
+
جبريل : {كيحل لباب ديال طموبيل و كيهضر} وجهك ماشي ديال لمفاجائات يصلاح غير للعصا و للقمع
+
ديمنة : {طلعات و كدير فيه شي تطليعات بحالا واكل ليها رزقها} ياك زيدني احبيبي
+
جبريل سد لباب و دار لجيهة لاخرى طلع تاهوا و قلع مكسيري محبس تالدارها وقف فالباب تلفت لجيهتها مطول فيها شوفة : هبطي رتاحي مع راسك بلا متخدمي فهاد ليومين
+
ديمنة بلعات ريقها منين تفكرات لملف ايه كيفاش غتنسا شافت فيه موسعة عينيها : جبريل
+
جبريل : {بصوت ممزوج ببحة} ياك لباس
+
ديمنة بتعلتم : مكتيقش فيا ياك ؟
+
جبريل لعب بلسانو وسط فمو مفيكسي عينيه فعينها جرها من إيدها صحيحة معاونها تا جابها قدامو مجلسها فوق رجليه وتنهد ناطق بهدوء وهو كيلعب بخصلة من شعرها بين صباع يده الحرشة
+
جبريل : “لا سولتي قلبي، غيقول ليك كنثيق فيك حيث غارق فيك وعميتي ليه البصيرة.
ولا سولتي عقلي، غيجاوبك بسؤال مغيريحش بالك، حيث واخا غارق فيك باقي ساحي، غيقول ليك عندي شك في ثقتي فيك، كديري المصيبة ودفعي العربون فختها، دايرة بحال داك لي كيسرق النعاع، وفاش يحصلوه يقول ليهم: ‘بغيت ندير أتاي’ كتكذبي وتخبي، وفاش تحصلي، تبداي دمعي وتقولي نيتي كانت زوينة
+
ديمنة حطات يديها كتلعب فصدافي ديال لقاميجة : يعني مكتيقش فيا
+
جبريل رجع ليها شعرها لور : هضرة وحدة قلناها و صلاة على نبي
+
ديمنة تحركات من فوقو تا حسات بشي حاجة قاصحة تحت منو اكيد عرفات شنو تحتها ماشي وحدة غشيمة و مكتعرف والو طيحو ربي مع باطرونة
+
تعمدات تعوج فكلستها و عينيها يلاه ناوية تزيد تمحكك تا كان حكمها من مؤخرتها بيديه لحرشة متبتها تا تطراساو صباعو عليها
+
جبريل زفر بسخط : غتريحي ولا نتكيه فمك تاللوالدة
+
عضات على شفتها سفلية بضحكة خبيتة : مديرش زعما بحساب يدي لي هرستيها همممم
+
جبريل دور يدو على خصرها : هو راه تيقولك لمرأة لمكلاتش لعصا من لحد للحد مترتاحش
+
ديمنـة : ياك اسيدي (ناضت رجعت لبلاصتها مخنزرة) حل حل ليا لباب نمشي ندخل بحالي
+
جبريل رمى عينو على درت كانت دنيا ساقلة هبط هو لول فتح لكوفر هز ليكادو لي كان جاب ليها حطهم حدا باب دار مجا فيت يدور تا لقاها واقفة ليه عند راسو كتخشخش بسوارتها و كتشوف فالباليزة بإستغراب
+
ديمنة : اويلي تا شتك جايب باليزة اخويا رجوع الله معندي فين نسكنك معايا داري صغيورة بزاف انا و مكافيانيش
1
جبريل خشا يدو فجيبو كيسمع ليها و هي كتعلر تا سالات على خاطرها : حلي خربتك بلا قوة لهضرة
+
ديمنة عقدات حجبانها مفاهمة والو : وا راه داوية معاك بصح تا اش غيقولو عليا جيران مدخلة راحل لداري بلا موجب شرع
+
جبريل حك على لحيتو بالفقصة نطق مغدد : مال جدك فيك قوة لفهامات (خبط لباليزة برجلو خلاها تقفز من بلاصتها) راه فيها غير شي حوايج ليك
+
ديمنة عنييها تحلو و صحصحات حنحنات و نطقات عاضة على شفتها كتبتاسم : هي جايب ليا شي كادوات و مالك ما راضي تقولها (قربت ليه حاطة يديها صحيحة على صدرو هازة راسها فيه مدبلة عينيها) سعداتي بالحبيب ديالي مفكرني شكون بحالي
+
جبريل طول فيها شوفة و ضرب يدو فجيبو جبد كارو رجع بخطوة لور شعلو مبعد عليها : بايـتة راسك ولـا ؟
+
ديمنـة : لـا كاينـة جوديـا
+
جبريل شار ليها بيديه لي فيها لكارو جيهة لباليزة : دقي عليها دخل ليك هاد لباليزة و تعاونك منين تبغي تبدلي شراوطك (شاف فيها بجدية مكمل) و وجدي راسك فشهر جاي، ديك ساعة مكاين لي يقول فلانة دارت فلانة ما دارتش(خلاها كتبرقق فعينيها و دق لباب كيف دقة لمخزن) يلاه تحركي دخلي بحالك
+
ديمنـة باقا مستوعبت هضرتو حتى كانت جوديا حلات لبال و طلقاتها بشقهة كتشوف فيد ديمنة مصدومة جبريل بلا ميكتارت ليها نطق بخشونة : تحركي اديمنـة دخلـي
1
ديمنـة دخلت للعتبـة ديال دار غير كسدتها لي حاضرك اما عقلها طاير فديك غتولي على دمة راجل ولا كيدور ليها فبالها فواش غادي دير شغل رجال منين كيدخلو ضرة على عيالاتهم ما ستوعبات حتى كانت جراتخا جوديا سادة لباب و كتشوف فيها مخلوعة قلبها غيسكت بالخلعة
+
جوديا : هالعار اختي ديمنة مالكي مال يدك دارها ولد لحرام صافي عرف باش عطبك ياك (شافت ساكتة و هي تنخضها تا مشات و جات) يا تي ادوي
+
ديمنـة هزات حاجبانها و كترمش : شكون هادا اش عرف ؟
+
جوديا : نسولك نتي شكون عطبك ازغبية اش درتي
+
ديمنة هزات كتافها كالسة فوق لكنابي : حصلني مع لكلب ديال توفيق
+
جوديا لما نزل ليها فركابي خبطات على فخاضها بجهد مخرجة عينيها : اويلي هلى بنت لحرام و كتقولها بدم بارد ايه و كي طرا
+
ديمنـة (شافت فيها بعينيها مدمعين) ليوم فلت منها غدا ولا بعدو موحال واش نفلت يا غنمشي للقبر يا غنولي بلا رجلين
+
جوديا : (ندبات حناكها مصدومة) هاويلي حاي
+
جمعات رجليها عند صدرها كتعاود ليها بتفصيل لممل تا وصلات للبلان ديال لملف لي مبغاش يتسرط ليها بلانو مكرهاتش تبدل سميتها و كنيتها
+
جوديا حالة فمها مضهشرة : قوادت يا بنتي معليك غير تمشي تقنعيه ينسى موضوع لملف و ما يجي منو
2
ديمنة رمات عينيها فصورتها فالحيط ساهية : كي غندير ليها ياختي اووف
+
جوديا تنهدت ناضت واقفة جارة لباليزة باغا دخلها ليها للبيت حتى قاطعتها ديمنة
+
ديمنة : اري حليها نشوفو اش جاب فيها بعدا
+
حطاتها قدامها و مكمشة عينيها من تقلها حلاتها و كلسات فالارض ، هبطت حداها ديمنة كيدورو عينيهم فالباليزة لي عامرة كلها بشلا حوايج من ديمارك واعرين و روايح كيدايرن خرجات تبسيمة خفيفة من فمها و عينيها كبريو بالفرحة كيف شي درية صغيرة تنسات لوجع لي فيدها و بدات تجبد و تشوف هادي و هادي
1
و غير كتفرنس كيف راس لمشوط معاوناها جوديا كتسرح ليها لحوايج تشوفهم و لبايسة لي جايب ليها منها جوج كتاخد وحدة و كتعطي لجوديا وحدة مامخلياهاش بلاش تا من روايح تقاسمتهم معاها بكل حب مكبراتش كرشها عليها شيئ لي خلا جوديا تشوف فيها و دمعة واقفة فطرف عينها بلا متحس ترمات عليها كتبكي و تشهق
+
كتشوف لحنان لي ملقاتوش فمها و خوها لقاتو فصاحبتها لي غير اعوام قليلة باش تعرفو على بعضياتهم خلاصة القول تأترت بجيست ديالها ماشكتات تا ناضت ديمنة كتنكر عليها و تسكت فيها ..
+
ناضو جمعو داكشي ديمنة وخ بيد الا و انها خفيفة فجميعها كيف سالاو دخلات معاها جوديا للحمام عوناتها تا حيدات حوايجها و هبطات ليها شعرها كتغسلو ليها مكايسة عليها…
+
❀ صــبـاح جـديــد ❀
+
جوديا فاقت من نعاس هيا لولة تشبحات فبلاصتها وعينيها باقين ذابلين بنعاس ساسات عليها العگز وحيدت لمانطة تلفت
+
ل ديمنة لقاتها باقة حالة فمها ومنشورة فوق سرير شادة لبلاصة كاملة و شخير خفيف كيخرج من بين شفايفها شافت
+
حتى عيات تنهدت وخرجت من الفراش بشوية باش متفيقهاش دخلت لطواليط دوشات وطرفات حالتها خرجات لاوية عليها فوطة ساترة لحمها بدلت دغيا حويجها لوحد الكسيوة صيفية حمرة و ضفرات شعرها ومشات
+
الكوزينة قادت الفطور فطرات وغطات فطور ديمنة حتى تنوض تسخنو و هيا زربات على شي مواعن كانو من لبارح حلت ثلاجة كتفكر اش دير لغدا حتى طلات في الفريكو لقات غي الحوت و دجاج ومكاينش لحم
+
وديمنة كيعجبها لحم و معندهش مع دجاج و الحوت تنهدت ما فيها لي يخرج يتسخر دابا ولكن معندها ما دير سدات ثلاجة ولبسات سبادري بيضة وهزات ساكها وخرجات مشات
+
لعند واحد واحد لگزار قريب عبر ليها شحال بغات في لحم يلاه خشات ايدها في صاكها بغات تجبد بزامطها ملقاتوش وهيا تفكر فاش نساتو في صاك لي خرجت بيه لبارح وجها ولا حمر ومرضاتش
+
يلاه كنت بغات تقول ليه غي يرد لحم وهيا تسمع صوت رجولي وراها زعزها : جمع اسماعيل لسيدة اشبغات راه كنعرفها
+
بهاء لي اليوم كان كيديور على لمحلات ديالو وبصدفة هذا المحل تاع تگزاريت ديالو يلاه دخل وهو يضرب على جوديا بقا كيهبطها ويطلعها بنظرات اعجاب وحتى تعابير تاع وجها فاش خشات ايدها فصاك و كيفاش تصعقت …
+
تقدم بهاء بخطوات وقف مقابل معاها خطف شوفة فلباسها عاد نطق طانز : وليتي تغفلي القردة واحد جوج تلاتة نلقاك فالهند
+
جوديا تبسمات ليه حشمانة من لكزار لي واقف حاضيهم نطقت من تحت فمها بزز : بيغت ليك شوهة يالمشوه
+
بهاء : تي طلقيها تسرح (شاف فالكزار غامزو) سماعيل جمع لحساب ديال هاد سيمانة مع سيمانة جايا (هز ميكة لحم لي كان محطوط على لكنطوار محرك ليها راسو باش تحرك)
+
جوديـا قلبات دورة غادية و كتسب فراسها على هاد تحشيمة لي وقعات ليها معاه متسرطاتش ليها وقفات منين حست بيه وراها تلفتت لعندو خطفت ليه ميكة لحم من يدو
+
جوديـا : زيد وصلني نيت نعطيك رزقـك مابقاش تسال فيا
+
بهاء خنزر فيها خاطف ليها لميكة من يدها : اندوخ مك البعلوكة كيفاش نعطيك رزقك مالنا بينا حنا لحسابات
+
جوديا دورات عينيها كتفرفر : لا خويا معزيزش عليا لكريدي
+
بهاء شاف فيها مطول و دار ضحكة جانبية : هي غادي تخلسيني
+
جوديا عوجت فيه فمها : اودي غا زيد طلقنا خلاص نعطيك سوانتك
+
بهاء عقد حجبانو : لا الالة شكون قال ليك انا بغيت فلوس
+
جوديا حطات يديها على خصرها بإستغراب : و باش باغي نخلصك بسلامة بدهب و لويز افيق امولاي راه قدامك غا جوديا ماشي اليزابيت
+
بهاء ضحك تا بانو سنانو مستفين جرها من يديها غادي بيها : اودي زيدي ياهادا لبروصي نهبطو غير جيهت لكورنيش مالك معكة و عطياها غير للشكا و للبكا
+
جوديا تعكسات ليه : لا ياخويا مالك هبيل شوف طنطينة تاع شمس و هاد لحم غادي يخناز مشفتيهاش
+
بهاء : (دور عينيه كيفكر و هو يشوف فيها بتحدير) بقاي هنا هاني جاي
+
جوديا عينيها غير فميكة لحم : اجي ارى دوك لحيمات بعدا
+
فين هو راه طار مشا حطو بالخف عند سماعيل عاد جا عندها زادو كيتمشاو بنكير مخلات مسمعاتو تا وصلو للكورنيش ضرب فيها ريح عاد بردات و نسات طنطينة تاع شمس ..تحركو كلسو فواحد لقنت خاوي كلسو كيتعاودو
+
و كل مرة ينوضوها سبان و معيور على شي بلان متفاهموش عليه حتى صقلو بجوج منين سمعو تيليفون واحد فيهم كيصوني
+
جوديا شافت فيه كيشوف ساهي فتيليفون مخليه فيديه كيصوني ضرباتو بيديها مازحة معاه : امالك اولدي خايف تجاوب ياكما لمدام
+
بهاء (شاف فيها كيضحك) : ياودي فينها لقيتها
+
مجات فين ترد عليه تا كان عاود كيصوني شاف فيها مبسم : سكتي واحد دقيقة نشوفو هاد خونا
+
جاوب ضاحك كيفرنس : وي با عزوز … فينك بضبط
+
بقا ساكت كيسمع و كيشوف فساعة فيديو : وا عرفتي شنو دوز ليا لملف للكورنيش راك قريب ليا ما فيا لي يطلع تالعندك
+
قطع تيليفون رمى عينو عليها لقاها مطرطقاهم و كتسرط فريقها عند بالو غا شافت شي حاجة و دارت هاد رياكشن معندش بالو بلي سيدة ولات عندها فوبيا من شي حاجة سميتها ملف
1
بهاء ستغل هاد سهوة ديالها و هو يصورها و غطس راسو تيقاد ليها ستيكرز حابس ضحكة غير بزز حتى مبقاش قادر طلقها قداش يضحك و يعاود خلاها دور عندو مستغربة
+
جوديا : اويلي تا فعار الله احنيني ياكما مسكون خاصك ترقى
+
بهاء محبس ضحك غا بزز ماطا ليها تيليفون تشوف مع ضربات على تصويرتها و هي تخرج فيه عينيها و كتضرب ليه فدراعو
+
جوديا : يا ليهودي محشمتيش غا علمني نتقاد
+
بهاء عينيه دمعو عليه : لعلمتك مبقات متعة
+
خنزرات فيه مزيان و هي تقلب وجهها عليه مقلقة زعما، هلاتو غا كيضحك تحت منو و مرة مرة كينغزها باش يضحكها حتى رجعات كضحك معاه حتى هي … رجع صونا تيليفون ،ناض جاوب و كيدور فعينيه دقيقة مكملاش قطع لخط و شاف فيها بزربة
+
بهاء : هاني جاي
+
جوديا شافت فيه بتخوف و ضحكتها تجمعت حركت ليه غير راسها و قلبها كيشطح ركادة بحالا لملف كيخصها هي ناض جاوب و كيدور فعينيه دقيقة مكملاش قطع لخط و شاف فيها بزربة
+
بهاء لاح ليها كلامو وهو محرك غادي : هاني جاي
+
جوديا شافت فيه بتخوف و ضحكتها تجمعت حركت ليه غير راسها و قلبها كيشطح ركادة بحالا لملف كيخصها هي ماشي ديمنة ويمكن كون كان لملف ديالها هيا مكانتش غتحس بهذا الخوف كامل بقات كتسنى فيها على أعصابها
+
دازو شي دقائق وهو يبان ليها راجع وهاز في يدو ملف صفر صافي تما تزيرات تاع بصاح ضفارها حفرو في راحة يدها بكترت ما سادهم وجامعهم عندها و مزيرهم
+
قرب ليها بهاء وهو راشقة ليه لمورال ديالو ضارب في سقف وهيا معه وحتى داكشي لي وصاه ولد عمو عليه هاهو بين يدو
+
طلع فيها حاجبو مني وصل قدامها من تزيرة لي تزيرات: امالك اانسة يلاه خليتك صحة سلام
+
جوديا هزات فيها راسها وهيا كتحاول تخرج من ديك الحالة لي دخلت ليها حكت ايديها مع بعضياتهم و هيا عينيها غير في لملف : مالي والو بخير
+
بهاء جوابها مرضاهش حدو نطق مخاطبها وهو كيحل في لملف: ابلاتي نشوف هذا الحريرة ومن بعد غتقولي ليا مالك بهلا يطريها لوالديك
1
مع فتح لملف عينو طاحت على كلمة مزوجة عينيه تكوانساو تما نسا يرمش من صدمة بشوية بشوية بداو حواجبو كيتعقدو وكيزير بيديه على لملف لملامح تاع وجهو تقلبو في ثواني تصدم تصعق ولا كيقرا و يغاود و يشوف فيها و يرجع يشوف فالملف
2
جوديا غي شافت ردة فعلو عرفات عرف اش مخبيين فقدات شعور في هذا لحظة بلا ما تحس بداو كينزلو دموعها مسرسبين و نفس تخنقات فيها و تعرق و تنشف راسها
+
بهاء لعروق تطراساو فراسو و زير على قبضة كيشوف فيها بعدم تصديق : شهادشي كيفاش مزوجة ولا مقلوية
+
جوديا مقدراتش تنطق يلاه كتبغي دوي كتخرج شهقة مقطعاها ،زادت كملات عليه محس تا شدها من كثفها مزير عليها : وا دوي ازبي نطقي
1
جوديا برجفة : هي ماشي خايبة
+
بهاء عض حنكو من لداخل و عينيه رحعو كيف جغيمة دم خشا يدو فجيبو كيشوف فيها مخنزر : ها حنا غنساليو هاد لملف نشوفو منين يعرف لي كيخصو اش غيطرا
+
جوديـا عينيها خرجو و تنفس ضياق خافت على صاحبتها و تكون ليوم كنازتها قلبها دق بجهد و ودنيها كيصفرو عليها تعمات ليها لبصيرة، كتشوف فيه عاطي وجهو للبحر و عاطيها بضهر حاط تيليفوعلى ودنو فشلو ليها رجلين و تكوانسات لمدة قليلة
+
بلا متفطن براسها نزلات على ركابيها كتبوس ليه فرجليه وتبكي بكا كيقطع فالقلب : عفاك ها لعار الله يخلي ليك ما عزيز عليك لما سترها ابهاء راه غادي يقتلها لعرف
+
بهاء زاد زير على تيليفون بين يدو مهبطو محملش ستون لي دارت بغا يدفعها عليه ويقود بحالو يقول لجبريل كولشي ولكن معطاتوش خاطرو يخليها في هذا الحالة تنهد تنهيدة طويلة كيحاول يكثم فيها تعصيبتو وتحنى موقفها من كتافها و دوا مفقوص لاول مرة تلمس فيه لجدية فكلامو : كيف ما نتي صاحبتك كتبوسي عليها رجلين انا ولدي عمي منقدرش نكذب عليه و نعيشو فالوهم
+
جوديا شادات ليه في ايدو وهيا كتنخصص ونفس كطلعو ثقيل: بهاء عفاك يرحم والديك بمعزتي عندك مديرهاش… لا كنت كنعني ليك غي شوية مديرهاش ديمنة غتموت فيها والله حتى كتبغيه ماشي لخاطرها
+
بهاء لعبات ليه على لمزاج بديك كتبغيه خنزر فيها تخنزيرة قاطعة كيغوت على جهدو : راش لي كيبغي القحبة تيكدب واش باغا تحمقي زامل بويا
+
جوديا تساست بقوة لبكا و ملامو زاد كمل عليها دابا شافت فيه و روحها غطلع و باقا شادة على ايدو : غيقتلها
+
بهاء ببرود : من عندي غير تموت
+
جوديا : غيدخل للحبس
+
بقا ساكت كيشوف فيها مامسروطاش ليه و مراضيش لولد عمو هاد لبلان ،جوديا شافت فيه مطولة بان ليها مغاديش يسمع ليها و هي ترجع كتغبن بجهد و حدرت على يدو كتبوس و كطلب و تزاوك بصوت مغنغن
+
بهاء قصح قلبو حتى عيا ولكن مني شاف حالتها مقدرش نثر يدو منها : مغنعطيش لملف لجبريل بشرط
+
جودية حسات بلأمل من كلامو طلقات من يدو ورجعات لور بدات كتمسح دموعها بيدها: شرط.. شنو هو هذا شرط
+
بهار و عينيه فقلب عينيها: قنعي ديمنة تفارق مع جبريل بلا صداع بلا مشاكل تغبر أثرها ميبانش ضبر لراسها ولا غنصيفط ليه لملف ديك ساعة ضبر لمحاينها معاه
7
يتبـــــــــــــــــع …
+
لهبيـزات تهلاو فصحباتكـم راه قلال بنات ناس كيف جوديا عارفة بلي نسبة قليلة ليها عندها وحدة كيف جوديـا 🥹
1
خليـو ليا أرائكـم و ضروري تخليـو ليا توقعاتكم لشنو مزال تابعنا و واش ديمنـة غادي تفارق على جبريل ؟ ولا جوديا غادي تقنعها ؟ و جبريل واش غيعرف ؟
+
بزاف ديال نساؤولات مطروحين غتكون اجوبتهم فالفصول جايين ولكن بغيت توقعاتكم و اجوبتكم عليهم 🦦
+
و أخيرا كنعتادر على لغياب و على تأخير نزول لفصل ماشي لخاطري راه لي مجربة تكتب عارفة شنو كيطرا من مور ما كتفقد شغف ♨️
+
أحـبـكـــــم💗😩
+
