رواية كسر الروح الفصل السادس 6 بقلم آلاء محمد
تاني يوم الشمس طلعت بقوه كالعاده من قلب سواد الليل وسواد الحزن والالم مفيش تمييز بالنسبه لحد ، بس القدر كان ليه راي تاني..
صحي مصطفي الصبح ع صوت حد بيخبط ع اوضته قام بص حواليه وفتح الباب لقي ياسر بيرمي الشنطه ف وشه ودخل قعد ع الكرسي.
ياسر: كل ده نوم يا عم ، انت ايه بقالك كام سنه منمتش؟؟
مصطفي: ياسر!! ايه اللي جابك هناا وعرفت اني هناا ازاي!!
ياسر: بعد ما كلمتني امبارح قلقت عليك ، طبقت وخلصت كل شغل الشركه وركبت العربيه وجتلك.
مصطفي: يا ابني وليه تتعب نفسك اناا كويس والله..
ياسر: متحلفش بس ، الكلام ده تروح تقولوا لحد تاني ، حد ميعرفكش كويس..
مصطفي: اناا متشكر اووي يا ياسر..
ياسر: انجز يا عم انت هتمثل ، اناا جعان ، اطلب ليناا اكل عشان عايز انام شويه…
مصطفي: طيب تحب ناكل هناا ولا تحت…
ياسر: اناا مش قادر اتحرك اصلاا ، خليناا هناا…
صحيت لوكا لقيت نفسهاا نايمه ف حضن شيري والاتنين نايمين ع الكنبه..
لوكا: شيرين ، قومي يلااا ، ايه اللي نيمناا هناا بس..
شيري فتحت عنيهاا: صباح الخير. انتي كويسه؟؟
لوكاا: ايوا كويسه
وجت لوكاا تقوم شيري مسكت ايدهاا..
شيري: لوكاا اناا عارفه انك تعبانه بس عشان خاطري حاولي تنسي اللي فات وخليناا نعيش زي ما احناا ، مبسوطين وفرحانين ، سيبي الماضي ف الماضي واحنا معاكي ومش هنسيبك ابداا ، ولو وجودهاا فارق معاكي ، اعتبريني امك يا ستي ، بس عشان خاطري متعمليش كده ، مش حابه ابداا اشوفك كده ، انتي قويه ، ع فكره اناا بستمد قوتي منك انتي ، لانك اقوي واحده كلناا…
لوكاا انا مش قويه يا شيري ، اناا تعبانه ، تعبانه اووي ، انا طول الوقت بمثل القوه بس من جواا انا هشه وسهل اني اتكسر ، حاسه اني مش قادره اكمل..
شيري: لا هتكملي وهتقدري ، عارفه ليه عشان في ناس متعلقه بيكي ، ووجودك مهم اووي عندهم ، احناا بنحبك ومش هنسيبك ابداا..
لوكاا ضحكت واطمنت..
شيري ابتسمت: ايواا كده وخلي بالك انتي مش اختي وبس انتي كماان حماه ابني..
لوكاا:نعم!!
شيري: اهاا واناا هلاقي لابني عروسه احسن من بنتك.
لوكاا:ههههههههههههههههههه افكر..
شيري: ماشي يا اختي ويلا بقاا قومي عشان همووت من الجوع.
لوكاا: طيب خشي انتي خدي شاور وانا هجهز الفطار واشوفي لولي.
عند سامح..
سامح: لينااا ، يلااا عشان المدرسه..
ليناا نزلت من اوضتها بهدوم البيت: لا اناا مش هروح انهارده..
سامح: ليه ، انتي فيكي حاجه؟
لينا قعدت ع الكنبه: لا مفيش..
سامح راح قعد ادامها ومسك ايديهاا: امال مش عايزه تروحي ليه ، في حاجه مضيقاكي؟
ليناا: انهارده ف اجتماع للامهات وهيعملواا حفله كماان وكل بنت هتجيب امهاا معاهاا وبيقعدواا يسالوا اسئله بارده زيهم واناا مش ناقصه…
سامح فهم وجع ليناا وفهم ايه اللي بتمر بيه ، ليناا عندهاا 7 سنين بس ، لكن عدم وجود ام معاهاا خلاها تكبر قبل اوانها ومتعيش طفولتهاا زي كل اللي في سنهاا ، خلاهاا دايماا ساكته ومش بتتكلم مع حد كتيرر ، خلاهاا منطويه ومعندهاش صحاب ، خلاهاا حزينه وطول الوقت حاسه انهاا لوحدهاا.
سامح قعد قدامها ومسك ايديها: لينا خلاص متزعليش ، هو انتي مش مبسوطه وانتي معايااا ، او اناا اثرت معاكي ف حاجه؟
ليناا: بالعكس ، انت عوضتني عن غيابهم كتيررر ، وانا اساسا مليش غيرك..
سامح: حبيبتي ، واناا كمان معنديش غيرك ، مفيش حد ف حياتي بحبه زي ما بحبك ، اماا جيتي للدنيااا وشيلتك اول مره حسيت بشعور غريب ، حسيت انك بنتي وكنت عايز اخبيكي من كل الناس وكنت بقول لابوكي انا عم العروسه ، ابوكي ياماا جابلي هدايا بس انتي احلي هديه جبهالي واخر هديه منه ، حبيتك اكتر منه ،(وبصلها سامح وهو حزين) بس بكراا تكبري وتتجوزي وتسبيني…
ليناا: انا عمري ما هحسيبك ابداا انت اللي ممكن تتجوز وتنساني..
سامح: بقولك انتي اخر هديه من اخوياا توامي ، عمرك سمعتي عن حد ساب الهديه بتاعته او نسيهاا..
لينا بابتسامه:لا..
حضنته ليناا بحب ، هو خلاص كل حاجه بالنسبه ليهاا ومش هتسيبه ابدااا…
عند لوكاا…
دخلت لوكاا اوضتهاا تغير هدومهاا بعد ما جهزت الفطار ، دموعهاا نزلت غصب عنهااا ، عمرهاا ما كانت تتمني ان ده يحصل ، انهاا تكره امهاا ، بس غصب عنهاا ، الكره والحقد كانواا بيتملكوا منهاا كل ما واحده من صحابهاا تسالهاا عن مامتها ، او تشوف ام مع بنتهاا وهي بتشجعهاا ، بس برضه دي امهاا ومش من حقهاا تحاسبهاا يعني كل واحد حر ، سرحت شويه و..
فلاااااااش…
لوكاا: ماما تعالي كده شوفي الدريس ده عامل ازاي عليااا….
هناء جت اوضه لوكاا وهي ماسكه شنطه كبيره ، لوكاا اخدت بالهاا من الشنطه…
لوكاا: ايه ده انتي مسافره شغل ولا ايه؟!!!
هناء: ايواا بس مش هاجي تاني..
لوكاا: ازاي يعني مش فاهمه..
هناء: يعني هسافر ومش هجي هناا تاني ابدااا ، هستقر هناك طول العمر…
لوكاا بصدمه وضعف: طيب ليه كده يا ماما ، هو احنا زعلناكي ف حاجه؟!..
هناء: ملك انا ماشيه ومعنديش وقت..
خرجت من الاوضه ولسه هتفتح الباب عشان تخرج من البيت ملك جريت وراهاا…
لوكاا بدموع وصوت متقطع: ماما عشان خاطري استني ، طيب خديني معاكي ، مش عايزه ابقي لوحدي ، متسبناش والنبي..
هناء بعصبيه وزعيق: قولتلك ابعدي عني ، خلاص زهقت منكواا ومن مسئوليتكواا ، عايزه اعيش حياتي بقااا ، عايزه اشوف الدنياا..
لوكاا: طيب يا ماما خديني معاكي وانا مش هعمل اي صوت همشي وراكي كده وبس…بس متسبينيش لوحدي اناا محتاجاكي….
هناء: ابعدي عني كفايه بقااا…كفايه…
وزقت لوكااا وخرجت براا البيت للابد….
باااااك…
اه يا ماما لو تعرفي محتجالك قد ايه ، ااااه لو تعرفي اني لسه بحبك بس زعلانه منك اووي ، كنت اتمني انك دايماا تكوني معايا ، ف كل لحظه ف عمري ، يوم اما وقعت ورجلي اتفتحت ، يوم اماا اتخنقت مع واحده من المدرسه وامهاا كانت معاها واحناا بنتعاقب عند المديره وانا كنت لوحدي ، اما جبت مجموع محترم ف الثانويه العامه ، واماا دخلت كليه الهندسه ومحبتهاش ف نقلت كليه تانيه واناا تايهه وخايفه ومش عارفه اللي بعملواا ده صح ولا غلط ، اماا تعبت بالليل وعملت الزايده ، ويوم تخرجي من الكليه اخيرااا وبامتياز بعد تعب وسهر 4 سنين ، واحداث كتيرر اووي مرت علياا كنت حاسه اني محتاجاكي فيهاا ، بس انتي اللي اخترتي…
اماا شيري كانت قاعده ف التراث وحزينه علي اختهاا بس قوت نفسهاا عشان هي الكبيره وعليهاا مسئوليه…
لولي صحيت من النوم و قامت خدت الفوطه ودخلت الحمام تاخد شاور ، افتكرت اللي حصل امبارح وقد اي ملك مجروحه وان هي كمان لازم تقطع الامل بقااا ان امهاا ترجع تاني ، لانها لو عايزه ترجع كانت رجعت من زمان ، ولازم تكون اقوي وتبطل تحبهاا…
اماا نيموو منامتش طول الليل ، فضلت تعيط وتلوم نفسهاا وتلوم بنتهاا بس اخدت قرار وهتتفذه اكيد ، قامت من مكانهاا لقيت البرتين صحيت ..
ف إسكندريه ف اوضه مصطفي كان مصطفي وياسر قاعدين ف البلكونه وبيفطروا…
مصطفي: الحمد لله…
ياسر: انا كمان خلصت اكل ، قولي مالك بقاا..
مصطفي: مخنوق ، ع تعبان ، ع قرفان ، معرفش ف اي..
ياسر: طيب من امتاا حسيت بكل ده..
مصطفي بص لياسر: من ساعه ما ملك قدمت استقالتها…
ياسر باستغراب: لوكاا!!! اشمعناا يعني..
مصطفي: معرفش ، ممكن حاسس بالذنب..
ياسر: لا لا ، ف حاجه تاني مش قادر احددها ، مصطفي خليك صريح وقولي ف اي..
مصطفي: ملك بتفكرني بيهاا يا ياسر ، نسخه منهاا ، مش قادر ابطل اقارن بينهم…
ياسر: هي مين دي..
مصطفي: رضوي..
ياسر اتخض: مصطفي انت اتجننت ، ملك غير رضوي خاالص..
مصطفي: لا ملك شبه رضوي اووووي ، انت بس اللي متعرفش رضوي كويس..
ياسر: هو انت لسه بتحب رضوي!!!!
مصطفي: معرفش يا ياسر ، بس اللي اعرفه ان ملك دايما بتفكرني بيهاا ف كل تصرفاتها حتي ف هزارها معاك..
ياسر: عشان كده كنت بترخم عليهاا ، وبتعاملها كده..
مصطفي بتنهده: يعني ، انت عارف رضوي كانت اي بالنسبه لياا ، كانت هي الدنيا والناس كمان ، كانت كل حاجه الشمس اللي بتصحيني والقمر اللي بحب ابصله من غير زهق والنجوم اللي بتلمع ، كانت كل حاجه ، كانت بتعوضني عن اهلي ، عن اختي ، كانت السكن والامان ، المهم قوم انت ارتاح وانا هنزل شويه اتمشي ع البحر..
ياسر: طيب بس انت متزعلش نفسك ،واجمد كده ، ولازم تفهم ان ملك حاجه ورضوي حاجه ممكن تكون شبهها ف شويه صفات لكن ملك مختلفه اوووي ، كله هيبقي تمام وهيتصلح وانت متفكرش كتير وسيب كله ع ربنا ، هو هيظبط الدنياا بمعرفته…
مصطفي: ربناا يسهل…
قاعدين ع السفره بيفطروا وكل واحد ف ملكوته الخاص..
نيمو بتأكل البرتين: يلا يا حببتي افتحي بقك ، ايوا كده برافو (بصت لاحفادهاا) ف ضيفه جيالنا الاسبوع الجاي ولازم نتستقبلها كويس وتكونوا موجودين…
شيرري: ع حسب لان عندي شغل كتيرر ومأجلاه ف لازم يخلص..
لولي: مين دي؟
نيموو: معرفه قديمه وكانت مسافره وعايزه تشوفكوا بعد ماكبرتو..
شيري: نبقي نشوف بقاا..
نيمو: طيب (بصت لابرتين) شبعتي يا حببتي..
البرتين: ايوا يا مامي..
نيمو: طيب يلا روحي اغسلي ايدك..
ملك عيزاكي شويه..
ملك: هاا….
نيمو: بقولك عيزاكي شويه..
ملك: معلش يا تيتا مش قادره اتكلم انا محتاجه انام بس..
لولي: انا هجهز عشان المدرسه..
شيري: وانا هقوم البس بقاا عشان الحق الشغل ، ملوكه مش عايزه تيجي معايا..
لوكاا: لا شكراا..
شيري: يا بنتي لي فكري كده عقبال ما البس..
لبست شيري ولوكا مغيرتش رأيها وفضلت تبقي لوحدهاا عشان متجرحش حد تاني بكلامها..
وصلت لولي مدرستها واول ما دخلت فصلها.
